Versículos Bíblicos Populares relacionados a Matthieu 3

Compartilhar

Ala sara ye so afa atene, ala zia ngbene lege ti sarango ye ti ala awe!

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Gi so Jésus awara bateme awe, lo sigigi na ya ti ngu ni. Na ndembe ni so, yanga ti yayu azi, lo baa Yingo ti Nzapa so azu tongana *mbipa si aga na ndö ti lo.

Ti mbi, mbi yeke batize ala na ngu ti fa na le ti azo so ala zia ngbene lege ti sarango ye ti ala awe; me lo so ayeke ga na peko ti mbi, fade lo yeke batize ala na Yingo-Vuru nga na wâ. Ngangu ti lo ahon ti mbi: mbi kpa zo ti zi poro ti gere ti lo pepe.

Do ayeke na gunda ti akeke ti de ni: keke so kue ale nzoni lengo pepe, fade ayeke de ni ti bi na wâ.

Jean ayeke zo so wayanga-Nzapa Ésaïe atene tënë ti lo ando, atene: “Mbeni zo ayeke dekongo na benyama kâ, atene: ‘Ala leke lege ti *Kota Gbia! Ala sara si lege ti lo aluti mbirimbiri!’ ”