<div class="version vid3590 iso6393mzj" data-vid="3590" data-iso6393="mzj">
   <div class="book bkMAT">
      <div class="chapter chINTRO1" data-usfm="MAT.INTRO1">
         <div class="imt"><span class="content">Kitabu s&#603;v&#603;ko kun</span></div><div class="ip"><span class="content">Isa k&#596;biladen Matiyu ka kitabu min s&#603;v&#603; ka Samakan Kein lase m&#596;&#596;lu ma ka b&#603;n Isa ma. Jani Isa t&#603;&#603; Matiyu kili ka k&#603; a k&#596;biladen ne, wo t&#603;&#603; niis&#596;&#596;nminaba le le. Ai t&#603;&#603; a f&#596;la Matiyu ma fana ko Levi. Bani Isilanka le t&#603;&#603; a le, a do na kitabu min s&#603;v&#603;la a siboloma&#626;&#596;&#596;lu le ma.</span></div><div class="ip"><span class="content">Kelayakuma siyama s&#603;v&#603;nin Taulati ni Zabuli l&#596; ka b&#603;n Masa T&#596;&#596;masenin nako ma. Matiyu ka haya biwolowulan (70) jate ta, ka wolu s&#603;v&#603; aa kitabu k&#596;n&#596;, k'a jiya m&#596; la ko lahedi minu tanin Ala bolo, ko wolu mafanin Isa le f&#603;. Ale le Masa T&#596;&#596;masenin ne, ani Ala Denk&#603;.</span></div><div class="ip"><span class="content">Ni a ka f&#596; ko Isa yi Ala Denk&#603; le le, a t&#603; k'a f&#596; ko Ala ka moso ta le ka den s&#596;l&#596;n iwo adamaden. Maf&#596;, k&#596;l&#596;k&#596;l&#596; le, masa ba t&#603;&#603; a f&#596;la a kank&#596;l&#596;siilu ma ko a den, kamas&#596;l&#596;n wolu le t&#603;&#603; masa ba &#626;a le. A do s&#603;v&#603;nin ten ne Zabuli l&#596; ka b&#603;n Masak&#603; Dawuda ma ko: &#171;Masak&#603; do v&#603;&#603;: &#505; k&#603;t&#596; m&#596; Tii ya kolat&#603;&#603;nin lasena, a do v&#603;&#603; &#505; y&#603;: &#8249;&#504; denk&#603; le i le. M&#768;'&#603; k&#603; i fa le bi&#8250; &#187; (</span><span class="content">Zabuli 2.7</span><span class="content">). Wo le n'a k&#603;la, Bani Isilankalu t&#603;&#603; a f&#596;la aiya masak&#603;lu ma ko Ala Denk&#603;, kamas&#596;l&#596;n wolu t&#603;&#603; Ala &#626;a le le dunu&#626;a, minu t&#603;&#603; masaya k&#603;la Ala ya seetiiya k&#596;l&#596;. Wo l&#596;, Ala Denk&#603; k&#596;l&#596; ni Masa T&#596;&#596;masenin k&#596;l&#596; masulunyayine i &#626;&#596;&#596; na. Ai y'a f&#596;la Isa ma fana ko Ala Denk&#603; ka b&#603;n a s&#596;l&#596;n&#626;a ni a kok&#603;&#626;alu le ma. Isa s&#596;l&#596;n&#626;a ni adamaden t&#596;lu s&#596;l&#596;n&#626;a ma k&#603; kelen ne. Komi Isa yi Ala ya M&#596;&#596; Tanin ne le min lahedi tanin ka ta waate jaan ma, wo l&#596;, a t&#603;&#603; t&#603; se s&#596;l&#596;nna iwo m&#596;&#596;nivin j&#603;l&#603;la. Ala ka a Nii S&#603;n&#603;yanin lajii M&#596;yamu k&#596;kan f&#596;sa a yi k&#596;n&#596; ta wo bolo&#626;a ma. Wo le n'a k&#603;la, Isa ya dunu&#626;al&#596;t&#603;&#603; b&#603; l&#596;, a ma julumbu foi ta. A do t&#603;&#603; Ala kumakan labatola ko b&#603; l&#596;, ka kawanankolu k&#603; minu &#626;&#596;&#596;zii ma k&#603; ba bene feu. A see t&#603;&#603; a y&#603; hali ka m&#596;&#596;nivinnu ya julumbulu l&#596;koto. Wo l&#596;, Isa gbu t&#603;&#603; a f&#596;la Ala ma ko a Fa.</span></div><div class="ip"><span class="content">Matiyu ya kitabu yi Isa ya kolu le &#626;af&#596;la m&#596; y&#603;, ka damina a s&#596;l&#596;n waate ma, ka taa sii aa kuma labannu la, jani a k&#596;l&#596; t&#603;&#603; ta ka taa haij&#603;n&#603;. Isa k&#603;kolu b&#603; s&#603;v&#603;nin t&#603; kitabu min k&#596;n&#596;, maf&#596; Matiyu na ko minu yena a &#626;a la, a na wolu le s&#603;v&#603;la.</span></div><div class="ip"><span class="content">Kitabu min k&#596;n&#596;, Isa ya kawanililu l&#596;talanin siiyama loolu le le. Wolu do yi Ala ya Masaya le &#626;af&#596;la m&#596; y&#603;:</span></div><div class="io1"><span class="content">1. Kawanili min ka k&#603; tini k&#596;kan (5-7)</span></div><div class="io1"><span class="content">2. Kawanili min ka k&#603; aa keladen m&#596;&#596; tan ni fila kalanko l&#596; (10)</span></div><div class="io1"><span class="content">3. Kawanili min ka k&#603; ka b&#603;n Ala ya Masaya ma (13)</span></div><div class="io1"><span class="content">4. Kawanili min ka k&#603; ka b&#603;n Isa k&#596;biladennu taama&#626;a ma (18)</span></div><div class="io1"><span class="content">5. Kawanili min ka k&#603; ka b&#603;n dunu&#626;a laban waate ma (24-25)</span></div><div class="iot"><span class="content">Kitabu k&#596;n&#596;l&#596;kolu</span></div><div class="io1"><span class="content">Isa jilijaalu, ani a s&#596;l&#596;nnin teme </span><span class="ior"><span class="content">(</span><span class="content">1.1&#8211;2.23</span><span class="content">)</span></span></div><div class="io1"><span class="content">Makolik&#603;ba Yaya ya baale </span><span class="ior"><span class="content">(</span><span class="content">3.1-12</span><span class="content">)</span></span></div><div class="io1"><span class="content">Isa ka makoli s&#596;l&#596;n Yaya bolo teme, ani Soitana ka Isa l&#596;suma teme </span><span class="ior"><span class="content">(</span><span class="content">3.13&#8211;4.11</span><span class="content">)</span></span></div><div class="io1"><span class="content">Isa ka baale min k&#603; Galile koovi l&#596; </span><span class="ior"><span class="content">(</span><span class="content">4.12&#8211;18.35</span><span class="content">)</span></span></div><div class="io1"><span class="content">Isa b&#596; Galile ka taa Jelusal&#603;mu </span><span class="ior"><span class="content">(</span><span class="content">19.1&#8211;20.34</span><span class="content">)</span></span></div><div class="io1"><span class="content">Isa ka baale min k&#603; Jelusal&#603;mu, ani ai ka a faa teme </span><span class="ior"><span class="content">(</span><span class="content">21.1&#8211;27.66</span><span class="content">)</span></span></div><div class="io1"><span class="content">Isa k'i wuli teme ka b&#596; saya l&#596;, k'a j&#603;l&#603; jiya a k&#596;biladennu la </span><span class="ior"><span class="content">(</span><span class="content">28.1-20</span><span class="content">)</span></span></div>
      </div>
   </div>
</div>

Manya Bible Translation, © SIM International, 2023 

Kitabu sɛvɛko kun
Isa kɔbiladen Matiyu ka kitabu min sɛvɛ ka Samakan Kein lase mɔɔlu ma ka bɛn Isa ma. Jani Isa tɛɛ Matiyu kili ka kɛ a kɔbiladen ne, wo tɛɛ niisɔɔnminaba le le. Ai tɛɛ a fɔla Matiyu ma fana ko Levi. Bani Isilanka le tɛɛ a le, a do na kitabu min sɛvɛla a sibolomaɲɔɔlu le ma.
Kelayakuma siyama sɛvɛnin Taulati ni Zabuli lɔ ka bɛn Masa Tɔɔmasenin nako ma. Matiyu ka haya biwolowulan (70) jate ta, ka wolu sɛvɛ aa kitabu kɔnɔ, k'a jiya mɔ la ko lahedi minu tanin Ala bolo, ko wolu mafanin Isa le fɛ. Ale le Masa Tɔɔmasenin ne, ani Ala Denkɛ.
Ni a ka fɔ ko Isa yi Ala Denkɛ le le, a tɛ k'a fɔ ko Ala ka moso ta le ka den sɔlɔn iwo adamaden. Mafɔ, kɔlɔkɔlɔ le, masa ba tɛɛ a fɔla a kankɔlɔsiilu ma ko a den, kamasɔlɔn wolu le tɛɛ masa ba ɲa le. A do sɛvɛnin ten ne Zabuli lɔ ka bɛn Masakɛ Dawuda ma ko: «Masakɛ do vɛɛ: ǹ kɛtɔ mɔ Tii ya kolatɛɛnin lasena, a do vɛɛ ǹ yɛ: ‹Ǹ denkɛ le i le. M̀'ɛ kɛ i fa le bi› » (Zabuli 2.7). Wo le n'a kɛla, Bani Isilankalu tɛɛ a fɔla aiya masakɛlu ma ko Ala Denkɛ, kamasɔlɔn wolu tɛɛ Ala ɲa le le dunuɲa, minu tɛɛ masaya kɛla Ala ya seetiiya kɔlɔ. Wo lɔ, Ala Denkɛ kɔlɔ ni Masa Tɔɔmasenin kɔlɔ masulunyayine i ɲɔɔ na. Ai y'a fɔla Isa ma fana ko Ala Denkɛ ka bɛn a sɔlɔnɲa ni a kokɛɲalu le ma. Isa sɔlɔnɲa ni adamaden tɔlu sɔlɔnɲa ma kɛ kelen ne. Komi Isa yi Ala ya Mɔɔ Tanin ne le min lahedi tanin ka ta waate jaan ma, wo lɔ, a tɛɛ tɛ se sɔlɔnna iwo mɔɔnivin jɛlɛla. Ala ka a Nii Sɛnɛyanin lajii Mɔyamu kɔkan fɔsa a yi kɔnɔ ta wo boloɲa ma. Wo le n'a kɛla, Isa ya dunuɲalɔtɛɛ bɛ lɔ, a ma julumbu foi ta. A do tɛɛ Ala kumakan labatola ko bɛ lɔ, ka kawanankolu kɛ minu ɲɔɔzii ma kɛ ba bene feu. A see tɛɛ a yɛ hali ka mɔɔnivinnu ya julumbulu lɔkoto. Wo lɔ, Isa gbu tɛɛ a fɔla Ala ma ko a Fa.
Matiyu ya kitabu yi Isa ya kolu le ɲafɔla mɔ yɛ, ka damina a sɔlɔn waate ma, ka taa sii aa kuma labannu la, jani a kɔlɔ tɛɛ ta ka taa haijɛnɛ. Isa kɛkolu bɛ sɛvɛnin tɛ kitabu min kɔnɔ, mafɔ Matiyu na ko minu yena a ɲa la, a na wolu le sɛvɛla.
Kitabu min kɔnɔ, Isa ya kawanililu lɔtalanin siiyama loolu le le. Wolu do yi Ala ya Masaya le ɲafɔla mɔ yɛ:
1. Kawanili min ka kɛ tini kɔkan (5-7)
2. Kawanili min ka kɛ aa keladen mɔɔ tan ni fila kalanko lɔ (10)
3. Kawanili min ka kɛ ka bɛn Ala ya Masaya ma (13)
4. Kawanili min ka kɛ ka bɛn Isa kɔbiladennu taamaɲa ma (18)
5. Kawanili min ka kɛ ka bɛn dunuɲa laban waate ma (24-25)
Kitabu kɔnɔlɔkolu
Isa jilijaalu, ani a sɔlɔnnin teme ( 1.1–2.23 )
Makolikɛba Yaya ya baale ( 3.1-12 )
Isa ka makoli sɔlɔn Yaya bolo teme, ani Soitana ka Isa lɔsuma teme ( 3.13–4.11 )
Isa ka baale min kɛ Galile koovi lɔ ( 4.12–18.35 )
Isa bɔ Galile ka taa Jelusalɛmu ( 19.1–20.34 )
Isa ka baale min kɛ Jelusalɛmu, ani ai ka a faa teme ( 21.1–27.66 )
Isa k'i wuli teme ka bɔ saya lɔ, k'a jɛlɛ jiya a kɔbiladennu la ( 28.1-20 )

Ouça Matiyu Kitabu sɛvɛko kun