النسخة العربية الحجازية الجديدة Hijazi New Arabic Version ‪This work is made available under the Creative Commons Attribution-ShareAlike 4‪.0 International License (CC BY-SA). To view a copy of this license, visit http://creativecommons.org/licenses/by-sa/4‪.0 or send a letter to Creative Commons, PO Box 1866, Mountain View, CA 94042, USA. ‪If this work is desired as a source text for modification, alternative dialect translation or other derivative work, permission must be sought from Strategic Resource Group. All such derivative work must indicate what changes have been made and attribute the work as follows: “The original work by Strategic Resource Group is available for free on YouVersion and www.Bible.com." ‪You must also make your derivative work available under the same license (CC BY-SA). Strategic Resource Group may be contacted at info@srginc.org.

Hijazi New Arabic Version

وعشان كذا، انا بولس سجين المسيح يسوع عشانكم انتو يا ناس، باعتبار انكم سمعتو بتدابير الله اللي اعطاني هي عشانكم: وكيف كشفلي السر عن طريق الوحي، زي ما كتبت من اول وأوجزت، وتقدروا، لما تقرو اللي كتبتو، انكم تستوعبو اللي اتعلمتوا عمق عن سر المسيح، هذاك السر اللي ماحد دري عنو من الناس من الاجيال اللي قبلنا زي ما انتشر عنو دحين بوحي الروح لرسلو القدييسين وأنبياؤه: اللي ماهم يهود بيتشاركو مع اليهود في الورث، و اعضاء معاهم بالجسد، ولهم حق إنهم يستفيدوا من الوعد كمان. و ذا في يسوع المسيح بفضل الإنجيل اللي انا صرت خادم ليه بنعمة الله اللي رزقني هي بعمل قدرتو. وليا، انا أصغر من اصغر واحد في القديسين كلهم، اتوهبت لي النعمة هادي: إني اعلن بين البشر غنا المسيح اللي ما لو حد، وأنوّر على الكل بمعرفة حقيقة تدبير السر اللي خلاه الله، خالق كل شي، متخبي على كل الأجيال. و الهدف عشان يترفع دحين قدام الزعامات والسلطات في السموات هو اللي بيظهر في الكنيسة من حكمة الله اللي لها اكثر من وجه، زي ما جا بالمعنى اللي ما ينتهي اللي قصدو الله في المسيح يسوع ربنا، اللي بيه لنا جرأة وقربه واثِقه بسبب الايمان فيه عشان كذا بطلب منكم انو ما يقل العزم عندكم عشان المصاعب اللي بقاسيها عشانكم، وهيه حاجه تفتخروا فيها.

وعشان كذا أنحني على ركبي للأب اللي هو أصل لكل أبوه في السماوات وفي الأرض، عشان يديكم، على حسب غنى مجدو، ويمد لكم روح الكيان الداخلي لكل واحد منكم بالقوة المؤيدة، عشان يعيش المسيح في قلوبكم بالايمان؛ عشان اذا اتأصلتو وكبرتو بالمحبة، تصيرو قادرين تستشعرو و تعرفو، مع القديسين كلهم، ايش هوا الطول و العرض والتعالي والتعمق، و تعرفو محبة المسيح اللي هيه تتفوق على المعرفة، فتتملّوا إلين تصيرو مليانين بكل كمال الله. و اللي يقدر يسوي، زي القدره اللي متحركة فينا، اللي تتعدى من غير حدود كل اللي نطلبو و نتصورو، لوه المجد في الكنيسة، في المسيح يسوع، في كل الأجيال والدهور! آمِينَ.

Ouça أفسس 3