If you would like a copy of this version please contact info@davaraudiobibles.org

Mori Old Testament

<div class="version vid3813 iso6393xmz" data-vid="3813" data-iso6393="xmz">
 <div class="book bkGEN">
 <div class="chapter ch21" data-usfm="GEN.21">
 <div class="label">21</div><div class="s">I Sara me'anaakono i Saki</div><div class="r"> 21:1-7</div><div class="p"> 1Ondae i Ue mekakaakono i Sara, kana anu pinau-Do, ka Ondae i Ue weweuo ndi Sara kana anu Dodandiakono. 2#Ibr. 11:11Mentiaomo i Sara ka me'anaakono asa ana ntama anano i Burahima, tempono i mota'u, a tempo anu pinakosiomo, menunu saru pau-Do Ue Ala ndi onae. 3I Burahima moponeeo anano anu dasarai ipine'anaako atuu i Saki, anano anu pine'anaakono i Sara. 4#Teg. 17:12; Tin. 7:8Ka i'amba i Burahima tumindio i Saki, anano atuu, tempono tinuwuno oalu oleo, kana parenta-Do Ue Ala ndi onae. 5Tinuwuno i Burahima asa etu nta'u, tempono ipine'anaako i Saki, anano. 6Motaeomo i Sara, &#8221;Ondae Ue Ala weweu akumo mengingisi; sompo mia anu rumongeo ta mengingisii hangano ongkue.&#8221; 7Ipotae mbo'u, &#8221;Isema anu hieno mokompotaeakono i Burahima: I Sara mompo'uo nana'ote? Ka hinaano kupe'anaakonomo asa ana ntama, anano tempono i mota'u.&#8221;</div><div class="s">I Burahima sumaario i Hagari ka i Sumaila</div><div class="r"> 21:8-21</div><div class="p"> 8Nana'ote atuu kolangka-langkaino ka onae pinotoe. I Burahima moweweu pelimbua langkai a oleo ipinotoe i Saki. 9I tempo atuu, ikitao i Sara, nine anano I Burahima anu pine'anaakono i Hagari, beine to Masiri atuu, kontongaano mengingisi. 10#Gal. 4:29-30Motaeomo i Sara ndi Burahima, &#8221;Saariomo beine ata atuu saru anano, hangano anano ata andio nahi ta mohawe tia pusaka saru anaku i Saki.&#8221; 11Mongkona andio tedoa masusa aroano i Burahima hangano anano atuu. 12#Rom. 9:7; Ibr. 11:18Sine Ondae Ue Ala mepau ndi Burahima, &#8221;Si masusa aroamu hangano mongkona teweweuno nana'ote ka atamu atuu; a luwuno anu pinauno i Sara ndi omue, asalakono ka uperorongeakono. Hangano insomo ndi Saki anu ta pinau inulemu. 13Sine, anano atamu mbo'u atuu, Aku weweuo gagi asa tongku, hangano onae inulemu koa mbo'u.&#8221;</div><div class="p"> 14Tisomono mo'o-mo'oru i Burahima mo'ala roti saru asa kadu uwoi, weeakono i Hagari, ka inaao a wawo oweano. Ka i'amba meronga anano atuu itenao i Hagari lumako. Ka i'amba i Hagari lumako ka melakopi i pada one Bereseba. 15Mansano pingko uwoi a ngkadu atuu, nana'ote atuu ibintao a ntoto tonga ngkura. 16Ka i'amba mentoro ola-olai, bara'ura asa mpepanaa olaino, hangano ipotae, &#8221;Nahi haweako aroaku kumitao nana'ote atuu i mate.&#8221; Kontongaano mentoro i tu'ai, i Hagari mengese meroku.</div><div class="p"> 17Dorongeo Ue Ala suarano nana'ote tama atuu, ka i'amba Mala'eka-Do Ue Ala mebooli inso i langi ndi Hagari. Ipotae ndi onae, &#8221;Hapa anu gagi ndi omue, Hagari? Si doito, hangano Dorongeomo Ue Ala suarano nana'ote atuu inso a tepomboleano. 18Pentademo, tandeomo nana'ote atuu, ka inio temoroso, hangano Aku weweuo gagi tongku anu langkai.&#8221; 19Ka i'amba Ondae Ue Ala wileo matano i Hagari, onaemo ka ikitao asa sumuru. Onae lumako umihiio kadu ponaapano uwoi. Ka i'amba mopo'inuo anano atuu. 20Ondae Ue Ala kumongkomio nana'ote atuu. Onae kolangka-langkaino ka mo'ia rodo i pada one gagi asa mia puu pompana. 21Onae mo'ia i pada one Parani, ka ineno mo'alaakono beineno inso i wita Masiri.</div><div class="s">Pedandido i Burahima ka i Abimele</div><div class="r"> 21:22-34</div><div class="p"> 22 # 
 Teg. 26:26
 I tempo atuu i Abimele saru i Pikolo, tadulako sorodaduno, motaeakono i Burahima, &#8221;Ondae Ue Ala kumongkomiko a luwuakoano anu wineweumu. 23Kanandio-andio pesumpamo ndi ongkue i ndi'ai a nee-Do Ue Ala, nine nahi komoweweu molengku ndi ongkue, ke a luwudo anaku, ke ana'ue ka ana'ue ntukoku; menunu saru petenunu anu kupopokitao ndi omue. Kanatuumo asalakono uweweuo ndi ongkue ka a wita anu upo'iangario gagi mia mehawe.&#8221; 24Ka i'amba motae i Burahima, &#8221;Aku mesumpa.&#8221; 25Sine i Burahima kabarata ndi Abimele mongkona asa sumuru anu domerontuomo atano i Abimele. 26Sumangki i Abimele, &#8221;Nahi kuto'orio, isema anu moweweu kanatuu. Ka omue mbo'u nahi upauakune ka hawe oleo andio napi kuhori rumongeo.&#8221; 27Ka i'amba i Burahima umalao asa bawaa bembe bimba ka sapi ka luwuno atuu iweeakono i Abimele. Ka do'amba moweweu pedandia. 28Sine i Burahima monsiao opitu ana bimba waino inso a luwuno bimba atuu. 29Ka i'amba motae i Abimele ndi Burahima, &#8221;Pombioke ana bimba opitu pinonsiamu andio?&#8221; 30Isangkio, &#8221;Opitu ana bimba andio asalakono ka utarimao inso a ngkaeku gagi tondonino ndi ongkue, nine ongkuemo anu kumekeo sumuru andio.&#8221; 31Onaemo pu'uno po'ianga atuu nineeako Bereseba, hangano mia orua ira atuu mesumpa iramo i ra'ai. 32Umarido moweweu pedandia i Bereseba, i Abimele saru i Pikolo, tadulako sorodaduno, mekule i witado to Pelisiti. 33I Burahima mompaho asa mpu'u keu tamarisika i Bereseba, ka i ra'aimo ipoboio nee-Do i Ue, Ue Ala anu nahina tampulaa-Do. 34Umarino atuu i Burahima tehine ipo'ia gagi mia mehawe i witado to Pelisiti.</div>
 </div>
 </div>
</div>

Ondae i UE mekakaakono i Sara, kana anu pinau-Do, ka Ondae i UE weweuo ndi Sara kana anu Dodandiakono. Mentiaomo i Sara ka me'anaakono asa ana ntama anano i Burahima, tempono i mota'u, a tempo anu pinakosiomo, menunu saru pau-Do Ue Ala ndi onae. I Burahima moponeeo anano anu dasarai ipine'anaako atuu i Saki, anano anu pine'anaakono i Sara. Ka i'amba i Burahima tumindio i Saki, anano atuu, tempono tinuwuno oalu oleo, kana parenta-Do Ue Ala ndi onae. Tinuwuno i Burahima asa etu nta'u, tempono ipine'anaako i Saki, anano. Motaeomo i Sara, ”Ondae Ue Ala weweu akumo mengingisi; sompo mia anu rumongeo ta mengingisii hangano ongkue.” Ipotae mbo'u, ”Isema anu hieno mokompotaeakono i Burahima: I Sara mompo'uo nana'ote? Ka hinaano kupe'anaakonomo asa ana ntama, anano tempono i mota'u.”


Nana'ote atuu kolangka-langkaino ka onae pinotoe. I Burahima moweweu pelimbua langkai a oleo ipinotoe i Saki. I tempo atuu, ikitao i Sara, nine anano I Burahima anu pine'anaakono i Hagari, beine to Masiri atuu, kontongaano mengingisi. Motaeomo i Sara ndi Burahima, ”Saariomo beine ata atuu saru anano, hangano anano ata andio nahi ta mohawe tia pusaka saru anaku i Saki.” Mongkona andio tedoa masusa aroano i Burahima hangano anano atuu. Sine Ondae Ue Ala mepau ndi Burahima, ”Si masusa aroamu hangano mongkona teweweuno nana'ote ka atamu atuu; a luwuno anu pinauno i Sara ndi omue, asalakono ka uperorongeakono. Hangano insomo ndi Saki anu ta pinau inulemu. Sine, anano atamu mbo'u atuu, Aku weweuo gagi asa tongku, hangano onae inulemu koa mbo'u.”
Tisomono mo'o-mo'oru i Burahima mo'ala roti saru asa kadu uwoi, weeakono i Hagari, ka inaao a wawo oweano. Ka i'amba meronga anano atuu itenao i Hagari lumako. Ka i'amba i Hagari lumako ka melakopi i pada one Bereseba. Mansano pingko uwoi a ngkadu atuu, nana'ote atuu ibintao a ntoto tonga ngkura. Ka i'amba mentoro ola-olai, bara'ura asa mpepanaa olaino, hangano ipotae, ”Nahi haweako aroaku kumitao nana'ote atuu i mate.” Kontongaano mentoro i tu'ai, i Hagari mengese meroku.
Dorongeo Ue Ala suarano nana'ote tama atuu, ka i'amba Mala'eka-Do Ue Ala mebooli inso i langi ndi Hagari. Ipotae ndi onae, ”Hapa anu gagi ndi omue, Hagari? Si doito, hangano Dorongeomo Ue Ala suarano nana'ote atuu inso a tepomboleano. Pentademo, tandeomo nana'ote atuu, ka inio temoroso, hangano Aku weweuo gagi tongku anu langkai.” Ka i'amba Ondae Ue Ala wileo matano i Hagari, onaemo ka ikitao asa sumuru. Onae lumako umihiio kadu ponaapano uwoi. Ka i'amba mopo'inuo anano atuu. Ondae Ue Ala kumongkomio nana'ote atuu. Onae kolangka-langkaino ka mo'ia rodo i pada one gagi asa mia puu pompana. Onae mo'ia i pada one Parani, ka ineno mo'alaakono beineno inso i wita Masiri.


I tempo atuu i Abimele saru i Pikolo, tadulako sorodaduno, motaeakono i Burahima, ”Ondae Ue Ala kumongkomiko a luwuakoano anu wineweumu. Kanandio-andio pesumpamo ndi ongkue i ndi'ai a nee-Do Ue Ala, nine nahi komoweweu molengku ndi ongkue, ke a luwudo anaku, ke ana'ue ka ana'ue ntukoku; menunu saru petenunu anu kupopokitao ndi omue. Kanatuumo asalakono uweweuo ndi ongkue ka a wita anu upo'iangario gagi mia mehawe.” Ka i'amba motae i Burahima, ”Aku mesumpa.” Sine i Burahima kabarata ndi Abimele mongkona asa sumuru anu domerontuomo atano i Abimele. Sumangki i Abimele, ”Nahi kuto'orio, isema anu moweweu kanatuu. Ka omue mbo'u nahi upauakune ka hawe oleo andio napi kuhori rumongeo.” Ka i'amba i Burahima umalao asa bawaa bembe bimba ka sapi ka luwuno atuu iweeakono i Abimele. Ka do'amba moweweu pedandia. Sine i Burahima monsiao opitu ana bimba waino inso a luwuno bimba atuu. Ka i'amba motae i Abimele ndi Burahima, ”Pombioke ana bimba opitu pinonsiamu andio?” Isangkio, ”Opitu ana bimba andio asalakono ka utarimao inso a ngkaeku gagi tondonino ndi ongkue, nine ongkuemo anu kumekeo sumuru andio.” Onaemo pu'uno po'ianga atuu nineeako Bereseba, hangano mia orua ira atuu mesumpa iramo i ra'ai. Umarido moweweu pedandia i Bereseba, i Abimele saru i Pikolo, tadulako sorodaduno, mekule i witado to Pelisiti. I Burahima mompaho asa mpu'u keu tamarisika i Bereseba, ka i ra'aimo ipoboio nee-Do i Ue, Ue Ala anu nahina tampulaa-Do. Umarino atuu i Burahima tehine ipo'ia gagi mia mehawe i witado to Pelisiti.

Ouça Tegagia 21