Versículos Bíblicos Populares relacionados a Mateu 15

Compartilhar

Napane ashilá shúma nkanywa shaaloka muntima. Asho ni shintádya munu kuva nshapu. Muntima mwamunu munkuma makumbukililo akunyata, kubyaa, kunama nankongwe waukannambile, kulavalava, kwiva, ushuda waushwang'a na kukupulu.

Shinu shintáa munu ushapu i ashilá shinjilíla pakanywa ila ni ashilá shúma pakanywa. Asho mwiu shinkuntaa munu ushapu.”

“ ‘Venentete ava po pakanywa apa vankungutumbyanga, ila ntima wave uvelé kushu namu nangu. Vanavo vankulipudya bule, vapundisha kenga mapundisho shii malamulo avanu vene.’ ”

Yesu kutwa kushidoni, “Ajaló, likulupililo lyako likumene namene! Nadoni vikutandeke kenga mo mwaulatadile.” Bai muwakati wowo mwanagwe jo kuponenneu.

Bai nkongwe aijá kuwika kunguguvalila kushidoni, “UMU, ngupwashela.” Yesu, “Hashinava shambone kutwala ligung'u lyavana kuvajalela vang'avanga.” Nkongwe jo doni, “UMU, shinu asho mwiu! Napane ata vo vang'avanga vo vandálya dingalamwamwa digwilangíla mulyungu imesha yanakulugwave.”