Tombonuo - WBT (NT+) Drama

<div class="version vid3724 iso6393txa" data-vid="3724" data-iso6393="txa">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Minomali' si Yisus nu lobuw bolou</div><div class="p"> 1Laid ni Yisus manou-panou-i, nokosambat Iyo nu lobuw bolou kiat kopuanak. 2Mongoduato yo mompomaid Niyo ri nu, &#8220;Oo Guru, isai ka su kikoraayan so nosiro, iyo kondiri ko' ino amo niyo no sampai nobolou iyo kiat kopuanak?&#8221; koo.</div><div class="p"> 3Sumombuto yo si Yisus nu, &#8220;Okon-a ko koraayan niyo kondiri intawa ino amo niyo, nga tayon ong kointolang kuasa nu Kinoringan so kowiawan niyo no. 4Laid nu onawau-o po, ono yo laid nu miau toko po, waalo toko po gogoma'on koinginan nu Kinoringan nisuu' so Aku no, so' bang awi yo, dai yo sono kopomaal nu ono. 5Laid nu tuui Aku po so wonuo tu, Aku yo su mongonawau nu pomikiran nu lobuw nu pontudukan Ku obana no,&#8221; koo.#Mat 5:14; Yns 8:12 </div><div class="p"> 6Nopupus-o po si Yisus mutangar, mongoduraa yo Iyo so tana' ri, popugowulo yo Niyo tana' ri om dura' Niyo ri om piidi yo Niyo so mato nu lobuw bolou-i. 7Tongaro yo Niyo lobuw bolou-i nu, &#8220;Panou-o, muragup so Kulam Siluam,&#8221; koo. (Orati yo po nu Siluam so tangar Ibrani nga sinuu'.) Momponowo yo lobuw iiri muragup. Nokopululi' po iyo, kosiou-o sono iyo.</div><div class="p"> 8Kiawi' ombaloi niyo om lobuw obulit kosiou so iyo mokisodaka ri mutangar sono nu, &#8220;Okon ka ko iyo yo iri dadan mokisodaka ri?&#8221; koo.</div><div class="p"> 9Kuwai yo mutangar nu, &#8220;Iyo yo ono,&#8221; koo, om kuwai ya mutangar nu, &#8220;Okon-a, lobuw iitu koogio ya nu buatan niyo ri,&#8221; koo.</div><div class="p">Nga kondiri ya nu lobuw iiri mutangar nu, &#8220;Aku yo iri,&#8221; koo.</div><div class="p"> 10Duato yo iyo nosiro nu, &#8220;Onu nokopali' nu mato mu no?&#8221; koo.</div><div class="p"> 11Sumombuto yo iyo nu, &#8220;Iri lobuw ingoranan so si Yisus su nopopiid nu tana' ginowulan nu dura' Niyo ri so mato ku no, om minutangar nu, &#8216;Panou-o muragup so Kulam Siluam,&#8217; koo. Miano aku yo sono muragup. Nokopuragup aku po, kosiou aku yo sono,&#8221; koo.</div><div class="p"> 12Mongoduato po nosiro nu, &#8220;Siombo ka lobuw oono,&#8221; koo.</div><div class="p">Sumombuto yo iyo nu, &#8220;Tou!&#8221; koo.</div><div class="s">Kopali'-pali' nu lobuw bolou-i</div><div class="p"> 13-14Pinomoli'an ni Yisus nu lobuw bolou iiri nokoiya yo nu Runat Pongintoronan. Indadi owito yo sono lobuw baya' bolou iiri so ongo lobuw Parisi ri. 15Mongoduato po lobuw Parisi ri so iyo ong onu nokopali' nu mato niyo ri. Sumombuto yo sono iyo nu, &#8220;Piniidan Niyo mato ku no nu tana' ginowulan nu dura', om minian aku yo muragup, om kosiou aku yo sono,&#8221; koo.</div><div class="p"> 16Mutongaro yo tinu-tinu lobuw Parisi ri nu, &#8220;Dai mupatut nu ungkiat so Kinoringan lobuw oono, so' dai Iyo mongowaid nu ukum suat so Runat Pongintoronan,&#8221; koo.</div><div class="p">Nga mutongaro yo lobuw iiri nu, &#8220;Bang lobuw kikoraayan, dai kopomaal nu koiran-iran soko ono,&#8221; koo. Minupipinig sono nosiro. 17Mongoduato po lobuw Parisi ri so lobuw-i nu, &#8220;Onu ka ponokodan mu suat so lobuw minomali' so ikau-i?&#8221; koo.</div><div class="p">Sumombuto yo iyo, &#8220;Iyo yo poo'abar nu Kinoringan,&#8221; koo.</div><div class="p"> 18Nga dai ya poimaid wowaidon nu lobuw Yaudi ri nu nobolou iyo om kosiou sono. Indadi, paawo yo nosiro ino amo niyo ri, 19om duato yo nu, &#8220;Bana ka nu anak muyu itu, iri bolou kiat kopuanak-i? Nokuro su kosiou sono iyo?&#8221; koo.</div><div class="p"> 20Sumombuto yo nosiro nu, &#8220;Ono-ono ya su oilaan mai, anak mai iyo, om bolou iyo kiat kopuanak. 21Nga dai mai ya moilaan ong nokuro su tinumungani ya iyo kosiou, om dai mai ya moilaan ong isai minomali' so iyo. Duato muyu ya iyo. Pagka nosukod-o, moilo yo iyo sumambut,&#8221; koo. 22Soko iri sambut nosiro so' lumaa' nosiro nu wowaidon nu lobuw Yaudi ri. Minuupakat-o wowaidon-i nu isai yo po poimaid nu si Yisus-o Raja Nijanji nu Kinoringan,#9:22: Raja Nijanji nu Kinoringan, kolompukan mutangar, Masias. dai yo sono poosuwon so waloi sosombooyangan. 23Iri yo ko' tinangar nu ino amo niyo ri nu, &#8220;Duato muyu ya iyo, so' nosukod-o iyo,&#8221; koo.</div><div class="p"> 24Paawo po nosiro lobuw iiri om tongaro yo nu, &#8220;Obari yo so tiningkuangon nu Kinoringan onu yo po obana. Oilaan mai nu lobuw iitu no kikoraayan,&#8221; koo.</div><div class="p"> 25Sumombuto yo lobuw iiri nu, &#8220;Dai ku ya oilaan nu kikoraayan ka lobuw oono ko' d'ado. Ono yo su oilaan ku, gulu ri bolou aku, nga kosiono kosiou aku yo sono,&#8221; koo.</div><div class="p"> 26Mongoduato po nosiro nu, &#8220;Onu ka winaal Niyo so ikau su kosiou ko yo sono?&#8221; koo.</div><div class="p"> 27Sumombuto yo iyo nu, &#8220;Notangar ku yo iri so kou nga dai muyu ya rinongou. Nokuro su ingguloton muyu po? Kou gaam nga moingin-a sumiliw nu mompomaid Niyo!&#8221; koo.</div><div class="p"> 28Ungoti yo iyo nosiro om mutongaro yo nu, &#8220;Ikau-o bo ono mompomaid Niyo. Kai yo po mompomaid ni Musa. 29Oilaan mai nu si Musa yo su pinongodawan nu Kinoringan, nga lobuw oono dai mai oilaan ong siombo inungkiaton,&#8221; koo.</div><div class="p"> 30Sumombuto yo lobuw iiri nu, &#8220;Oiranan aku sobana nu itu! Pudi pona kopomali' si Yisus nu mato ku, nga dai muyu oilaan ong siombo inungkiaton Niyo. 31Oilaan toko nu dai rongowon nu Kinoringan lobuw kikoraayan. Ono yo su rongowon Niyo lobuw mongorumat so Iyo om momaal nu koinginan Niyo no. 32Kiat nu kinowongunan nu wonuo tu, d'ado po norongou nu kuwai lobuw kopomali' nu lobuw bolou kiat kopuanak. 33Bang okon ko kiat so Kinoringan lobuw oono, dai Iyo kopomaal nu onu-onu ya,&#8221; koo.</div><div class="p"> 34Sumombuto yo nosiro nu, &#8220;Kiat kopuanak so ikau, kikoraayan ko yo. Dai mutoop ong montuduk ko so kai!&#8221; koo. Indadi kiat nu iri dai yo sono pinaasuw iyo so waloi sosombooyangan.</div><div class="s">Obolou suat so koimaidan</div><div class="p"> 35Norongou sono ni Yisus nu dai poosuwon nosiro lobuw baya' bolou iiri so waloi sosombooyangan. Nosambat-o po Niyo lobuw iiri, tongaro yo Niyo nu, &#8220;Poimaid ko ya ka nu Anak nu Riniba?&#8221; koo.</div><div class="p"> 36Sumombuto yo lobuw iiri nu, &#8220;Oo Tuan, obari yo ong isai Iyo su' poimaid aku so Iyo,&#8221; koo.</div><div class="p"> 37Sumombuto yo si Yisus nu, &#8220;Nosiou mu yo Iyo. Aku yo ono una' mu mutangar-tangar-o,&#8221; koo.</div><div class="p"> 38Sumombuto yo lobuw iiri nu, &#8220;Oo Tuhan, poimaid aku,&#8221; koo, om sumurukudo yo so tiningkuangon ni Yisus.</div><div class="p"> 39Mutongaro yo si Yisus nu, &#8220;Tomod Ku yo po lumoga' so wonuo tu nga mongukum nu lobuw. Isai obolou, kosiou sono, om isai kosiou, pobolowon Ku,&#8221; koo.</div><div class="p"> 40Osuang lobuw Parisi nokorongou nu tinangar Niyo iiri. Mutongaro yo sono nosiro nu, &#8220;Ontaman Mu ka ong kai nga bolou-a?&#8221; koo nosiro.</div><div class="p"> 41Sumombuto yo si Yisus nu, &#8220;Bang oilaan muyu nu obolou kou, d'ado ya koraayan muyu, nga pagka monokod kou nu kosiou kou ya, kakal-a kikoraayan kou,&#8221; koo si Yisus.</div>
 </div>
 </div>
</div>

Laid ni Yisus manou-panou-i, nokosambat Iyo nu lobuw bolou kiat kopuanak. Mongoduato yo mompomaid Niyo ri nu, “Oo Guru, isai ka su kikoraayan so nosiro, iyo kondiri ko' ino amo niyo no sampai nobolou iyo kiat kopuanak?” koo.
Sumombuto yo si Yisus nu, “Okon-a ko koraayan niyo kondiri intawa ino amo niyo, nga tayon ong kointolang kuasa nu Kinoringan so kowiawan niyo no. Laid nu onawau-o po, ono yo laid nu miau toko po, waalo toko po gogoma'on koinginan nu Kinoringan nisuu' so Aku no, so' bang awi yo, dai yo sono kopomaal nu ono. Laid nu tuui Aku po so wonuo tu, Aku yo su mongonawau nu pomikiran nu lobuw nu pontudukan Ku obana no,” koo.
Nopupus-o po si Yisus mutangar, mongoduraa yo Iyo so tana' ri, popugowulo yo Niyo tana' ri om dura' Niyo ri om piidi yo Niyo so mato nu lobuw bolou-i. Tongaro yo Niyo lobuw bolou-i nu, “Panou-o, muragup so Kulam Siluam,” koo. (Orati yo po nu Siluam so tangar Ibrani nga sinuu'.) Momponowo yo lobuw iiri muragup. Nokopululi' po iyo, kosiou-o sono iyo.
Kiawi' ombaloi niyo om lobuw obulit kosiou so iyo mokisodaka ri mutangar sono nu, “Okon ka ko iyo yo iri dadan mokisodaka ri?” koo.
Kuwai yo mutangar nu, “Iyo yo ono,” koo, om kuwai ya mutangar nu, “Okon-a, lobuw iitu koogio ya nu buatan niyo ri,” koo.
Nga kondiri ya nu lobuw iiri mutangar nu, “Aku yo iri,” koo.
Duato yo iyo nosiro nu, “Onu nokopali' nu mato mu no?” koo.
Sumombuto yo iyo nu, “Iri lobuw ingoranan so si Yisus su nopopiid nu tana' ginowulan nu dura' Niyo ri so mato ku no, om minutangar nu, ‘Panou-o muragup so Kulam Siluam,’ koo. Miano aku yo sono muragup. Nokopuragup aku po, kosiou aku yo sono,” koo.
Mongoduato po nosiro nu, “Siombo ka lobuw oono,” koo.
Sumombuto yo iyo nu, “Tou!” koo.

Pinomoli'an ni Yisus nu lobuw bolou iiri nokoiya yo nu Runat Pongintoronan. Indadi owito yo sono lobuw baya' bolou iiri so ongo lobuw Parisi ri. Mongoduato po lobuw Parisi ri so iyo ong onu nokopali' nu mato niyo ri. Sumombuto yo sono iyo nu, “Piniidan Niyo mato ku no nu tana' ginowulan nu dura', om minian aku yo muragup, om kosiou aku yo sono,” koo.
Mutongaro yo tinu-tinu lobuw Parisi ri nu, “Dai mupatut nu ungkiat so Kinoringan lobuw oono, so' dai Iyo mongowaid nu ukum suat so Runat Pongintoronan,” koo.
Nga mutongaro yo lobuw iiri nu, “Bang lobuw kikoraayan, dai kopomaal nu koiran-iran soko ono,” koo. Minupipinig sono nosiro. Mongoduato po lobuw Parisi ri so lobuw-i nu, “Onu ka ponokodan mu suat so lobuw minomali' so ikau-i?” koo.
Sumombuto yo iyo, “Iyo yo poo'abar nu Kinoringan,” koo.
Nga dai ya poimaid wowaidon nu lobuw Yaudi ri nu nobolou iyo om kosiou sono. Indadi, paawo yo nosiro ino amo niyo ri, om duato yo nu, “Bana ka nu anak muyu itu, iri bolou kiat kopuanak-i? Nokuro su kosiou sono iyo?” koo.
Sumombuto yo nosiro nu, “Ono-ono ya su oilaan mai, anak mai iyo, om bolou iyo kiat kopuanak. Nga dai mai ya moilaan ong nokuro su tinumungani ya iyo kosiou, om dai mai ya moilaan ong isai minomali' so iyo. Duato muyu ya iyo. Pagka nosukod-o, moilo yo iyo sumambut,” koo. Soko iri sambut nosiro so' lumaa' nosiro nu wowaidon nu lobuw Yaudi ri. Minuupakat-o wowaidon-i nu isai yo po poimaid nu si Yisus-o Raja Nijanji nu Kinoringan, dai yo sono poosuwon so waloi sosombooyangan. Iri yo ko' tinangar nu ino amo niyo ri nu, “Duato muyu ya iyo, so' nosukod-o iyo,” koo.
Paawo po nosiro lobuw iiri om tongaro yo nu, “Obari yo so tiningkuangon nu Kinoringan onu yo po obana. Oilaan mai nu lobuw iitu no kikoraayan,” koo.
Sumombuto yo lobuw iiri nu, “Dai ku ya oilaan nu kikoraayan ka lobuw oono ko' d'ado. Ono yo su oilaan ku, gulu ri bolou aku, nga kosiono kosiou aku yo sono,” koo.
Mongoduato po nosiro nu, “Onu ka winaal Niyo so ikau su kosiou ko yo sono?” koo.
Sumombuto yo iyo nu, “Notangar ku yo iri so kou nga dai muyu ya rinongou. Nokuro su ingguloton muyu po? Kou gaam nga moingin-a sumiliw nu mompomaid Niyo!” koo.
Ungoti yo iyo nosiro om mutongaro yo nu, “Ikau-o bo ono mompomaid Niyo. Kai yo po mompomaid ni Musa. Oilaan mai nu si Musa yo su pinongodawan nu Kinoringan, nga lobuw oono dai mai oilaan ong siombo inungkiaton,” koo.
Sumombuto yo lobuw iiri nu, “Oiranan aku sobana nu itu! Pudi pona kopomali' si Yisus nu mato ku, nga dai muyu oilaan ong siombo inungkiaton Niyo. Oilaan toko nu dai rongowon nu Kinoringan lobuw kikoraayan. Ono yo su rongowon Niyo lobuw mongorumat so Iyo om momaal nu koinginan Niyo no. Kiat nu kinowongunan nu wonuo tu, d'ado po norongou nu kuwai lobuw kopomali' nu lobuw bolou kiat kopuanak. Bang okon ko kiat so Kinoringan lobuw oono, dai Iyo kopomaal nu onu-onu ya,” koo.
Sumombuto yo nosiro nu, “Kiat kopuanak so ikau, kikoraayan ko yo. Dai mutoop ong montuduk ko so kai!” koo. Indadi kiat nu iri dai yo sono pinaasuw iyo so waloi sosombooyangan.

Norongou sono ni Yisus nu dai poosuwon nosiro lobuw baya' bolou iiri so waloi sosombooyangan. Nosambat-o po Niyo lobuw iiri, tongaro yo Niyo nu, “Poimaid ko ya ka nu Anak nu Riniba?” koo.
Sumombuto yo lobuw iiri nu, “Oo Tuan, obari yo ong isai Iyo su' poimaid aku so Iyo,” koo.
Sumombuto yo si Yisus nu, “Nosiou mu yo Iyo. Aku yo ono una' mu mutangar-tangar-o,” koo.
Sumombuto yo lobuw iiri nu, “Oo Tuhan, poimaid aku,” koo, om sumurukudo yo so tiningkuangon ni Yisus.
Mutongaro yo si Yisus nu, “Tomod Ku yo po lumoga' so wonuo tu nga mongukum nu lobuw. Isai obolou, kosiou sono, om isai kosiou, pobolowon Ku,” koo.
Osuang lobuw Parisi nokorongou nu tinangar Niyo iiri. Mutongaro yo sono nosiro nu, “Ontaman Mu ka ong kai nga bolou-a?” koo nosiro.
Sumombuto yo si Yisus nu, “Bang oilaan muyu nu obolou kou, d'ado ya koraayan muyu, nga pagka monokod kou nu kosiou kou ya, kakal-a kikoraayan kou,” koo si Yisus.

Ouça Yuanis 9