Versículos Bíblicos Populares relacionados a Matthieu 28

Compartilhar

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru; ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Me ange ni atene na awali ni: “Mbeto asara ala pepe; mbi hinga so ala yeke gi Jésus, lo so a fâ lo na ndö ti keke ti kroa. Lo yeke na ndo so pepe, lo zingo na kuâ awe tongana ti so lo tene tënë ni lani. Ala ga, ala baa ndo so lani lo lango daa.

Tongaso Jésus atene na ala: “Mbeto asara ala pepe. Ala gue, atene na a-ita ti mbi ti gue na Galile: kâ laa ala yeke baa ande mbi.”

Akota wayango-sandaga ni na *akangba abongbi tere ti ala, ala ma tere si ala mu kota nginza na aturugu ni. Ala tene na ala: “Ala tene na azo, atene: ‘Adisiple ti lo aga na bi, ala nzi kuâ ti lo ahon na ni na ndembe so e ngba ti lango.’ Tongana tënë ni asi na mê ti govoronere, fade e laa e yeke sara titene be ti lo ade si e yeke sara titene ala wara tënë pepe.” Aturugu ni amu nginza ni si ala sara ye alingbi na tënë so a fa na ala. Nilaa tënë ti mvene so awu na popo ti azuife ngbii asi laso.