Malagasy - Interconfessional Version (NT) Drama

<div class="version vid384 iso6393plt" data-vid="384" data-iso6393="plt">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Fanoharana momba ilay mpitondratena sy ny mpitsara</div><div class="p"> 1Nanaovan&#8217;i Jesoa fanoharana avy eo ny mpianany hanehoana fa tsy maintsy mivavaka lalandava, ka tsy tokony ho kivy na oviana na oviana. 2Hoy Izy hoe:</div><div class="m">&#8211;Nisy mpitsara tsy nanan-tahotra an&#8217;Andriamanitra na hena-maso olona tao an-tan&#224;na anankiray izay. 3Nisy koa tao amin&#8217;io tan&#224;na io vehivavy anankiray mpitondratena, niverimberina tao amin&#8217;ilay mpitsara nanao hoe: &#171;Omeo rariny amin&#8217;ilay miady amiko aho!&#187; 4Elabe ilay mpitsara tsy niraika; nefa nony farany, dia nanao anakampo hoe: &#171;Marina tokoa fa raha izaho dia tsy manan-tahotra an&#8217;Andriamanitra na hena-maso olona. 5Kanefa mandreraka ahy ny ataon-dravehivavy ity, ka homeko rariny izy mba tsy hiverimberina foana hanorisory ahy!&#187;</div><div class="p"> 6Ary hoy ny Tompo:</div><div class="m">&#8211;Henoy kely ny ambaran&#8217;ilay mpitsara ratsy fanahy! 7Ka dia Andriamanitra indray ve no tsy hanome rariny ny olom-boafidiny mitaraina andro aman&#8217;alina aminy? Ary hampiandry lava azy ireo ve Izy#18.7 ...andro aman&#8217;alina aminy? Ary hampiandry lava azy ireo ve Izy? dkt hafa ...andro aman&#8217;alina, na dia hampiandry azy ireo aza Izy? ? 8Lazaiko aminareo fa hanome rariny azy faingana Andriamanitra. Kanefa rahatrizay tonga ny Zanak&#8217;olona, moa hahita finoana eto an-tany ve Izy?</div><div class="s">Fanoharana momba ilay Farisianina sy ilay mpamory hetra</div><div class="p"> 9Nanao izao fanoharana izao kosa i Jesoa ho an&#8217;ireo olona natoky tena ho marina ka nanaratsy ny sasany:</div><div class="m"> 10&#8211;Nisy olona roa lahy niakatra hivavaka teo an-kianjan&#8217;ny tempoly: ny anankiray Farisianina ary ny anankiray mpamory hetra. 11Naka toerana ilay Farisianina ka nivavaka anakampony hoe#18.11 Naka toerana... anakampony hoe: misy stf sasany ahitana hoe Naka toerana mitokana ilay Farisianina ka nivavaka toy izao: : &#171;Andriamanitra &#244;, misaotra Anao aho fa tsy mba tahaka ny olona sasany izay mpangalatra, tsy marina sady mpaka vadin&#8217;olona, na tahaka io mpamory hetra io aza. 12Mifady hanina indroa isan-kerinandro aho ary manolotra ny ampahafolon&#8217;izay azoko rehetra.&#187; 13Ilay mpamory hetra kosa nijanona ter&#7923; lavidavitra, tsy sahy niandrandra ny lanitra akory, fa nandond&#242;na ny tratrany matetika sady nanao hoe: &#171;Andriamanitra &#244;, mba iantrao re aho, fa mpanota!&#187; 14Izao no lazaiko aminareo: ity faharoa ity, fa tsy ilay voalohany, no nahazo fahamarinana avy tamin&#8217;Andriamanitra#18.14 tsara nahazo... Andriamanitra na hoe navelan&#8217;Andriamanitra heloka na nanjary tsara fihavanana tamin&#8217;Andriamanitra. nony nody. Satria izay rehetra manandra-tena, dia haetrin&#8217;Andriamanitra; fa izay manetry tena, dia hasandratr&#8217;Andriamanitra.</div><div class="s">Tsofin&#8217;i Jesoa rano ny zazakely</div><div class="r">(Jereo Mt 19.13-15; Mk 10.13-16)</div><div class="p"> 15Na ny zazakely mbola trotroina aza dia nentin&#8217;ny olona teo amin&#8217;i Jesoa mba hametrahany tanana. Hitan&#8217;ny mpianatra ireto olona ireto ka noteneniny mafy. 16Nefa dia nasain&#8217;i Jesoa ho entina eo aminy ny zazakely sady hoy izy hoe:</div><div class="m">&#8211;Avelao ny zazakely hanatona Ahy ary aza rar&#224;na, satria an&#8217;ny toa azy ireny ny Fanjak&#224;n&#8217;Andriamanitra. 17Lazaiko marina aminareo fa na iza na iza tsy mandray ny Fanjak&#224;n&#8217;Andriamanitra toy ny andraisan&#8217;ny zazakely azy, dia tsy ho tafiditra ao.</div><div class="s">Ilay manampahefana mpanankarena</div><div class="r">(Jereo Mt 19.16-30; Mk 10.17-31)</div><div class="p"> 18Ary nisy manampahefana jiosy nanontany an&#8217;i Jesoa hoe:</div><div class="m">&#8211;Ry Mpampianatra tapitra ohatra &#244;, inona no tokony hataoko hananako anjara amin&#8217;ny fiaina-maharitra mandrakizay?</div><div class="p"> 19Dia hoy i Jesoa taminy:</div><div class="m">&#8211;Nahoana Aho no ataonao hoe tapitra ohatra? Tsy misy tapitra ohatra afa-tsy Andriamanitra irery ihany. 20Fantatrao ny didy hoe: &#171;Aza maka vadin&#8217;olona; aza mamono olona; aza mangalatra; aza manao vavolombelona tsy marina; hajao ny rainao sy ny reninao#18.20 Jereo Eks 20.12-16; Deot 5.16-20.!&#187;</div><div class="p"> 21Dia hoy ilay manampahefana hoe:</div><div class="m">&#8211;Izany rehetra izany dia efa voatandriko hatramin&#8217;ny fahatanorako!</div><div class="p"> 22Nandre izany i Jesoa ka nanao taminy hoe:</div><div class="m">&#8211;Zavatra iray no mbola tsy ampy aminao: amidio avokoa ny fanananao rehetra ka zarao amin&#8217;ny mahantra ny vidiny, dia hanana rakitra any an-danitra ianao; raha efa izany, dia avia hiaraka amiko!</div><div class="p"> 23Vao nandre izany kosa ralehilahy, dia nanjary nalahelo er&#7923;, satria tena mpanankarena izy. 24Ary nahita azy nalahelo toy izany i Jesoa ka nanao hoe:</div><div class="m">&#8211;Sarotra mihitsy amin&#8217;ny mpanankarena ny miditra ao amin&#8217;ny Fanjak&#224;n&#8217;Andriamanitra. 25Eny, moramora kokoa ny idiran&#8217;ny rameva amin&#8217;ny vodifanjaikely noho ny idiran&#8217;ny mpanankarena ao amin&#8217;ny Fanjak&#224;n&#8217;Andriamanitra#18.25 moramora... Fanjak&#224;n&#8217;Andriamanitra: dkt hafa moramora kokoa ny idiran&#8217;ny tadimahazaka amin&#8217;ny vodifanjaikely noho ny idiran&#8217;ny mpanankarena ao amin&#8217;ny Fanjak&#224;n&#8217;Andriamanitra. .</div><div class="p"> 26Dia hoy ny olona nandre izany:</div><div class="m">&#8211;Koa iza &#224;ry no mety ho voavonjy?</div><div class="p"> 27Fa novalian&#8217;i Jesoa hoe:</div><div class="m">&#8211;Ny tsy vitan&#8217;olombelona, vitan&#8217;Andriamanitra.</div><div class="p"> 28Hoy kosa i Petera:</div><div class="m">&#8211;Jereo ange! Izahay dia efa nahafoy izay mba anay ka niaraka taminao!</div><div class="p"> 29Dia hoy i Jesoa tamin&#8217;ny mpianany:</div><div class="m">&#8211;Lazaiko marina aminareo fa tsy misy olona nahafoy trano na vady na mpiray tampo na ray aman-dreny na zanaka noho ny Fanjak&#224;n&#8217;Andriamanitra 30ka tsy hahazo be lavitra amin&#8217;izao et&#7923; izao, ary ny fiaina-maharitra mandrakizay amin&#8217;ny andro ho avy.</div><div class="s">Ambaran&#8217;i Jesoa fanintelony ny hahafatesany sy ny hitsanganany ho velona</div><div class="r">(Jereo Mt 20.17-19; Mk 10.32-34)</div><div class="p"> 31Nalain&#8217;i Jesoa ho eo aminy kosa ny 12 lahy ka nilazany hoe:</div><div class="m">&#8211;Miakatra ho any Jerosalema &#224;ry izao isika, ka ho tanteraka avokoa izay voalazan&#8217;ny Soratra Masina tamin&#8217;ny alalan&#8217;ny mpaminany momba ny Zanak&#8217;olona. 32Eny, hatolotra ny hafa firenena Izy, ka hoesoiny, hisetrasetrany, hororany; 33ary rehefa nokapohiny, dia hovonoiny ho faty; kanefa hitsangana velona amin&#8217;ny andro fahatelo.</div><div class="p"> 34Tsy misy azon&#8217;ireto mpianatra anefa izany, fa teny miafina taminy ka tsy fantany izay nolazain&#8217;i Jesoa.</div><div class="s">Sitranin&#8217;i Jesoa ilay mpangataka jamba</div><div class="r">(Jereo Mt 20.29-34; Mk 10.46-52)</div><div class="p"> 35Rehefa mby teo akaikin&#8217;i Jerikao i Jesoa, dia nisy jamba anankiray efa nitalapetraka teo an-tsisin-dalana nangataka. 36Henony nihaohao ny vahoaka mitanjozotra ka nanontaniany hoe: &#171;Inona izany?&#187; 37Nampahalalain&#8217;ny olona izy fa i Jesoa avy any Nazareta no nandalo. 38Koa velona antso amin&#8217;izay izy nanao hoe:</div><div class="m">&#8211;Ry Jesoa, Zanak&#8217;i Davida &#244;, mamindr&#224; fo amiko!</div><div class="p"> 39Norahonan&#8217;ireo olona lohalalana ralehilahy hangina, fa vao mainka koa niantsoantso mafy hoe:</div><div class="m">&#8211;Ry Zanak&#8217;i Davida &#244;, mamindr&#224; fo amiko!</div><div class="p"> 40Niato i Jesoa ary nasainy hoentina eo aminy izy, ka nony tonga teo akaikiny dia nanontaniany hoe:</div><div class="m"> 41&#8211;Inona no tianao hataoko aminao?</div><div class="p">Ka novalian&#8217;ilay jamba hoe:</div><div class="m">&#8211;Tompo &#244;, ny hampahiratra ahy!</div><div class="p"> 42Dia hoy i Jesoa taminy:</div><div class="m">&#8211;Mahirata, ny finoanao no nahasitrana anao!</div><div class="p"> 43Dia nahiratra teo no ho eo ihany izy, ary lasa nanaraka an&#8217;i Jesoa sady nanome voninahitra an&#8217;Andriamanitra. Ny vahoaka rehetra koa, raha nahita, dia nidera an&#8217;Andriamanitra.</div>
 </div>
 </div>
</div>

Dikanteny Iombonana Eto Madagasikara © Malagasy Bible Society, 2004.

Nanaovan’i Jesoa fanoharana avy eo ny mpianany hanehoana fa tsy maintsy mivavaka lalandava, ka tsy tokony ho kivy na oviana na oviana. Hoy Izy hoe:
–Nisy mpitsara tsy nanan-tahotra an’Andriamanitra na hena-maso olona tao an-tanàna anankiray izay. Nisy koa tao amin’io tanàna io vehivavy anankiray mpitondratena, niverimberina tao amin’ilay mpitsara nanao hoe: «Omeo rariny amin’ilay miady amiko aho!» Elabe ilay mpitsara tsy niraika; nefa nony farany, dia nanao anakampo hoe: «Marina tokoa fa raha izaho dia tsy manan-tahotra an’Andriamanitra na hena-maso olona. Kanefa mandreraka ahy ny ataon-dravehivavy ity, ka homeko rariny izy mba tsy hiverimberina foana hanorisory ahy!»
Ary hoy ny Tompo:
–Henoy kely ny ambaran’ilay mpitsara ratsy fanahy! Ka dia Andriamanitra indray ve no tsy hanome rariny ny olom-boafidiny mitaraina andro aman’alina aminy? Ary hampiandry lava azy ireo ve Izy? Lazaiko aminareo fa hanome rariny azy faingana Andriamanitra. Kanefa rahatrizay tonga ny Zanak’olona, moa hahita finoana eto an-tany ve Izy?

Nanao izao fanoharana izao kosa i Jesoa ho an’ireo olona natoky tena ho marina ka nanaratsy ny sasany:
–Nisy olona roa lahy niakatra hivavaka teo an-kianjan’ny tempoly: ny anankiray Farisianina ary ny anankiray mpamory hetra. Naka toerana ilay Farisianina ka nivavaka anakampony hoe: «Andriamanitra ô, misaotra Anao aho fa tsy mba tahaka ny olona sasany izay mpangalatra, tsy marina sady mpaka vadin’olona, na tahaka io mpamory hetra io aza. Mifady hanina indroa isan-kerinandro aho ary manolotra ny ampahafolon’izay azoko rehetra.» Ilay mpamory hetra kosa nijanona terỳ lavidavitra, tsy sahy niandrandra ny lanitra akory, fa nandondòna ny tratrany matetika sady nanao hoe: «Andriamanitra ô, mba iantrao re aho, fa mpanota!» Izao no lazaiko aminareo: ity faharoa ity, fa tsy ilay voalohany, no nahazo fahamarinana avy tamin’Andriamanitra nony nody. Satria izay rehetra manandra-tena, dia haetrin’Andriamanitra; fa izay manetry tena, dia hasandratr’Andriamanitra.


Na ny zazakely mbola trotroina aza dia nentin’ny olona teo amin’i Jesoa mba hametrahany tanana. Hitan’ny mpianatra ireto olona ireto ka noteneniny mafy. Nefa dia nasain’i Jesoa ho entina eo aminy ny zazakely sady hoy izy hoe:
–Avelao ny zazakely hanatona Ahy ary aza raràna, satria an’ny toa azy ireny ny Fanjakàn’Andriamanitra. Lazaiko marina aminareo fa na iza na iza tsy mandray ny Fanjakàn’Andriamanitra toy ny andraisan’ny zazakely azy, dia tsy ho tafiditra ao.


Ary nisy manampahefana jiosy nanontany an’i Jesoa hoe:
–Ry Mpampianatra tapitra ohatra ô, inona no tokony hataoko hananako anjara amin’ny fiaina-maharitra mandrakizay?
Dia hoy i Jesoa taminy:
–Nahoana Aho no ataonao hoe tapitra ohatra? Tsy misy tapitra ohatra afa-tsy Andriamanitra irery ihany. Fantatrao ny didy hoe: «Aza maka vadin’olona; aza mamono olona; aza mangalatra; aza manao vavolombelona tsy marina; hajao ny rainao sy ny reninao!»
Dia hoy ilay manampahefana hoe:
–Izany rehetra izany dia efa voatandriko hatramin’ny fahatanorako!
Nandre izany i Jesoa ka nanao taminy hoe:
–Zavatra iray no mbola tsy ampy aminao: amidio avokoa ny fanananao rehetra ka zarao amin’ny mahantra ny vidiny, dia hanana rakitra any an-danitra ianao; raha efa izany, dia avia hiaraka amiko!
Vao nandre izany kosa ralehilahy, dia nanjary nalahelo erỳ, satria tena mpanankarena izy. Ary nahita azy nalahelo toy izany i Jesoa ka nanao hoe:
–Sarotra mihitsy amin’ny mpanankarena ny miditra ao amin’ny Fanjakàn’Andriamanitra. Eny, moramora kokoa ny idiran’ny rameva amin’ny vodifanjaikely noho ny idiran’ny mpanankarena ao amin’ny Fanjakàn’Andriamanitra.
Dia hoy ny olona nandre izany:
–Koa iza àry no mety ho voavonjy?
Fa novalian’i Jesoa hoe:
–Ny tsy vitan’olombelona, vitan’Andriamanitra.
Hoy kosa i Petera:
–Jereo ange! Izahay dia efa nahafoy izay mba anay ka niaraka taminao!
Dia hoy i Jesoa tamin’ny mpianany:
–Lazaiko marina aminareo fa tsy misy olona nahafoy trano na vady na mpiray tampo na ray aman-dreny na zanaka noho ny Fanjakàn’Andriamanitra ka tsy hahazo be lavitra amin’izao etỳ izao, ary ny fiaina-maharitra mandrakizay amin’ny andro ho avy.


Nalain’i Jesoa ho eo aminy kosa ny 12 lahy ka nilazany hoe:
–Miakatra ho any Jerosalema àry izao isika, ka ho tanteraka avokoa izay voalazan’ny Soratra Masina tamin’ny alalan’ny mpaminany momba ny Zanak’olona. Eny, hatolotra ny hafa firenena Izy, ka hoesoiny, hisetrasetrany, hororany; ary rehefa nokapohiny, dia hovonoiny ho faty; kanefa hitsangana velona amin’ny andro fahatelo.
Tsy misy azon’ireto mpianatra anefa izany, fa teny miafina taminy ka tsy fantany izay nolazain’i Jesoa.


Rehefa mby teo akaikin’i Jerikao i Jesoa, dia nisy jamba anankiray efa nitalapetraka teo an-tsisin-dalana nangataka. Henony nihaohao ny vahoaka mitanjozotra ka nanontaniany hoe: «Inona izany?» Nampahalalain’ny olona izy fa i Jesoa avy any Nazareta no nandalo. Koa velona antso amin’izay izy nanao hoe:
–Ry Jesoa, Zanak’i Davida ô, mamindrà fo amiko!
Norahonan’ireo olona lohalalana ralehilahy hangina, fa vao mainka koa niantsoantso mafy hoe:
–Ry Zanak’i Davida ô, mamindrà fo amiko!
Niato i Jesoa ary nasainy hoentina eo aminy izy, ka nony tonga teo akaikiny dia nanontaniany hoe:
–Inona no tianao hataoko aminao?
Ka novalian’ilay jamba hoe:
–Tompo ô, ny hampahiratra ahy!
Dia hoy i Jesoa taminy:
–Mahirata, ny finoanao no nahasitrana anao!
Dia nahiratra teo no ho eo ihany izy, ary lasa nanaraka an’i Jesoa sady nanome voninahitra an’Andriamanitra. Ny vahoaka rehetra koa, raha nahita, dia nidera an’Andriamanitra.

Ouça Lioka 18