Versículos Bíblicos Populares relacionados a JOHANE 10

Compartilhar

Lehodu ge le tla, le tlela go utswa, le go hlaba, le go fediša. Se nna ke se tletšego ke gore di be le bophelo le mohora.

Ke nna modiši yo bolo. Modiši yo bolo o gafa bophelo bja gagwe ka baka la dinku.

Dinku tša ka di kwa lentšu laka. Gomme nna ke a di tseba mme tšona di a ntatela.

Ke nna ke di neago bophelo bjo bo sa felego. Di ka se ke tša ba tša lahlega neng le neng. Ga go e a kago di utla atleng tšaka.

Mojako ke nna. Ge motho a tsena ka nna, o tlo phološwa; o tlo fela a tsena a etšwa a hwetša mafulo.

Nna ke modiši yo bolo. Tše e lego tša ka ke a di tseba; tša ka le tšona di a ntseba.

Tate e a nneilego tšona ke yena Mogologobohle; mme ga go e a kgonago go di utla seatleng sa Tate. Nna le Tate re batee.

Bjalo ka ge Tate a ntseba, Tate le nna ke a mo tseba, mme ke gafa bophelo bja ka ka baka la dinku tša ka.

Ga go e a nkamogago bophelo bja ka; ke nna mong ke bo gafago. Ke na le maatla a go bo gafa; le gona ke na le maatla a go boela ke bo tšea. Ke yona taelo ye ke e filwego ke Tate.

Jesu a buša a bolela le bona a re: Ruri, ruri, ke a le botša, mojako wa dinku ke nna.

Ge e le mothwalwa yo e sego mong wa dinku, o bona phiri e etla, a lahle dinku a tšhabe; gomme phiri e di sware, e di gašanye.

Ruri, ruri, ke a le botša, e a sa tsenego lešakeng la dinku ka mojako, a upša a namela ka gošele, yena eo ke lehodu le mohlakodi.