Tsikimba

<div class="version vid426 iso6393kdl" data-vid="426" data-iso6393="kdl">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">U&#42892;ya&#817;nga&#817; u Yesu a ukpa&#817;</div><div class="r">(Matiyu 28:1-10; Marku 16:1-8; Yahaya 20:1-10)</div><div class="p"> 1Kain ka kagita&#817; ka a&#42892;ayin a shindere; wata, kain ka Aladi n kpasani, aka a banai a asu u kasaun vi n ucanga u magula&#817;ni u &#599;a a fo&#595;usoi. 2A cinai a gindala&#817;kpa &#599;e katali ka kasaun ki, 3shegai an a uwai a wene ikyamba i Yesu Asheku wa. 4A&#42892;a&#817;ri a uyan majiyan ma ukuna mi, kute&#8209;kute ama a re u&#42892;uki n aminya a &#599;a ka la&#599;a a shamgbai evu n ele. 5Adama a uwonvo, aka yi a varai a&#42892;aci a le, shegai ama yi a tonuko le, &#8220;Ndya i zuwai ya bolo uza u uma a asuvu a akushe? 6Wa&#817; pini na wa; u &#42892;ya&#817;nga&#817; &#599;e! Ci&#595;ai ili i&#42892;ya u tonuko &#599;a&#817;, a&#42892;ayin a &#599;a wa&#817;ri ka&#595;olo n a&#817;&#599;a&#817; a Galili. 7&#8216;U ka&#817;na&#817; ta&#817; a neke Maku ma Vuma a akere a aza a unyushi u cingi, a wandamgbana yi, aku u &#42892;ya&#817;nga&#817; a kain ka tatsu.&#8217; &#8221; 8Aku a ci&#595;ai n kadyanshi ka ne.</div><div class="p"> 9An a wuta&#817;i a kasaun ki a gonoi a kuwa, a tonukoi atoni kupa n u te n ama &#599;a a buwai gba&#817; ukuna vi. 10(Meri Magadaliya n Yuwana n Meri mma u Yakubu n aka a roku a &#599;a a&#42892;a&#817;ri ka&#595;olo n ele, alya a tonukoi atoni yi ukuna u na vi.) 11Shegai a wushuku n ukuna vi wa, a gonukoi u &#599;a yavu ukuna u gbani u &#599;a. 12Bituru &#42892;ya&#817;nga&#817;i u sumai ubana a kasaun ki, u kelikei u we&#595;elei, aku u wenei kunya ka a pala&#817;ka yi vi koshi. Aku u gonoi a kuwa wa&#817;ri uyan majiyan ma ukuna vi.</div><div class="s">Ama a re a ure u Imawu</div><div class="r">(Marku 16:12-13)</div><div class="p"> 13Kain ka nala ki, ama a re a asuvu a atoni a Yesu, a ka bana a une u roku u &#599;a a ka isa&#817; Imawu. M&#595;a&#817;ri n ne n ubana a Urishelima, evu na&#817; nwalu m ulapa u uwule u re n &#599;a.#24:13 M&#595;a&#817;ri m mel u shindere &#599;a a ka dansa&#817;ka pini na dere &#599;a u wa&#817;ri n kilomita kupa n u te. 14A&#42892;a&#817;ri a kadyanshi ka ili i&#42892;ya i gita&#817;i vi. 15Ele pini a kadyanshi ki n a yawunsi utyoku u le, tyoku &#599;a ukuna vi u gita&#817;i, aku Yesu n kaci ka ne u ra&#595;a le, a lazai ka&#595;olo. 16Shegai a&#42892;eshi a le a kukpa&#817; a ka reve yi wa.</div><div class="p"> 17Yesu wece le, &#8220;Ukuna u iyen u &#599;a i&#42892;a&#817;ri a udansa an ya wala vi?&#8221;</div><div class="p">A shamgbusai, n a &#595;a&#817;li asuvu n katsuma&#817; ka&#817; lima&#817;. 18Uza &#599;a a ka isa&#817; Kiliyoba wushunku yi, &#8220;Avu kamoci ka a Urishelima? Va ciga vu dana vu reve i&#42892;ya i gita&#817;i a asuvu a a&#42892;ayin a na yi wa?&#8221;</div><div class="p"> 19U wece le, &#8220;Ukuna u eni u &#599;a la vi?&#8221;</div><div class="p">A tonuko yi, &#8220;Ukuna u Yesu uza u Nazara, matsumate ma tani ma ucira a asuvu a manyan ma ne n kadyanshi a kapala ka Kashila&#817; n ama. 20A&#599;ara&#817;kpi a pige na&#817; ngono a neke yi, a ki&#599;a&#817;ga yi ugana u ukpa&#817; a wandamgbana yi. 21Tsa&#817;ra&#817; tsu zuwuka yi tani ta&#817; a&#42892;eshi tsu da aya wa wutukpa&#817; Isara&#42892;ila. Ara kain tatsu &#599;a pa vi an ukuna u na vi u gita&#817;i. 22Ara aka a roku a asuvu a tsunu a yanka tsu ta&#817; ukuna u majiyan, a banai pini a kasaun ki n usana u de. 23An bawu a cinai ikyamba i ne, a gonoi a tonuko tsu a wene ta&#817; kuwene ku atsumate a zuba aza &#599;a a tonuko le wa&#817; ta&#817; n uma. 24Aza roku a tsunu a banai pini a kasaun ki, a ba a cinai tyoku &#599;a aka yi a danai vi nala. Shegai eyi kaci ka ne a wene yi wa.&#8221;</div><div class="p"> 25Yesu tonuko le, &#8220;E&#599;a&#817; aza &#599;a bawu i&#42892;a&#817;ri n ugboji. Aza &#599;a atakasuvu a &#599;e a ra&#817;zugba&#817;i bawu i wushuki gba&#817; n ikorongi i ntsumate. 26U ka&#817;na&#817; Kirisiti Kawauwi u pana ikyamba, aku u tsa&#817;ra&#817; tsupige tsu ne wa?&#8221; 27U gita&#817;i n tagara&#817;da u Musa hal ubana a itagara&#817;da i Ntsumate, wa wutumkpusuka&#817; le ukuna u &#599;a wa&#817;ri a kaci ka ne a asuvu a itagara&#817;da yi.</div><div class="p"> 28A yain evu n une u &#599;a a ka bana vi. U yain yavu wa wura le. 29A ma&#817;tsa&#817; yi a danai, &#8220;Tuwa&#817; vu cipa&#817; ara tsunu, kpaci kaara ka kotso &#599;e, kayin kpam ka yan &#599;e.&#8221; U wushuki u cipa&#817;i ara le.</div><div class="p"> 30An wa&#817;ri a ulya ilikulya ka&#595;olo n ele, u bidyai burodi u cikpai Kashila&#817;, u jiba&#817;i u na&#817;ka&#817; le. 31A&#42892;eshi a le a kukpa&#817;i aku a reve yi. Pini nala, u puwunka&#817; le. 32A dansai utyoku u le, &#8220;Ipeli i tuwa&#817; ta&#817; a atakasuvu a tsunu a&#42892;ayin a &#599;a wa dansa n a&#817;tsu a ure vi, wa wutumkpusuka&#817; tsu itagara&#817;da.&#8221;</div><div class="p"> 33Kute&#8209;kute a &#42892;ya&#817;nga&#817;i a gonoi a Urishelima a ba a cinai atoni kupa n u te vi a asu u te ka&#595;olo n aza &#599;a a&#42892;a&#817;ri n ele. 34Atoni yi a danai, &#8220;Mayun &#599;a! Asheku a &#42892;ya&#817;nga&#817; ta&#817;, hal gba&#817;m u wenike ta&#817; kaci ka ne ara Bituru.&#8221;</div><div class="s">Yesu wenikei kaci ka ne a asu u atoni</div><div class="r">(Matiyu 28:16-20; Marku 16:14-18; Yahaya 20:19-23; Asuki 1:6-8)</div><div class="p"> 35Ama a re yi dem a danai ili i&#42892;ya i gita&#817;i n ele a ure, hal n tyoku &#599;a a reve yi a asu u &#599;a u jiba&#817;i burodi. 36An a&#42892;a&#817;ri pini a udansa ukuna u nala vi, kute&#8209;kute Yesu tuwa&#817;i u shamgbai a mere ma le u dana&#817;sa le, &#8220;Ndishi n shinga ara &#599;e.&#8221; 37Shegai a giruwa&#817;i cika a panai uwonvo. A ka wundya kafofu ka a wenei.</div><div class="p"> 38U tonuko le, &#8220;Ndya i zuwai i giruwa&#817;i? Ndya i zuwai ya yan mala&#817;la&#817; a atakasuvu a &#599;e? 39We&#595;elei akere a va&#817; n a&#42892;ene a va&#817;. Mpa n kaci ka va&#817;, sawa numu i pana. Kafofu ka&#817; n inyama ko atele tyoku &#599;a i wenei ma&#817;ri n i&#42892;ya wa.&#8221;</div><div class="p"> 40An u danai nala, u wenike le akere n a&#42892;ene a ne. 41Shegai adama a maza&#817;nga&#817; n majiyan, a fu&#599;a a wushuku gogo wa. U wece le, &#8220;I&#42892;a&#817; pini na n ilikulya?&#8221; 42A na&#817;ka&#817; yi ka&#595;irisa ka kadan ka a zungi. 43U wushai ka u takumai a kapala ka le.</div><div class="p"> 44U doki u tonuko le, &#8220;Kadyanshi ka va&#817; ka pa vi ka n tonuko &#599;a&#817; a&#42892;ayin a &#599;a tsa&#817;ri ka&#595;olo, &#8220;U ka&#817;na&#817; ta&#817; a sha&#599;angu ili i&#42892;ya i&#42892;a&#817;ri ukorongi a kaci ka va&#817; a asuvu a itagara&#817;da i Mele ma Musa, n i&#42892;ya i Ntsumate hal n Tagara&#817;da u Ishipa.&#8221;</div><div class="p"> 45Aku u kukpa&#817;i atakasuvu a le tsa&#817;ra&#817; a reve itagara&#817;da yi. 46U tonuko le, &#8220;Nala wa&#817;ri ukorongi, u ka&#817;na&#817; ta&#817; Kirisiti Kawauwi u pana ikyamba, kain ka tatsu aku u &#42892;ya&#817;nga&#817; a ukpa&#817;. 47Kpam a ka yan ta&#817; ku&#595;ari ku ukpatala n ku ucimbusa&#817; u unyushi u cingi a asuvu a kala ka ne. A ka gita&#817; ta&#817; a Urishelima ubana a aletsu a &#599;a a buwai. 48E&#599;a aza &#599;a i wenei ili i nala yi, kpam i dana i&#42892;ya. 49Ma sukunku &#599;a&#817; ta&#817; Kulu Keri ka Tata u va&#817; u yain kazuwamgbani n a&#817;&#599;a&#817;. Shegai i vana ve a Urishelima, hal n sukunku &#599;a&#817; ka kpam ku sha&#599;angu &#599;a&#817; n ucira u &#599;a wa wuta&#817; a zuba.&#8221;</div><div class="s">A cangai Yesu ubana a zuba</div><div class="r">(Marku 16:19-20; Asuki 1:9-11)</div><div class="p"> 50U wuta&#817;i n ele ubana a kateshe, hal ubana evu n Batani. U &#42892;ya&#817;nga&#817;sa&#817;i akere a ne u zuwuka le una&#817; u shinga. 51Eyi pini a uzuwusuka le una&#817; u shinga vi, aku u pecenei n ele a canga yi ubana a zuba. 52A lyaka yi kayala, a gonoi a Urishelima n katsuma&#817; ka eri cika. 53A rongoi a ubansa a Kuwa ku Kashila&#817; kain dem, n a cikpala&#817;si Kashila&#817;.</div>
 </div>
 </div>
</div>

Kain ka kagita̱ ka aꞌayin a shindere; wata, kain ka Aladi n kpasani, aka a banai a asu u kasaun vi n ucanga u magula̱ni u ɗa a foɓusoi. A cinai a gindala̱kpa ɗe katali ka kasaun ki, shegai an a uwai a wene ikyamba i Yesu Asheku wa. Aꞌa̱ri a uyan majiyan ma ukuna mi, kute‑kute ama a re uꞌuki n aminya a ɗa ka laɗa a shamgbai evu n ele. Adama a uwonvo, aka yi a varai aꞌaci a le, shegai ama yi a tonuko le, “Ndya i zuwai ya bolo uza u uma a asuvu a akushe? Wa̱ pini na wa; u ꞌya̱nga̱ ɗe! Ciɓai ili iꞌya u tonuko ɗa̱, aꞌayin a ɗa wa̱ri kaɓolo n a̱ɗa̱ a Galili. ‘U ka̱na̱ ta̱ a neke Maku ma Vuma a akere a aza a unyushi u cingi, a wandamgbana yi, aku u ꞌya̱nga̱ a kain ka tatsu.’ ” Aku a ciɓai n kadyanshi ka ne.
An a wuta̱i a kasaun ki a gonoi a kuwa, a tonukoi atoni kupa n u te n ama ɗa a buwai gba̱ ukuna vi. (Meri Magadaliya n Yuwana n Meri mma u Yakubu n aka a roku a ɗa aꞌa̱ri kaɓolo n ele, alya a tonukoi atoni yi ukuna u na vi.) Shegai a wushuku n ukuna vi wa, a gonukoi u ɗa yavu ukuna u gbani u ɗa. Bituru ꞌya̱nga̱i u sumai ubana a kasaun ki, u kelikei u weɓelei, aku u wenei kunya ka a pala̱ka yi vi koshi. Aku u gonoi a kuwa wa̱ri uyan majiyan ma ukuna vi.


Kain ka nala ki, ama a re a asuvu a atoni a Yesu, a ka bana a une u roku u ɗa a ka isa̱ Imawu. Mɓa̱ri n ne n ubana a Urishelima, evu na̱ nwalu m ulapa u uwule u re n ɗa. Aꞌa̱ri a kadyanshi ka ili iꞌya i gita̱i vi. Ele pini a kadyanshi ki n a yawunsi utyoku u le, tyoku ɗa ukuna vi u gita̱i, aku Yesu n kaci ka ne u raɓa le, a lazai kaɓolo. Shegai aꞌeshi a le a kukpa̱ a ka reve yi wa.
Yesu wece le, “Ukuna u iyen u ɗa iꞌa̱ri a udansa an ya wala vi?”
A shamgbusai, n a ɓa̱li asuvu n katsuma̱ ka̱ lima̱. Uza ɗa a ka isa̱ Kiliyoba wushunku yi, “Avu kamoci ka a Urishelima? Va ciga vu dana vu reve iꞌya i gita̱i a asuvu a aꞌayin a na yi wa?”
U wece le, “Ukuna u eni u ɗa la vi?”
A tonuko yi, “Ukuna u Yesu uza u Nazara, matsumate ma tani ma ucira a asuvu a manyan ma ne n kadyanshi a kapala ka Kashila̱ n ama. Aɗara̱kpi a pige na̱ ngono a neke yi, a kiɗa̱ga yi ugana u ukpa̱ a wandamgbana yi. Tsa̱ra̱ tsu zuwuka yi tani ta̱ aꞌeshi tsu da aya wa wutukpa̱ Isaraꞌila. Ara kain tatsu ɗa pa vi an ukuna u na vi u gita̱i. Ara aka a roku a asuvu a tsunu a yanka tsu ta̱ ukuna u majiyan, a banai pini a kasaun ki n usana u de. An bawu a cinai ikyamba i ne, a gonoi a tonuko tsu a wene ta̱ kuwene ku atsumate a zuba aza ɗa a tonuko le wa̱ ta̱ n uma. Aza roku a tsunu a banai pini a kasaun ki, a ba a cinai tyoku ɗa aka yi a danai vi nala. Shegai eyi kaci ka ne a wene yi wa.”
Yesu tonuko le, “Eɗa̱ aza ɗa bawu iꞌa̱ri n ugboji. Aza ɗa atakasuvu a ɗe a ra̱zugba̱i bawu i wushuki gba̱ n ikorongi i ntsumate. U ka̱na̱ Kirisiti Kawauwi u pana ikyamba, aku u tsa̱ra̱ tsupige tsu ne wa?” U gita̱i n tagara̱da u Musa hal ubana a itagara̱da i Ntsumate, wa wutumkpusuka̱ le ukuna u ɗa wa̱ri a kaci ka ne a asuvu a itagara̱da yi.
A yain evu n une u ɗa a ka bana vi. U yain yavu wa wura le. A ma̱tsa̱ yi a danai, “Tuwa̱ vu cipa̱ ara tsunu, kpaci kaara ka kotso ɗe, kayin kpam ka yan ɗe.” U wushuki u cipa̱i ara le.
An wa̱ri a ulya ilikulya kaɓolo n ele, u bidyai burodi u cikpai Kashila̱, u jiba̱i u na̱ka̱ le. Aꞌeshi a le a kukpa̱i aku a reve yi. Pini nala, u puwunka̱ le. A dansai utyoku u le, “Ipeli i tuwa̱ ta̱ a atakasuvu a tsunu aꞌayin a ɗa wa dansa n a̱tsu a ure vi, wa wutumkpusuka̱ tsu itagara̱da.”
Kute‑kute a ꞌya̱nga̱i a gonoi a Urishelima a ba a cinai atoni kupa n u te vi a asu u te kaɓolo n aza ɗa aꞌa̱ri n ele. Atoni yi a danai, “Mayun ɗa! Asheku a ꞌya̱nga̱ ta̱, hal gba̱m u wenike ta̱ kaci ka ne ara Bituru.”


Ama a re yi dem a danai ili iꞌya i gita̱i n ele a ure, hal n tyoku ɗa a reve yi a asu u ɗa u jiba̱i burodi. An aꞌa̱ri pini a udansa ukuna u nala vi, kute‑kute Yesu tuwa̱i u shamgbai a mere ma le u dana̱sa le, “Ndishi n shinga ara ɗe.” Shegai a giruwa̱i cika a panai uwonvo. A ka wundya kafofu ka a wenei.
U tonuko le, “Ndya i zuwai i giruwa̱i? Ndya i zuwai ya yan mala̱la̱ a atakasuvu a ɗe? Weɓelei akere a va̱ n aꞌene a va̱. Mpa n kaci ka va̱, sawa numu i pana. Kafofu ka̱ n inyama ko atele tyoku ɗa i wenei ma̱ri n iꞌya wa.”
An u danai nala, u wenike le akere n aꞌene a ne. Shegai adama a maza̱nga̱ n majiyan, a fuɗa a wushuku gogo wa. U wece le, “Iꞌa̱ pini na n ilikulya?” A na̱ka̱ yi kaɓirisa ka kadan ka a zungi. U wushai ka u takumai a kapala ka le.
U doki u tonuko le, “Kadyanshi ka va̱ ka pa vi ka n tonuko ɗa̱ aꞌayin a ɗa tsa̱ri kaɓolo, “U ka̱na̱ ta̱ a shaɗangu ili iꞌya iꞌa̱ri ukorongi a kaci ka va̱ a asuvu a itagara̱da i Mele ma Musa, n iꞌya i Ntsumate hal n Tagara̱da u Ishipa.”
Aku u kukpa̱i atakasuvu a le tsa̱ra̱ a reve itagara̱da yi. U tonuko le, “Nala wa̱ri ukorongi, u ka̱na̱ ta̱ Kirisiti Kawauwi u pana ikyamba, kain ka tatsu aku u ꞌya̱nga̱ a ukpa̱. Kpam a ka yan ta̱ kuɓari ku ukpatala n ku ucimbusa̱ u unyushi u cingi a asuvu a kala ka ne. A ka gita̱ ta̱ a Urishelima ubana a aletsu a ɗa a buwai. Eɗa aza ɗa i wenei ili i nala yi, kpam i dana iꞌya. Ma sukunku ɗa̱ ta̱ Kulu Keri ka Tata u va̱ u yain kazuwamgbani n a̱ɗa̱. Shegai i vana ve a Urishelima, hal n sukunku ɗa̱ ka kpam ku shaɗangu ɗa̱ n ucira u ɗa wa wuta̱ a zuba.”


U wuta̱i n ele ubana a kateshe, hal ubana evu n Batani. U ꞌya̱nga̱sa̱i akere a ne u zuwuka le una̱ u shinga. Eyi pini a uzuwusuka le una̱ u shinga vi, aku u pecenei n ele a canga yi ubana a zuba. A lyaka yi kayala, a gonoi a Urishelima n katsuma̱ ka eri cika. A rongoi a ubansa a Kuwa ku Kashila̱ kain dem, n a cikpala̱si Kashila̱.

Ouça Luka 24