Versículos Bíblicos Populares relacionados a Mātaio 4

Compartilhar

Kua pa'u atura a Iēsū, nā kō atura, “Kua tātā'ia ē, ‘Kāre ē ko te mānga anake ra te mea e ora ai te tangata nei, ko te au mea katoa rā nō roto mai i te va'a o te Atua ra.’ ”

Kua pa'u atura a Iēsū ki aia, “E 'aere kē atu koe, e Sātani, nō te mea kua tātā'ia ē, ‘Ko te 'Atu tō'ou Atua ra tā'au e 'akamori, ē ko ia anake rāi tā'au e tāvini.’ ”

Kua tuatua maira a Iēsū ki aia, “Kua tātā katoa'ia ē, ‘Auraka koe e 'akakōkō atu i te 'Atu, i tō'ou Atua ra.’ ”

I reira, kua arataki'ia a Iēsū e te Vaerua ki roto i te mēdēbara ra kia tīmata'ia e te Tiāporo ra. Kua 'akakore i'ora aia i te kai e 'ā nga'uru pō ē e 'ā nga'uru 'oki ao, e oti akera, pongi i'ora aia.

Kua karanga atura aia kia rāua, “Ka āru mai kōrua i āku, e 'akariro au i a kōrua 'ei ravakai tangata.” 'Akaruke i'ora rāua i tā rāua kupenga i reira, ē kua āru maira i aia.

Mei te reira tuātau mai, kua 'akamata a Iēsū i te tūtū 'aere i te nā kō'anga ē, “Ka tatarā'ara, nō te mea, tē vaitata mai nei te bāsileia o te ao.”