A tekst disi kmoto fu: Wortu fu Gado © Surinaams Bijbelgenootschap 2016 Recording of Old Testament ℗ Hosanna, 2021

Sranan Tongo - 2016 SURBS (OT) Non Drama

<div class="version vid3984 iso6393srn" data-vid="3984" data-iso6393="srn">
 <div class="book bkGEN">
 <div class="chapter ch15" data-usfm="GEN.15">
 <div class="label">15</div><div class="s">MASRA e gi Abram wan pramisi</div><div class="p"> 1Baka dati MASRA meki Abram si wan sani. A si fa MASRA e taigi en taki: &#8220;No frede Abram. Mi sa sorgu taki noti no miti yu &#232;n Mi sa gi yu wan bigi paiman.&#8221; 2Dan Abram taki: &#8220;Tye, Masra MASRA, sortu bun yu sa gi mi so dan? Mi o dede gwe sondro wan pikin &#232;n a sma di o kisi ala den gudu fu mi o de Eliyeser fu Damaskus.&#8221; 3Abram taigi MASRA moro fara taki: &#8220;Luku, Yu no gi mi no wan pikin, dan now wan knekti fu mi o kisi ala mi gudu.&#8221; 4Ma MASRA taigi en taki: &#8220;A no en sa kisi ala den gudu fu yu, ma yu eigi manpikin sa kisi den.&#8221; 5Ne MASRA tyari en go na dorosei. A taigi en taki: &#8220;Opo yu ede luku heimel, dan yu luku efu yu man teri den stari. Dan MASRA taigi en taki: Na so furu den bakapikin fu yu sa de tu.&#8221; 6Abram bribi sa MASRA taigi en, &#232;n MASRA si en leki wan sma di bun ini en ai.</div><div class="p"> 7Dan MASRA taigi en taki: &#8220;Mi na MASRA di tyari yu kmoto fu Ur fu den Kaldeasma, fu gi yu a kondre disi.&#8221; 8Ma Abram aksi taki: &#8220;Masra, MASRA, fa mi o du sabi taki a sa de fu mi?&#8221; 9Ne MASRA taigi en taki: &#8220;Tyari wan yongu kaw fu dri yari kon gi mi, sosrefi wan krabita fu dri yari, wan man skapu fu dri yari, wan stondoifi nanga wan yongu doifi kon.&#8221; 10So Abram go teki den kon gi MASRA. A prati den meti langalanga na mindri dan a poti den pisi abra nanga abra. Den fowru a no prati. 11Di den tingifowru kon fu saka sidon tapu den dede meti, Abram yagi den gwe.</div><div class="p"> 12Di son bigin saka Abram fadon ini wan dipi sribi. Ne wantronso wan bigi frede nanga wan dipi dungru kon na en tapu. 13Dan MASRA taigi Abram taki: &#8220;Disi na san yu mus sabi bun. Den bakapikin fu yu o de leki doroseisma na ini wan kondre di no de den eigi kondre. Den o de leki srafu drape &#232;n den sma o pina den fo hondro yari langa. 14Ma Mi sa strafu a folku tu di teki den leki srafu. Baka dati den o gwe libi a kondre nanga furu gudu. 15Ma yu o dede ini freide. Yu o doro wan moi libimarki fosi den tyari yu go na yu grebi. 16Den afopikin fu yu sa drai kon dyaso baka. Bika dan fosi den Amoritisma sa du someni ogri taki Mi mus yagi den puru fu a kondre.&#8221;</div><div class="p"> 17Di son saka &#232;n wan dipi dungru fadon, wantronso wan korpatu nanga wan frambo ben de fu si di ben e psa na mindri den pisi meti. 18Tapu a fasi dati MASRA sroto wan ferbontu nanga Abram. A taigi en taki: &#8220;Mi sa gi den bakapikin fu yu a kondre disi, kmoto fu a liba fu Egipte go te na a bigi Eufratliba. 19A kondre fu den Kenitisma, den Kenisitisma, den Kadmonitisma, 20den Hetitisma, den Perisitisma, den Refaitisma 21den Amonitisma, den Kananitisma, den Girgasitisma nanga den Yebusitisma.&#8221;</div>
 </div>
 </div>
</div>

Tekst © Surinaams Bijbelgenootschap 2016

Baka dati MASRA meki Abram si wan sani. A si fa MASRA e taigi en taki: “No frede Abram. Mi sa sorgu taki noti no miti yu èn Mi sa gi yu wan bigi paiman.” Dan Abram taki: “Tye, Masra MASRA, sortu bun yu sa gi mi so dan? Mi o dede gwe sondro wan pikin èn a sma di o kisi ala den gudu fu mi o de Eliyeser fu Damaskus.” Abram taigi MASRA moro fara taki: “Luku, Yu no gi mi no wan pikin, dan now wan knekti fu mi o kisi ala mi gudu.” Ma MASRA taigi en taki: “A no en sa kisi ala den gudu fu yu, ma yu eigi manpikin sa kisi den.” Ne MASRA tyari en go na dorosei. A taigi en taki: “Opo yu ede luku heimel, dan yu luku efu yu man teri den stari. Dan MASRA taigi en taki: Na so furu den bakapikin fu yu sa de tu.” Abram bribi sa MASRA taigi en, èn MASRA si en leki wan sma di bun ini en ai.
Dan MASRA taigi en taki: “Mi na MASRA di tyari yu kmoto fu Ur fu den Kaldeasma, fu gi yu a kondre disi.” Ma Abram aksi taki: “Masra, MASRA, fa mi o du sabi taki a sa de fu mi?” Ne MASRA taigi en taki: “Tyari wan yongu kaw fu dri yari kon gi mi, sosrefi wan krabita fu dri yari, wan man skapu fu dri yari, wan stondoifi nanga wan yongu doifi kon.” So Abram go teki den kon gi MASRA. A prati den meti langalanga na mindri dan a poti den pisi abra nanga abra. Den fowru a no prati. Di den tingifowru kon fu saka sidon tapu den dede meti, Abram yagi den gwe.
Di son bigin saka Abram fadon ini wan dipi sribi. Ne wantronso wan bigi frede nanga wan dipi dungru kon na en tapu. Dan MASRA taigi Abram taki: “Disi na san yu mus sabi bun. Den bakapikin fu yu o de leki doroseisma na ini wan kondre di no de den eigi kondre. Den o de leki srafu drape èn den sma o pina den fo hondro yari langa. Ma Mi sa strafu a folku tu di teki den leki srafu. Baka dati den o gwe libi a kondre nanga furu gudu. Ma yu o dede ini freide. Yu o doro wan moi libimarki fosi den tyari yu go na yu grebi. Den afopikin fu yu sa drai kon dyaso baka. Bika dan fosi den Amoritisma sa du someni ogri taki Mi mus yagi den puru fu a kondre.”
Di son saka èn wan dipi dungru fadon, wantronso wan korpatu nanga wan frambo ben de fu si di ben e psa na mindri den pisi meti. Tapu a fasi dati MASRA sroto wan ferbontu nanga Abram. A taigi en taki: “Mi sa gi den bakapikin fu yu a kondre disi, kmoto fu a liba fu Egipte go te na a bigi Eufratliba. A kondre fu den Kenitisma, den Kenisitisma, den Kadmonitisma, den Hetitisma, den Perisitisma, den Refaitisma den Amonitisma, den Kananitisma, den Girgasitisma nanga den Yebusitisma.”

Ouça Genesis 15