Versículos Bíblicos Populares relacionados a JOHANE 15

Compartilhar

Sehlare sa morara ke nna, makala ke bolena. E a dulago a le mo go nna, le nna ke le go yena, o tlo enywa dienywa tše ntši, gobane ge le se ne nna, le ka se ke la kgona selo.

Dulang le le mo go nna, ke le go lena. Boka lekala, ge le sa kgone go enywa le le noši, le sa dule sehlareng sa morara, le go lena go tlo ba bjalo, ge le sa dule mo go nna.

Ge le dula le le go nna, le mantšu a ka ge a dula a le mo go lena, gona le tlo kgopela se le se ratago, la se hwetša.

Ga se lena le ntlhaotšego; ke nna ke hlaotšego bolena, ka le bea gore le ye le bee dienywa; mme dienywa tša lena di dule di le gona, gore se le kago se kgopela go Tate ka leina la ka, a le nee.

Ga go e a nago le lerato le le fetišago la eo a gafago bophelo bja gagwe ka baka la bagwera ba gagwe.

Lekala lefe le lefe mo go nna le sa enywego dienywa, o a le ripa; lefe le lefe le le enywago, o a le thenela gore le atiše dienywa.

Molao wa ka šo: Ratanang bjalo ka ge nna ke le ratile.

Se Tate a tlogo retwa ka sona, ke ge le enywa dienywa tše ntši, le eba barutiwa ba ka.

Ke nna sehlare sa morara wa makgonthe; molemi ke Tate.

Motho ge a sa dule a le mo go nna, o lahletšwe ntle bjalo ka lekala ge le omeletše; motho a le topa a le lahlela mollong la swa.

Ditaba tše ke le boditše, gore lethabo la ka le be gona mo go lena, gore lethabo la lena e be le le tletšego.

Ge le lotola melao ya ka, ke gona le dulago le le leratong la ka, bjalo ka ge ke lototše melao ya Tate, ke dutše ke le leratong la gagwe.

Se nna ke le laelago sona ke gore le ratane.

Ge le ka be le le ba lefase, lefase le ka ba le rata ba e lego ba galo; gomme le le hloile ka ge le se ba galo, ka ge ke le hlaotše lefaseng.