Versículos Bíblicos Populares relacionados a Efesus 6

Compartilhar

Magi baso menio. Te da Krais wali pabo we bidi hani, dago te dwai sę ebo kolesaga dali hwįyu tama dago e tǫde bidibo bidi dali hwįbo meni. Dago te dwai sę ebo kolesaga dali hwįbadi, tama dago te dwai haubo noma bidi ugwadu te dagalude bidibo bage dali me hwįbo dao. Augwali da te megi hulia side dwai sę ebo tobolu bidi dabe me, te polalubo bidi dabe me, te we bidi tonalubo dwai noma bidi dabe dao.

Tama tiyu, tigidali sogo dagego po God dali wao, agai dage tau somainu yai. Tama te Godigo Mobo Bidi agai dage bomo mayu, tego Godibolo po wao. Te sę yainu, dage pila mugimio, hodaluao, nolǫ isiąbo ąǫ egimio. Te sę munu me tagaligio. Tigidali sogo dagego gedu haluasa po Godigo we bidi tau somainu wao.

Tama eno dagebolo hwįbo po digi po begelama megi obao. God agai dagebolo te duga tigi duala sabo nai mobao. Tama dagego bomo eyu, te dwai haubo noma bidi Satango geme dualama ebo dwai kolesaga tigidali te aiyaba elaluyu, dage bugagia dolalumainogo eyu, tama dagego te tigi duala sabo nai tigidali selama tigide muao.

Tama tibaso, Godigo dagebolo mabo tigi duala sabo nai megi duga tigide muao. Tama tiyu, te augwaligo dage dali dwai sę ebo sogo pedalobo si, te dage bomo elama augwali dali hwįdu gelama, tama aiyaba elaluama, tama dage bomo yai bidi mu me dolaluaibao, wi pogobeo.

Tama enesigi bidi agai aga sabele abibo tiwai tama dagego Godide konealubo po tigidali sogo abilasa bilao. Tama tiyu, te sabelego te boi bidigo sia dage ponai ene dabe sela sąwaibao. Te boi bidi nogi te Satan dao. Te Godigo dage polo ma dobola sai dao. Te homu ebo kolesaga te kapago nigai tobolu madi tiwai selama, tobolude muao. Tama dagego te Mobo Bidigo bobobage poa pai hwą ge tiwai te Godigo te bukude asęani po bugagia odama, sao.

Awe, dage e tama tiwai dola selama dolaluao. Dagego Godigo mu po te duga kugulu tiwai gudulama, tama bugagia dąų olama, tama te doloba pai wiegi yai kolesaga ebo te dagego duga hagawia sesela sabo nai tiwai abiao. Tama te enesigi bidi agai te hwįabo sisi elama, tama sągąde mubo nai nadoba mubo dao. Tama te tiwai dagego te Godigo dwagi yai gesi po mu konealubo kolesaga bugagia dolasa elaluao, God agai gasa bidi dali dwagi yai homu yabo po.

Te eno po silagasu wabo po e dao: dage te Genuai Bidi Krais agade wadoloyu, tama dagego agai genuai bomo meba siyu, tama dage bomo eyu bidao.

Te Godigo po weyu, tama Mosesgo bukude asęani po tiwai, “Te duga aya idago po wali pao. Tama te po mobo te wali peyu da, tama dage bugagia mu bidiyu, e tǫde hauwa sogo bideibao,” te po wai. Tama Godigo te po bomo eyu, dąų walai. Agai te mobo po hauwa weyu, te e po dali te dąų wali po hasia wadolali.

Dage wai dabe dagego te Genuai Bidigo po wali pobaso, te ida ayago wabo po wali pao. Te tama tebo kolesaga te dolo dao.