Versículos Bíblicos Populares relacionados a Jean 4

Compartilhar

Nzapa ayeke Yingo; azo so ayeke voro lo, ayeke nzoni ala voro lo na lege ti Yingo nga na lege ti taa-tënë.”

Me mbeni ngbonga ayeke ga si ngbonga ni alingbi awe so taa zo ti vorongo Babâ ayeke voro lo na lege ti Yingo nga na lege ti taa-tënë. Amara ti azo ti vorongo Nzapa tongaso laa Babâ ayeke gi ala.

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Wali ni atene na lo: “Kota zo, mo yeke na ye ti to na ngu pepe si du ti ngu ni ali mingi. Mo yeke wara ngu so ayeke sara titene zo angba na fini so tongana nyen?

Wali ni atene na lo: “Mbi hinga so *Mesii so ala iri lo Christ ayeke ga. Tongana lo ga, fade lo yeke fa na e nda ti ye kue.” Jésus akiri tënë na lo: “Mbi so mbi yeke tene tënë na mo so, mbi yeke Mesii ni.”

“Ala ga abaa mbeni koli so atene na mbi tënë ti aye so kue mbi sara. Wala Mesii ni laa?”