Sharanahua - 2016 Edition (NT) Non Drama

Sharanahua - 2016 Edition (NT) Drama

<div class="version vid522 iso6393mcd" data-vid="522" data-iso6393="mcd">
 <div class="book bkMRK">
 <div class="chapter ch4" data-usfm="MRK.4">
 <div class="label">4</div><div class="s">Ushu saamisihuunoa Jes&#250;s ato ahuara futsa yosini</div><div class="r"> Mt 13.1-9; Lc 8.4-8</div><div class="p"> 1Ascano iyoco futsaino ian cusumunshon Jes&#250;s ato yosiaiton nicacani yorahuanrasi funifo. Fuaifono shashon naqui nanupacucahuan cushan camaqui tsaoshon ato yoini. Ascaino ian cusumun maponifo ahuun tsain nicacani. 2Ahuun tsainman ato ichapa yosini isca huaquin, 3&#8212;Uhuun yoramishtichin ua nicasharacahuun un mato yoinon. Nocofunun ahuun noshati murannoa fimi ushu fishon ahuun mau mamaqui. 4Saacano ushufo fai nushmancayan pacua puiyafoan piinifo. 5Ushu rananri toquiri camaqui pacua maima ano pacuni. Samamashta ushu foaicano 6farin tsacaqui yositima huani.</div><div class="p">Ascano nani. Ahuun tapo chaimashta foanno fanafo nai cuyoni. Tsasi futsuni. 7Ushu rananri tasha murannoashu foaisharanima. Ascatari fiminima. 8Ascan ushu rananri mai shara ano saaca. Foaisharashu fimini. Futsa foasharashu treinta ahuun fimi icaino ushu futsa sesenta ahuun fimi icaino futsa cien ahuun fimi ini, &#8212;ishon yosini.</div><div class="p"> 9Ascano Jes&#250;s ato yoiquin, &#8212;Man pafiqui yaquin ua nicasharacahuun, &#8212;ato huani.</div><div class="s">Jes&#250;s yorahuanrasi yoini cuscan chipo afu rafuafo shafacafi yosini</div><div class="r"> Mt 13.10-17; Lc 8.9-10</div><div class="p"> 10Ascano chipo yorafo amaquinoashu fonifo. Foafono afu rafuafo doce fucashon yocanifo, &#8212;Ifon, min rama fimi ushu saamisihuunoa ahuara noco tapimashquin non tapisharamaquin. Noco shafacafi yosihuu, &#8212;huaifoan. 11Asca huaifoan Jes&#250;s ato cumani, &#8212;Upa Diosin a icanoshon ahuun yorafo iquinai cuscan un mato fusti shafacafi tapimai. Ascashon futsafo ahuarafo cuscarahuunshon fustisi un ato yoiaquin. 12Nicasharaifoan Upa Diosin aton chaca soashocuana ato rau huashquin. Ascan oinfiaquicai tapitirofoma. Nicafiaquicai tapitirofoma. Tapicashon aton chaca shatucuanafo Diosin tsain icoinra huashquin. Ascaiton un aton chaca soashocuana, &#8212;ishon ato yoini.</div><div class="s">Jes&#250;s ushu saamisihuunoa ato tapimasharani</div><div class="r"> Mt 13.18-23; Lc 8.11-15</div><div class="p"> 13&#8212;&#191;Nanfo un saamisihuunoa ahuara futsa ato tapima cuscan man nicayamaiton ahuuscashomun man tsain futsafori nicatiroquin? 14Nicasharacahuun un mato tapimanon. Nan ushu saamisi Diosin tsain yoimisi cuscara. 15Ushufo fai nushmancayan pacua puiyafoan samamashta piinifo. Nanscarifiai Diosin tsain yoimisiton aton nomuran nanupaifiai aton nomuran fai curush cuscaracoin. Ascan Satan&#225;s ato tsain futsa yoiquin afanan Diosin tsain nicanonfoma ahuun ointi muran funomana.</div><div class="p"> 16-17Ascan futsafoan aton ointi toquiri cuscara. Ushu toquiri camaqui pacuni anoashu ahuun tapo chaimashta foanno samamashta fanafo nai cuyoni. Tsasi futsuni. Nanscarifiai futsafoan Diosin tsain tau huaquin nicaiyoi unimacoinfiashon samamashta ahuun tsain cachiquiri huatirofo. Diosin tsain nicafiacatan aton nomuran nanucoianfoma. Ascan ahuara chaca finonshon iyamarai omitsiscaifoanno afanan Diosin tsain nicapaitirofoma. Dios afanan tanapaitirofoma. 18-19Ascan un mato yoiai cuscan ushu futsa tasha muran foaicashu foaisharanima. Nanscarifiai futsafoan Diosin tsain nicafiai chipo ahuara futsa chaca shinanquin. Shinanchacafain pui ichapa noifain, &#8220;Un pui ichapayashuraca un isharatiroatin,&#8221; ishon amaquiri shinanquin. Diosin tsain afanan shinainma. Ascano Diosin tsain nicafiaquin ahuara futsa shinaintocai ahua Dios ashotiroma.</div><div class="p"> 20Ascanfiaquin ushu futsafoan mai shara ano saacano foaiquin yosiashu man fimi ichapa ya. Nanscarifiai futsafoan Diosin tsain nicacoinpaiquin ahuun tsain aton nomuran nanucointiro. Futsan ahuun tsain nanusharaino Diosin yoini cuscacoin atiro. Futsanri ahuun tsain nicacoinquin finacointiro. Futsanri fasi mima huacointiroran, &#8212;ishon Jes&#250;s ato yosiniquin.</div><div class="s">Jes&#250;s lamparinahuunoa yoi cafiscani</div><div class="r"> Lc 8.16-18</div><div class="p"> 21Ascano afanan ahuara futsan ato yosiquin isca huani, &#8212;Tsoancai faquishiaino oinpaiquin lamparina otashon cutipan fupotiroma. Tsoanricai oshati nanman huatiroma. Ascatama tapa camaqui huatirofo shafacafi oinsharanonfo. Nanscarifiai Diosin nocon imapaiyai cuscan apaiquicai non ahuun tsain casho muran iyamarai raniran futsa non onutiroma. Ascatama shafacafi oinsharatiro Diosin yoia cuscan huafain. 22Ascashon non shinanmisi cuscan noco nantifi Diosin puashoshquin. Tsoancai afanan ahuarashta fomantiroma. Diosin nantifi yorafoti aton ointaifi puashoyoshquin. 23Man pafiqui yaquin ua nicasharacahuun.</div><div class="p"> 24Ascacun oinfain. Uhuun tsain nicasharacahuun. Amaquiri nicayamacahuun. Un mato yoia cuscan aashquin. Ascaquin man fasi uhuun tsain tapicointiro. 25Asca tsoan uhuun tsain nicasharai ahuun nomuran nanucoiainno Upa Diosin mima huacoinquin tapimashquin. Ascan tsoan uhuun tsain nicafiai un yoia cuscan aiyamashu nan cuscarafo nantifi funocani. Upa Diosin funomanano ahuashtayacanimaran, &#8212;ishon Jes&#250;s ato yoini.</div><div class="s">Jes&#250;s ushuhuunoa yoicoin cafiscani</div><div class="p"> 26Ascatan afanan ahuara futsan ato yosini. &#8212;Ahuu cuscaramain Upa Diosin nantifi iquinnaquin un mato yoicain. Nocofunun ahuun mau ano ushufo fana. 27Shafatifi non yamutifiri nan ushufo foaicaino yosishara. Ascan mau ifoancai nan ushufo foaimatiroma shafatan yafi yamuri afi yositiroquin. Ahuuscashumain afin foaitiroquin non tapiama. 28Mai muran ushu foanno iquisi ahuun tapo foaitiro. Ascashu chipo shuqui fimi ya itiro. Ahuun unutani shuqui choshitiro.</div><div class="p"> 29Ascan shuqui choshiano mau ifoan shuqui samamashta chituntiro. Nanscarifiai tsoa icoinra huamafoan icoinra huacani itisharacani samamashta Diosin mai ano nocotiro nantifi iquishquin, &#8212;ishon Jes&#250;s ato yoini.</div><div class="s">Jes&#250;s ihui mostaza ushuhuunoa yoicoin cafisca huani</div><div class="r"> Mt 13.31-32; Lc 13.18-19</div><div class="p"> 30Ascatan afanan Jes&#250;s ato yoiquin isca huani, &#8212;&#191;Ahuuscashomain un mato yositiroquin Diosin ahuun yorafoti yonofain iquinaquin? &#191;Rato tsain futsacaimun un mato yosicain man tapinon ahuu cuscaramain Upa Diosin nantifi iquinaquin? Ua nicacahuun. 31Mostaza ushu uhuapamashta. 32Ascafia yosiashu fasi uhuapacoin itiro. Rato ihuicai mostazatioma. Ahuun tushpafori fasi uhuapacoin. Ahuun tushpahuu puiya futsa futsatapafo tsaotiro. Nanno mostaza ahuun puifoan ahuun tushpafo ihuaquin futsa fari tsacanonma. Nanscarifiai Diosin icoinra huaafo tau huaquin ichapamaton nicayotirofo. Chipo fasi ichapafain tanacointirofo Diosqui nocosharashcaquin, &#8212;ishon Jes&#250;s ato yoini.</div><div class="s">Jes&#250;s tsain futsahuunoa ato ahuarafo yosini</div><div class="r"> Mt 13.34-35</div><div class="p"> 33Ascatari tsain futsahuunoa ichapa ato yoini ato tapimanon. Afohuunshon ato Diosin tsain tapimani. Tapitirofo cuscan ato tapimani. 34Ahuarafo ato yosipaini tsain futsahuunoa nanfotisi ato yoini. Ascafia chipo afu rafumisifo atotisi tsain futsahuunoa shafacafi ato yosini.</div><div class="s">Nihuu yafi ian fuchomanhuanri Jes&#250;s ahuun tsainmansi nishma huani</div><div class="r"> Mt 8.23-27; Lc 8.22-25</div><div class="p"> 35Ascatan man fari caino Jes&#250;s afu rafuafo yoini, &#8212;Ianmanhuan oquiri non fonon, &#8212;ato huani. 36Ascaino yorafomaquishon afu rafumisifoan Jes&#250;s ianmanhuan oquiri iyonifo. Chipo atirifiton mufainifo. 37Shashon pocuaifono atoqui fuuhuan noconi. Fuchomanhuaino unu fospini. 38Ascaino Jes&#250;s shasho tsispacamaquinoashu oshano afu rafumisifoan moinnifo. &#8212;Nocon tapimamisiton moihuu. &#191;Min noco shinainmamun? Man non asai futsuicai, &#8212;ishon moinnifo.</div><div class="p"> 39Asca huaifoanno moinacahuatan ninacahuan fuu nishma huani. &#8212;Fuun nishmahuu. Fuchomanhuan pusiyamahuu, &#8212;Jes&#250;s huani. Asca huaino fuun nishmafainaino ian pusiquima racani. 40Afu rafuafo yoiquin isca huani, &#8212;&#191;Ahuuscain man ratu ain? Un ahuamamishti huatiro mancai icoinra huataimacai, &#8212;ato huani.</div><div class="p"> 41Ascaino aton nomuran fasi shinancani, &#8212;&#161;Aira! &#191;Ahuu cuscara nocofunushonmun nocon Ifon? Na fuuhuan yafi ian fuchomanhuan nan yoiai cuscan huaaquin. Man nishma hua, &#8212;icashu afu rafuafo yoinannifo.</div>
 </div>
 </div>
</div>

Ascano iyoco futsaino ian cusumunshon Jesús ato yosiaiton nicacani yorahuanrasi funifo. Fuaifono shashon naqui nanupacucahuan cushan camaqui tsaoshon ato yoini. Ascaino ian cusumun maponifo ahuun tsain nicacani. Ahuun tsainman ato ichapa yosini isca huaquin, —Uhuun yoramishtichin ua nicasharacahuun un mato yoinon. Nocofunun ahuun noshati murannoa fimi ushu fishon ahuun mau mamaqui. Saacano ushufo fai nushmancayan pacua puiyafoan piinifo. Ushu rananri toquiri camaqui pacua maima ano pacuni. Samamashta ushu foaicano farin tsacaqui yositima huani.
Ascano nani. Ahuun tapo chaimashta foanno fanafo nai cuyoni. Tsasi futsuni. Ushu rananri tasha murannoashu foaisharanima. Ascatari fiminima. Ascan ushu rananri mai shara ano saaca. Foaisharashu fimini. Futsa foasharashu treinta ahuun fimi icaino ushu futsa sesenta ahuun fimi icaino futsa cien ahuun fimi ini, —ishon yosini.
Ascano Jesús ato yoiquin, —Man pafiqui yaquin ua nicasharacahuun, —ato huani.


Ascano chipo yorafo amaquinoashu fonifo. Foafono afu rafuafo doce fucashon yocanifo, —Ifon, min rama fimi ushu saamisihuunoa ahuara noco tapimashquin non tapisharamaquin. Noco shafacafi yosihuu, —huaifoan. Asca huaifoan Jesús ato cumani, —Upa Diosin a icanoshon ahuun yorafo iquinai cuscan un mato fusti shafacafi tapimai. Ascashon futsafo ahuarafo cuscarahuunshon fustisi un ato yoiaquin. Nicasharaifoan Upa Diosin aton chaca soashocuana ato rau huashquin. Ascan oinfiaquicai tapitirofoma. Nicafiaquicai tapitirofoma. Tapicashon aton chaca shatucuanafo Diosin tsain icoinra huashquin. Ascaiton un aton chaca soashocuana, —ishon ato yoini.


—¿Nanfo un saamisihuunoa ahuara futsa ato tapima cuscan man nicayamaiton ahuuscashomun man tsain futsafori nicatiroquin? Nicasharacahuun un mato tapimanon. Nan ushu saamisi Diosin tsain yoimisi cuscara. Ushufo fai nushmancayan pacua puiyafoan samamashta piinifo. Nanscarifiai Diosin tsain yoimisiton aton nomuran nanupaifiai aton nomuran fai curush cuscaracoin. Ascan Satanás ato tsain futsa yoiquin afanan Diosin tsain nicanonfoma ahuun ointi muran funomana.
Ascan futsafoan aton ointi toquiri cuscara. Ushu toquiri camaqui pacuni anoashu ahuun tapo chaimashta foanno samamashta fanafo nai cuyoni. Tsasi futsuni. Nanscarifiai futsafoan Diosin tsain tau huaquin nicaiyoi unimacoinfiashon samamashta ahuun tsain cachiquiri huatirofo. Diosin tsain nicafiacatan aton nomuran nanucoianfoma. Ascan ahuara chaca finonshon iyamarai omitsiscaifoanno afanan Diosin tsain nicapaitirofoma. Dios afanan tanapaitirofoma. Ascan un mato yoiai cuscan ushu futsa tasha muran foaicashu foaisharanima. Nanscarifiai futsafoan Diosin tsain nicafiai chipo ahuara futsa chaca shinanquin. Shinanchacafain pui ichapa noifain, “Un pui ichapayashuraca un isharatiroatin,” ishon amaquiri shinanquin. Diosin tsain afanan shinainma. Ascano Diosin tsain nicafiaquin ahuara futsa shinaintocai ahua Dios ashotiroma.
Ascanfiaquin ushu futsafoan mai shara ano saacano foaiquin yosiashu man fimi ichapa ya. Nanscarifiai futsafoan Diosin tsain nicacoinpaiquin ahuun tsain aton nomuran nanucointiro. Futsan ahuun tsain nanusharaino Diosin yoini cuscacoin atiro. Futsanri ahuun tsain nicacoinquin finacointiro. Futsanri fasi mima huacointiroran, —ishon Jesús ato yosiniquin.


Ascano afanan ahuara futsan ato yosiquin isca huani, —Tsoancai faquishiaino oinpaiquin lamparina otashon cutipan fupotiroma. Tsoanricai oshati nanman huatiroma. Ascatama tapa camaqui huatirofo shafacafi oinsharanonfo. Nanscarifiai Diosin nocon imapaiyai cuscan apaiquicai non ahuun tsain casho muran iyamarai raniran futsa non onutiroma. Ascatama shafacafi oinsharatiro Diosin yoia cuscan huafain. Ascashon non shinanmisi cuscan noco nantifi Diosin puashoshquin. Tsoancai afanan ahuarashta fomantiroma. Diosin nantifi yorafoti aton ointaifi puashoyoshquin. Man pafiqui yaquin ua nicasharacahuun.
Ascacun oinfain. Uhuun tsain nicasharacahuun. Amaquiri nicayamacahuun. Un mato yoia cuscan aashquin. Ascaquin man fasi uhuun tsain tapicointiro. Asca tsoan uhuun tsain nicasharai ahuun nomuran nanucoiainno Upa Diosin mima huacoinquin tapimashquin. Ascan tsoan uhuun tsain nicafiai un yoia cuscan aiyamashu nan cuscarafo nantifi funocani. Upa Diosin funomanano ahuashtayacanimaran, —ishon Jesús ato yoini.

Ascatan afanan ahuara futsan ato yosini. —Ahuu cuscaramain Upa Diosin nantifi iquinnaquin un mato yoicain. Nocofunun ahuun mau ano ushufo fana. Shafatifi non yamutifiri nan ushufo foaicaino yosishara. Ascan mau ifoancai nan ushufo foaimatiroma shafatan yafi yamuri afi yositiroquin. Ahuuscashumain afin foaitiroquin non tapiama. Mai muran ushu foanno iquisi ahuun tapo foaitiro. Ascashu chipo shuqui fimi ya itiro. Ahuun unutani shuqui choshitiro.
Ascan shuqui choshiano mau ifoan shuqui samamashta chituntiro. Nanscarifiai tsoa icoinra huamafoan icoinra huacani itisharacani samamashta Diosin mai ano nocotiro nantifi iquishquin, —ishon Jesús ato yoini.


Ascatan afanan Jesús ato yoiquin isca huani, —¿Ahuuscashomain un mato yositiroquin Diosin ahuun yorafoti yonofain iquinaquin? ¿Rato tsain futsacaimun un mato yosicain man tapinon ahuu cuscaramain Upa Diosin nantifi iquinaquin? Ua nicacahuun. Mostaza ushu uhuapamashta. Ascafia yosiashu fasi uhuapacoin itiro. Rato ihuicai mostazatioma. Ahuun tushpafori fasi uhuapacoin. Ahuun tushpahuu puiya futsa futsatapafo tsaotiro. Nanno mostaza ahuun puifoan ahuun tushpafo ihuaquin futsa fari tsacanonma. Nanscarifiai Diosin icoinra huaafo tau huaquin ichapamaton nicayotirofo. Chipo fasi ichapafain tanacointirofo Diosqui nocosharashcaquin, —ishon Jesús ato yoini.


Ascatari tsain futsahuunoa ichapa ato yoini ato tapimanon. Afohuunshon ato Diosin tsain tapimani. Tapitirofo cuscan ato tapimani. Ahuarafo ato yosipaini tsain futsahuunoa nanfotisi ato yoini. Ascafia chipo afu rafumisifo atotisi tsain futsahuunoa shafacafi ato yosini.


Ascatan man fari caino Jesús afu rafuafo yoini, —Ianmanhuan oquiri non fonon, —ato huani. Ascaino yorafomaquishon afu rafumisifoan Jesús ianmanhuan oquiri iyonifo. Chipo atirifiton mufainifo. Shashon pocuaifono atoqui fuuhuan noconi. Fuchomanhuaino unu fospini. Ascaino Jesús shasho tsispacamaquinoashu oshano afu rafumisifoan moinnifo. —Nocon tapimamisiton moihuu. ¿Min noco shinainmamun? Man non asai futsuicai, —ishon moinnifo.
Asca huaifoanno moinacahuatan ninacahuan fuu nishma huani. —Fuun nishmahuu. Fuchomanhuan pusiyamahuu, —Jesús huani. Asca huaino fuun nishmafainaino ian pusiquima racani. Afu rafuafo yoiquin isca huani, —¿Ahuuscain man ratu ain? Un ahuamamishti huatiro mancai icoinra huataimacai, —ato huani.
Ascaino aton nomuran fasi shinancani, —¡Aira! ¿Ahuu cuscara nocofunushonmun nocon Ifon? Na fuuhuan yafi ian fuchomanhuan nan yoiai cuscan huaaquin. Man nishma hua, —icashu afu rafuafo yoinannifo.

Ouça Marcos 4