Versículos Bíblicos Populares relacionados a Ann Bokwakwarin 24

Compartilhar

Namon bobo orot ibayoi ifefeyan iyau, “O BADA, yau au bada Abraham an God, ari ra eibaisiu au bobo innat obin inmatar ato am moa obin uniyamai au bada Abraham aurin.

Yau arimon jeverei tani anawur, ‘Karun, am kibub eyirai esur ato sareu eiteu atoman.’ Ato on jeverei am bobo orot Isaac aurin unrurubinai mes on, arimon auriu inau, ‘Basit, au bada, etoman.’ Namon on inbotein inau, ‘Yau arimon am camel mat asi sareu anboai sintoman. On bobo nanaba inmamatar on yau arimon ansagob Om am moa obin on au bada Abraham aurin ufour.’

Isaac on Rebecca ibo sinai ayon Sarah an guwi ai sirui ato nan iawan sima. Isaac on Rebecca inuaboai ato on emon kubainunub ibo, on an rai ayon irabob gibunai.

Ato osi atonio dura ai on Rebecca simomoginai ato siyawur siyau: “Wei robui. Om arimon sabu babaisonis ayos unmatar! Om wawam agirim arimon asi ragit sinbomerubes ato asi mafam gagamis sinboai!”

Yau agogoi Om safam a tafanam an BADA God Wabinai unifaro on, om men arimon nin Canaan sabu sanasi yau natu orot awan unrubinai mes. Om totor unmatabir unan tafanam menan yau au rat barenai nan ato yau au dam warar amosi emon, yau natu orot Isaac awan jeverei unboai.”