Konso - 2001 BSE (NT) Drama

<div class="version vid3977 iso6393kxc" data-vid="3977" data-iso6393="kxc">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="s">Iskatteese dahalsattaan qapamte</div><div class="p"> 1Se kammaayye Yesuusi irroota Tepreseyti opa aane, 2ka parraytaadiiyyi paraappan tika qulqulloota opa tiitaawe. Samayta piisa ka isha kapopa de'e; ikka kuti'e ka ishootta kollinni. 3Kollissampaya a seera isho Feresata ka iskatteeta a dahalsannittooyye qapamten de'en ka otanta samayta oppa qa'atishen. 4Ka Yesuusi kidene, &#8220;Kollissampayto, tin iskatteese a dahalsannittooyye qapamte. 5Muuse seerinno oppaayye iskatta asse paho akka dakaddan dakkamo ka leo'e i'ino ajajeey, atti maana kiini?&#8221; #Lewi 20:10; ooreta 22:22-24 6Wa malla asse kidene, wa ishin isha xasasan akkatta'e isha ekkaysatta faden. Yesuusi xoori xata kide ka qupittaadin piita qara puusseeta paayye.</div><div class="p"> 7Ka ete oppa o'oren ka isha kaassannaaneeyye, ela kide ka ishootta kide, &#8220;Ishin oppa nama juppoota in qapnin, dakaan ishetta xapteeta paayyo.&#8221; 8Ka sekkammaayye xata kideew ka piita qara puuseew. 9Ishootta ete sede dakayeneeyye, qimoote paayyatte piisanti takka takka eeppaayye tawen. Semmalla Yesuusi ka xawwaati iskatteetase otantoppa qa'annitto kapa' hase. 10Sekkammaayye Yesuusi ka ela kide ka iskatteetaseti kide, &#8220;Iskatteetayti, xasasampayaatti ayshaayye caan? Hela a ke qara' farate takka nefo in co?&#8221;</div><div class="p"> 11Isheetta ka kiite, &#8220;Poqallaay, takka nefo in co.&#8221;</div><div class="p">Yesuusi ka ishetta kide, &#8220;Anti nefo an ke qara an faratooy, kale ka lammatta juppootan kodan.&#8221; #8:11 mataaffa axatta lekaya qaraayye 7:53-8:11 in kitto </div><div class="s">Yesuusi akka la'ayta piita kodde</div><div class="p"> 12Yesuusi ka oppa oorew ka ishootta haasawade ka kide, &#8220;Anti an la'ayta piita, nama ana kamma deeno piisa la'ayta caatta'e akkada; umma tukkanta oppa pora in aano.&#8221; #Maati 5:14; Yoha 9:5 13Feresaata ka ishi kiite, &#8220;Atti qoota mattaaytiti desa maakkummi, maakkumaayti dukaatan.&#8221; #Yoha 5:31 14Yesuusi ka ishootta oorshe ka kide, &#8220;Anti kadin punu qoota mattiyyooti desa maakkummaayye, ayshaayye akkiman de'e ka ayshopa akkiman anno qootan upo malla, maakkumiyyo dukaata Ishina xoori ayshaayye akkiman de'e ka ayshoppa akkiman anno a uptan. 15Ishina akka nama qara'e' farannittan, anti nama takka nefo qara an faranni an co. 16Kadan punu farannaayye, qoota Waaqa Aappa isase ana erke ana olli co malla, an ka xawwaati an faranni an ikinnin malla, firteetiiyyo dukaata. 17Maakkuma nama lakki akkiman dukaata, seeraayshin oppa itaafamte. 18Semmalla anti qoota mattiyyooti desan maakkummi, Waaqa Aappa isase ana erke ka qootiyyo desa maakkummiiw.&#8221; 19Sitiiyyi ishootta ka isha kaassaden ka kidene, &#8220;Aappaayshin aysha ca?&#8221; Yesuusi ka ishootta oorshe ka kide, &#8220;Ana ka Aappinno nefo a uptan. Katin ana uptan kiiteeyye, Aappinno nefo upnaanni heenten.&#8221;</div><div class="p"> 20Yesuusi a tika qulqulloota kelaayye saatineetase karopa kaajaa pohonaan kapa co ka kollinnooyye, qaalese haasawade. Sitiiyyi qoota etaadi in kaynin malla, nama takka nefo isha in qapne.</div><div class="s">Qoota amana tiittetati desa dehaama turadesa daasame</div><div class="p"> 21Yesuusi ka oppa oorew ka ishootta kide, &#8220;Anti in aana, ishina ka pora ana faatan, ma xoori ishina juppootaayshinanne leetan diisheey pora an anti opa aana opa deena a ettanissan.&#8221;</div><div class="p"> 22Ukkumampaya Yihuta ka olli kidene, &#8220;Sede a kiino &#8216;Pora an anti opa ano opa deena a ettanissan&#8217; Hela isi ishsha?&#8221;</div><div class="p"> 23Kamma desa Yesuusi ka ishootta kide, &#8220;Ishina xati kela deeten, anti tuala qaran de'e; ishina a piisseti, anti a piisseti'in. 24Oton aynuiyo a upnaannin ka amanni a kinniniyyi, qoota juppootaayshinan leetan mallan, ishina kide juppootaayshinanne leetan.&#8221;</div><div class="p"> 25Ishootta ka ishi kidene, &#8220;Atti a ayno?&#8221; Yesuusi ka ishootta kide, &#8220;Akkiman paayyote paayye ka ishina lela tupa co anti ana sede 26Waan qootaayshina desa haasawada ka farata lekayan qapa. a koddito ma, a ana erke dukaallaytaay, anti nefo waan isha kapa dakaye'en orra piitati lelli.&#8221;</div><div class="p"> 27Ishootta xoori akkima qoota Waaqa Aappaati desa ishootta haasawade ishootta in kalle. 28Semmalla Yesuusi ka ishootta kide, &#8220;Oto inna a nama moontopeela qeettan ka fannistaneeyye, akkan isasee an anti issi kiino kodde awse upnaattan ka akkan wa Waaqa Aappa ana kollishe haasawanno ka issi pattan we takka nefo an kooni an kinnin matte qapnattan. 29Isase ana erke ana olli ca. Awta piisa qootan wa isha xasanna koono malla, xawwa ana in diinne.&#8221;</div><div class="p"> 30Yesuusi ete sede haasawadeeyye, orra lekayta isha amane.</div><div class="s">Karpishshuma juppoota' kela, nata sookeeta</div><div class="p"> 31Yesuusi i Yihutaata isha amantie kide, &#8220;Ishina katin qaaletiiyyonne kallaannittan kiiteeyye, dukaatanne tamaarewwaayyo kodditan 32ka dukaata upnaattan; dukaata ka nata ishin sookissa.&#8221;</div><div class="p"> 33Ishootta ka isha kidene, &#8220;Ino an sanynyeeta Aprihaami, umma apari nama takka nefo kela karpishshadda an koddeneey, atti atta ino kiini, &#8216;Nata sooktan?&#8217;&#8221; #Maati 3:9; Luqa 3:8 </div><div class="p"> 34Yesuusi ka ishootta oorshe ka kide, &#8220;Anti dukaatannen ishina kiini, nama juppoota koono piisa karpishsha juppoota. 35Umma karpishsha awta piisa tikoppa kallaanni in co, Inna tika xoori awta piisa tikoppa kallaanni. 36Semmalla oto inna Waaqa nata ishin sookinnaaneeyye, dukaatanne nata sooktan. 37Akka sanynyeeta Aprihaami kodditen in upa, ma xoori qoota qaaletiiyyo a teyyanni a kinnin malla ana ikassa faanittan. 38Anti waan Aappinno kapa akke'en haasawanni, ishina xoori wa aappaayshin qara dakaytene'e koonittan.&#8221;</div><div class="p"> 39Ishootta ka ishi oorshen ka kidene, &#8220;Aappinno Aprihaami&#8221; Yesuusi ka ishootta kide, &#8220;Ishina kadin hellaa Aprihaami kodditene kiiteeyye, koda Aprihaami kooni heenten. 40Anti dukaata an Waaqa qara dakayen ishina lele. Ishina xoori ana ikassa faanittan, umma Aprihaami asse in koone. 41Asseeyye oori, ishina koda aappaayshina'e koonittan.&#8221;</div><div class="p">Ishootta ka ishi kidene, &#8220;Ino an tiqaalla dahalaan deladee'enne, ma aappa ino xaaye takkan qapna, isha nefo Waaqa.&#8221;</div><div class="p"> 42Yesuusi ka ishootta kide, &#8220;Katin Waaqan Aappaayshin kiiteeyye, ana jaalanni heenten; Anti sede an arepa de'e, Waaqa kapan de'e. A ana erke nefo Waaqa diisheey, ukkumeeta mattiyyootin an deene. 43Maana malla haasaayyo ishina kalli in kinnin? Qoota haasaayyo dakaya a ettaninni a kinnin malla. 44Ishina a hellaa aappaase xaayshin a taaploosi, wa faanittane nefo xajeelta aappaayshina kodeeta. Isha paayyote paayyatte xattaaw orra lenni; qoota dukaata isha kapaen pannen malla, dukaata quda we takkan nefo in qapo. Isha qootan darampayta ka aappa opa darta piisa kodde malla, oto darta haasawnnooyye, isi kareela qeenni ka haasawanni. 45Anti xoori qootan dukaata haasawanno malla ana a amanni a kittan. 46Hela allu, ishin oppaayye a ana juppoolayta kido ka ana qootisho ayno? Oton dukaata haasawannooyyeew, maana malla ana a amani a kinnin? 47Nama a nama Waaqa kodde, qaaleta Waaqa'e dakayni; ishina wa malla qaaleta Waaqa a dakayni a kinnini qoota orra Waaqa a koddinin malla.&#8221;</div><div class="s">Yesuusi akka Aprihaami turanneew co</div><div class="p"> 48Yihutaata ka ishi kiite, &#8220;Sede an kiininno &#8216;Atti a Samaaritta orritta ka ke kara ca dukaatanne?&#8217;&#8221;</div><div class="p"> 49Yesuusi ka ishootta oorshe ka kide, &#8220;Anti orritta ana kara in co, ma xoori Aappinnon ulfeessini, ishina ka ana jeerinnittan. 50A koddito ma, anti an ulfeena mattiyyo an faani an co, a ulfeessamiyyo faano ka farato, a pila'e ca. 51Anti dukaatannen ishina kiini nama qaaletiiyyo tooytino pakkanna in to'o.&#8221; 52Yihutaata ka ishi kiite, &#8220;Akka orritta ke kara co amman upnaanne, Aprihaami kuli to'e xuumampaya kuli ka le'en atti xoori ikiini &#8216;Nama qaaletiiyyo tooytaanno in to.&#8217; 53ela xawwa atti aappaase xanno to'e Aprihaami qara qapta? Xuumampaya kuli le'ey, atti ayno'e issi kooni?&#8221;</div><div class="p"> 54Yesuusi ka oorshe ka kide, &#8220;Anti katin isi ulfeessinaayye, ulfeeniyyo tookta in qapnaado a ana ulfeessino Aappinno; ishina nefo isase a ishina ishi kiinittane &#8216;Waaqinno.&#8217; 55a koddito ma ishina a isha a upnaanne, anti xoori in isha upa. Kadin in kiini'i, &#8216;An isha an upooyye,&#8217; Xaayshin mina'ewwen dertampayta koddini heene. Ma xoori anti in isha upa ka qaaletaadi nefo tooytini. 56Xajeelta aappaayshin Aprihaami, kuyyaattiyyo akkeeta ka ishin xasootta. Ikka akke ka xasoode.&#8221;</div><div class="p"> 57Sitiiyyi Yihutaata ka ishi kiite, &#8220;Atti paraayti kunda ken nefo in kayneey, ka kuli atta kiini &#8216;Aprihaamin akke&#8217; ?&#8221;</div><div class="p"> 58Yesuusi ka ishootta kide, &#8220;Dukaatannen ishina kiini, &#8216;Anti a Aprihaami in dalannin turannen ca. Ka amma ka itturopa kuli ca.&#8221;</div><div class="p"> 59Se malla Yihutaata ka dakaan isha dakkeeta xaate. Yesuusi xoori ishootta tura'e dapade ka tika qulqulloota kela sooke ka tawe.</div>
 </div>
 </div>
</div>

Se kammaayye Yesuusi irroota Tepreseyti opa aane, ka parraytaadiiyyi paraappan tika qulqulloota opa tiitaawe. Samayta piisa ka isha kapopa de'e; ikka kuti'e ka ishootta kollinni. Kollissampaya a seera isho Feresata ka iskatteeta a dahalsannittooyye qapamten de'en ka otanta samayta oppa qa'atishen. Ka Yesuusi kidene, “Kollissampayto, tin iskatteese a dahalsannittooyye qapamte. Muuse seerinno oppaayye iskatta asse paho akka dakaddan dakkamo ka leo'e i'ino ajajeey, atti maana kiini?” Wa malla asse kidene, wa ishin isha xasasan akkatta'e isha ekkaysatta faden. Yesuusi xoori xata kide ka qupittaadin piita qara puusseeta paayye.
Ka ete oppa o'oren ka isha kaassannaaneeyye, ela kide ka ishootta kide, “Ishin oppa nama juppoota in qapnin, dakaan ishetta xapteeta paayyo.” Ka sekkammaayye xata kideew ka piita qara puuseew. Ishootta ete sede dakayeneeyye, qimoote paayyatte piisanti takka takka eeppaayye tawen. Semmalla Yesuusi ka xawwaati iskatteetase otantoppa qa'annitto kapa' hase. Sekkammaayye Yesuusi ka ela kide ka iskatteetaseti kide, “Iskatteetayti, xasasampayaatti ayshaayye caan? Hela a ke qara' farate takka nefo in co?”
Isheetta ka kiite, “Poqallaay, takka nefo in co.”
Yesuusi ka ishetta kide, “Anti nefo an ke qara an faratooy, kale ka lammatta juppootan kodan.”

Yesuusi ka oppa oorew ka ishootta haasawade ka kide, “Anti an la'ayta piita, nama ana kamma deeno piisa la'ayta caatta'e akkada; umma tukkanta oppa pora in aano.” Feresaata ka ishi kiite, “Atti qoota mattaaytiti desa maakkummi, maakkumaayti dukaatan.” Yesuusi ka ishootta oorshe ka kide, “Anti kadin punu qoota mattiyyooti desa maakkummaayye, ayshaayye akkiman de'e ka ayshopa akkiman anno qootan upo malla, maakkumiyyo dukaata Ishina xoori ayshaayye akkiman de'e ka ayshoppa akkiman anno a uptan. Ishina akka nama qara'e' farannittan, anti nama takka nefo qara an faranni an co. Kadan punu farannaayye, qoota Waaqa Aappa isase ana erke ana olli co malla, an ka xawwaati an faranni an ikinnin malla, firteetiiyyo dukaata. Maakkuma nama lakki akkiman dukaata, seeraayshin oppa itaafamte. Semmalla anti qoota mattiyyooti desan maakkummi, Waaqa Aappa isase ana erke ka qootiyyo desa maakkummiiw.” Sitiiyyi ishootta ka isha kaassaden ka kidene, “Aappaayshin aysha ca?” Yesuusi ka ishootta oorshe ka kide, “Ana ka Aappinno nefo a uptan. Katin ana uptan kiiteeyye, Aappinno nefo upnaanni heenten.”
Yesuusi a tika qulqulloota kelaayye saatineetase karopa kaajaa pohonaan kapa co ka kollinnooyye, qaalese haasawade. Sitiiyyi qoota etaadi in kaynin malla, nama takka nefo isha in qapne.

Yesuusi ka oppa oorew ka ishootta kide, “Anti in aana, ishina ka pora ana faatan, ma xoori ishina juppootaayshinanne leetan diisheey pora an anti opa aana opa deena a ettanissan.”
Ukkumampaya Yihuta ka olli kidene, “Sede a kiino ‘Pora an anti opa ano opa deena a ettanissan’ Hela isi ishsha?”
Kamma desa Yesuusi ka ishootta kide, “Ishina xati kela deeten, anti tuala qaran de'e; ishina a piisseti, anti a piisseti'in. Oton aynuiyo a upnaannin ka amanni a kinniniyyi, qoota juppootaayshinan leetan mallan, ishina kide juppootaayshinanne leetan.”
Ishootta ka ishi kidene, “Atti a ayno?” Yesuusi ka ishootta kide, “Akkiman paayyote paayye ka ishina lela tupa co anti ana sede Waan qootaayshina desa haasawada ka farata lekayan qapa. a koddito ma, a ana erke dukaallaytaay, anti nefo waan isha kapa dakaye'en orra piitati lelli.”
Ishootta xoori akkima qoota Waaqa Aappaati desa ishootta haasawade ishootta in kalle. Semmalla Yesuusi ka ishootta kide, “Oto inna a nama moontopeela qeettan ka fannistaneeyye, akkan isasee an anti issi kiino kodde awse upnaattan ka akkan wa Waaqa Aappa ana kollishe haasawanno ka issi pattan we takka nefo an kooni an kinnin matte qapnattan. Isase ana erke ana olli ca. Awta piisa qootan wa isha xasanna koono malla, xawwa ana in diinne.”
Yesuusi ete sede haasawadeeyye, orra lekayta isha amane.

Yesuusi i Yihutaata isha amantie kide, “Ishina katin qaaletiiyyonne kallaannittan kiiteeyye, dukaatanne tamaarewwaayyo kodditan ka dukaata upnaattan; dukaata ka nata ishin sookissa.”
Ishootta ka isha kidene, “Ino an sanynyeeta Aprihaami, umma apari nama takka nefo kela karpishshadda an koddeneey, atti atta ino kiini, ‘Nata sooktan?’”
Yesuusi ka ishootta oorshe ka kide, “Anti dukaatannen ishina kiini, nama juppoota koono piisa karpishsha juppoota. Umma karpishsha awta piisa tikoppa kallaanni in co, Inna tika xoori awta piisa tikoppa kallaanni. Semmalla oto inna Waaqa nata ishin sookinnaaneeyye, dukaatanne nata sooktan. Akka sanynyeeta Aprihaami kodditen in upa, ma xoori qoota qaaletiiyyo a teyyanni a kinnin malla ana ikassa faanittan. Anti waan Aappinno kapa akke'en haasawanni, ishina xoori wa aappaayshin qara dakaytene'e koonittan.”
Ishootta ka ishi oorshen ka kidene, “Aappinno Aprihaami” Yesuusi ka ishootta kide, “Ishina kadin hellaa Aprihaami kodditene kiiteeyye, koda Aprihaami kooni heenten. Anti dukaata an Waaqa qara dakayen ishina lele. Ishina xoori ana ikassa faanittan, umma Aprihaami asse in koone. Asseeyye oori, ishina koda aappaayshina'e koonittan.”
Ishootta ka ishi kidene, “Ino an tiqaalla dahalaan deladee'enne, ma aappa ino xaaye takkan qapna, isha nefo Waaqa.”
Yesuusi ka ishootta kide, “Katin Waaqan Aappaayshin kiiteeyye, ana jaalanni heenten; Anti sede an arepa de'e, Waaqa kapan de'e. A ana erke nefo Waaqa diisheey, ukkumeeta mattiyyootin an deene. Maana malla haasaayyo ishina kalli in kinnin? Qoota haasaayyo dakaya a ettaninni a kinnin malla. Ishina a hellaa aappaase xaayshin a taaploosi, wa faanittane nefo xajeelta aappaayshina kodeeta. Isha paayyote paayyatte xattaaw orra lenni; qoota dukaata isha kapaen pannen malla, dukaata quda we takkan nefo in qapo. Isha qootan darampayta ka aappa opa darta piisa kodde malla, oto darta haasawnnooyye, isi kareela qeenni ka haasawanni. Anti xoori qootan dukaata haasawanno malla ana a amanni a kittan. Hela allu, ishin oppaayye a ana juppoolayta kido ka ana qootisho ayno? Oton dukaata haasawannooyyeew, maana malla ana a amani a kinnin? Nama a nama Waaqa kodde, qaaleta Waaqa'e dakayni; ishina wa malla qaaleta Waaqa a dakayni a kinnini qoota orra Waaqa a koddinin malla.”

Yihutaata ka ishi kiite, “Sede an kiininno ‘Atti a Samaaritta orritta ka ke kara ca dukaatanne?’”
Yesuusi ka ishootta oorshe ka kide, “Anti orritta ana kara in co, ma xoori Aappinnon ulfeessini, ishina ka ana jeerinnittan. A koddito ma, anti an ulfeena mattiyyo an faani an co, a ulfeessamiyyo faano ka farato, a pila'e ca. Anti dukaatannen ishina kiini nama qaaletiiyyo tooytino pakkanna in to'o.” Yihutaata ka ishi kiite, “Akka orritta ke kara co amman upnaanne, Aprihaami kuli to'e xuumampaya kuli ka le'en atti xoori ikiini ‘Nama qaaletiiyyo tooytaanno in to.’ ela xawwa atti aappaase xanno to'e Aprihaami qara qapta? Xuumampaya kuli le'ey, atti ayno'e issi kooni?”
Yesuusi ka oorshe ka kide, “Anti katin isi ulfeessinaayye, ulfeeniyyo tookta in qapnaado a ana ulfeessino Aappinno; ishina nefo isase a ishina ishi kiinittane ‘Waaqinno.’ a koddito ma ishina a isha a upnaanne, anti xoori in isha upa. Kadin in kiini'i, ‘An isha an upooyye,’ Xaayshin mina'ewwen dertampayta koddini heene. Ma xoori anti in isha upa ka qaaletaadi nefo tooytini. Xajeelta aappaayshin Aprihaami, kuyyaattiyyo akkeeta ka ishin xasootta. Ikka akke ka xasoode.”
Sitiiyyi Yihutaata ka ishi kiite, “Atti paraayti kunda ken nefo in kayneey, ka kuli atta kiini ‘Aprihaamin akke’ ?”
Yesuusi ka ishootta kide, “Dukaatannen ishina kiini, ‘Anti a Aprihaami in dalannin turannen ca. Ka amma ka itturopa kuli ca.”
Se malla Yihutaata ka dakaan isha dakkeeta xaate. Yesuusi xoori ishootta tura'e dapade ka tika qulqulloota kela sooke ka tawe.

Ouça Yohaannisi 8