Versículos Bíblicos Populares relacionados a Luka 6

Compartilhar

Ka 'ōronga, ē ka 'ōronga'ia mai tā kōtou; ko te 'āite kī meitaki, kua taomi'ia ē kua ruru'ia e māringiringi 'ua atu, ko tā rātou ia ka tuku mai nā kōtou. Ko te 'āite tā kōtou e 'āite atu, ko tā kōtou rāi ia e 'āite'ia mai.”

E tuku mai te tangata meitaki i te mea meitaki nō roto mai i te putunga meitaki i roto i tōna ngākau. Ē e tuku mai te tangata kino i te mea kino nō roto mai i te putunga kino i roto i tōna ngākau. Nō te kī 'oki o te ngākau i tuatua'ia ai te va'a.”

E aro'a rā kōtou i tō kōtou au 'enemi, ē e tākinga meitaki ē e 'ōronga atu, auraka 'ua atu 'ei manako i te tūtaki. 'E tūtaki ma'ata tā kōtou i reira, ē ka riro 'oki kōtou 'ei tamariki nā tei Teitei Rava. 'E tākinga meitaki 'oki tōna i te aronga marekakore'ia ē te tangata kikino ra.

E aro'a atu 'oki kōtou, mei tō kōtou Metua e aro'a maira.”

“Auraka e 'akavā atu, ē kāre kōtou e 'akavā'ia mai. Auraka e 'aka'apa, ē kāre katoa kōtou e 'aka'apa'ia mai. E 'akakore atu i te 'apa, ē ka 'akakore'ia mai tā kōtou.

“Tēia rā tāku tuatua ki a kōtou, e 'akarongo maira: E aro'a atu i tō kōtou au 'enemi, e tākinga meitaki atu i te aronga i mākitakita mai i a kōtou. E 'akameitaki i te aronga i tao mai i a kōtou, ē e pure 'oki i te aronga i 'akakino mai i a kōtou.

Ē tā kōtou e 'inangaro i te tangata kia rave ki a kōtou na, ka 'akapērā katoa atu kōtou ki a rātou ra.

Tei moto maira i tō pāpāringa na, e anga katoa atu i tēta'i. Ē tei rave i tō kāka'u pū na, auraka katoa e tāpū i tō pereue. E 'ōronga atu nā tei pati mai ki a koe, ē ko tei rave i tō'ou 'apinga, auraka e pati 'aka'ou atu.

“Kāre te pū rākau meitaki ra e 'ua mai i te 'ua kino, ē kāre katoa te pū rākau kino ra e 'ua mai i te 'ua meitaki.

Tē kitea nei te au pū rākau i tōna 'ua'orāi 'ua tikāi. Kāre 'oki te suke e rauka mai ana mei runga mai i te rākau taratara, ē te vine katoa, kāre ia mei runga mai i te tātarāmoa.