If you would like a copy of this version please contact info@davaraudiobibles.org

Sirmouri New Testament, CC-BY-SA-4.0, The Love Fellowship. Sirmouri New Testament Audio Bible, CC-BY-SA-4.0, Davar Partners International, The Love Fellowship, 2022.

Sirmouri New Testament

Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.

ऐजी यीशु मसीह कै बुड़ेईको कै नांव कै सूची औसौ। सै राजा दाऊद कै पीढ़ी का थिया, जू अब्राहम का वंश का थिया।
अब्राहम शै इसहाक पौयदा हौआ, इसहाक शै याकूब पौयदा हौआ, याकूब शै यहूदा औरौ तैसकै भाई पौयदा होवे थिए। यहूदा औरौ तामार शै पेरेस औरौ जेरह पौयदा होवे, पेरेस शै हिस्त्रोन पौयदा हौआ, औरौ हेस्रोन शै एराम पौयदा हौआ। एराम शै अम्मीनादाब पौयदा हौआ, अम्मीनादाब शै नहशोन, औरौ नहशोन शै सलमोन पौयदा हौआ। सलमोन औरौ राहाब शै बोअज पौयदा हौआ, बोअज औरौ रूत शै ओबेद पौयदा हौआ, औरौ ओबेद शै यिशै पौयदा हौआ। यिशै शै दाऊद राजा पौयदा हौआ। दाऊद राजा शै राजा सुलैमान तियौं बैटमाणिश शै पौयदा हौआ जू आगै उरिय्याह कै घोरवाल़ी थी।
राजा सुलैमान शै रहबाम पौयदा हौआ, रहबाम शै अबिय्याह पौयदा हौआ, औरौ अबिय्याह शै आसा पौयदा हौआ। आसा शै यहोशाफात पौयदा हौआ, यहोशाफात शै योराम पौयदा हौआ, औरौ योराम शै उज्जियाह पौयदा हौआ। उज्जियाह शै योताम पौयदा हौआ, योताम शै आहाज पौयदा हौआ, औरौ आहाज शै हिजकिय्याह पौयदा हौआ। हिजकिय्याह शै मनश्शे पौयदा हौआ, मनश्शे शै आमोन पौयदा हौआ, आमोन शै योशिय्याह पौयदा हौआ। योशिय्याह, यकुन्याह औरौ तैसकै भाईयों का दादा थिया औरौ इस्राएलियों कै बन्दी बाणैयो बाबेल देश दै लौए जाणौ दै आगै पौयदा हौवे।
बन्दी हौयौ बाबेल देश पोऊंचाए जाणौ कै बाद यीशु तौड़ी की पीढ़ी ऐजी औसौ, यकुन्याह शै शालतिएल पौयदा हौआ औरौ शालतिएल शै जरुब्बाबिल पौयदा हौआ। जरुब्बाबिल शै अबीहूद पौयदा हौआ, अबीहूद शै एलयाकीम पौयदा हौआ, औरौ एलयाकीम शै अजोर पौयदा हौआ। अजोर शै सदोक पौयदा हौआ, सदोक शै अखीम पौयदा हौआ, औरौ अखीम शै एलीहूद पौयदा हौआ। एलीहूद शै इलियाजार पौयदा हौआ, इलियाजार शै मतान पौयदा हौआ औरौ मतान शै याकूब पौयदा हौआ। याकूब शै यूसुफ पौयदा हौआ, जू मरियम का घोरवाल़ा थिया, औरौ मरियम शै यीशु पौयदा हौआ, जैसीखै मसीहा बै बौल़ौए।
ऐशैखैई अब्राहम शै राजा दाऊद तौड़ी चोऊदो पीढ़ी होई, औरौ दाऊद कै सौमय शै इस्राएल देश कै लोगौ खै बोन्दी हौयौ बाबेल देश पोऊंचाए जाणौ तौड़ी चोऊदो पीढ़ी होई। औरौ बोन्दी हौयौ बेबीलोन देश पोऊंचाए जाणौ कै सौमय दी लोयो यीशु मसीह कै जन्म तौड़ी चोऊदो पीढ़ी होई।


यीशु मसीह का जन्म ऐशैखै हौआ, जौल़ौ तैसकै माँ मरियम कै सोगाए यूसुफ कै साथै हौए गौए, तिनकै बियाव हौणौ दै औगौड़ियौ तियांरै पवित्र आत्मा कै शौकतै शै होल़किणु हौं, जोबै कै सै इबी कुंवारी थी। तोबै तियांरा हौणौवाल़ा घोरवाल़ा यूसुफ जू आछा आदमी थिया औरौ तियौंखै बदनाम कौरणै ना चांव थिया, औरौ तैणै तियौंखै चुपी छौड़णौ का विचार कौरा। (तियौंखै बियाव हौणौ दौ औगौड़ियौ होल़किणु हौए गौ थियु, जू मूसा कै कानून कै खिलाफ थियु) जोबै तैणै इनु बातौ खै सोंचै लोई थी तोबै स्‍वर्गदूत तैसकै सुईणै दा दैखिया औरौ बौलदा लागा, “ओए रै यूसुफ! दाऊद राजा कै वंश, तू आपणी हौणौवाल़ी घोरवाल़ी मरियम खै आपणै घोरे लाणौ खै डौरेया नै, जिथु जू तियांरै कोख दा औसौ, सै पवित्र आत्मा कै शौकतै शै औसौ। सै ऐक बैटा पौयदा कौरली, औरौ तू तैसकौ नांव यीशु राखैया, जिथु सै आपणै लोगौ कै तिनकै पापौ शै बौचांदा।”
ऐजौ सौबै इथकारिए हौ कै पौरमेशवर कै बातौ बौताणौवाल़ै यशायाह कै दवारा जू वचन प्रभुए बौल़ै राए थिया, सैजौ सौबै पूरु हौंव। याशायाहै ऐशै लैखै राए,
“दैखैया, ऐकी कुंवारी कै होल़किणु हौल़ौ औरौ सै ऐकी बैटै खै जन्म दैलै, औरौ तैसकौ नांव इम्मानुएल राखैया,” जिथका मतलब औसौ पौरमेशवर अमारै साथै औसौ।
तोबै यूसुफ कै नींद खोले औरौ सै ऊबा बिज़ा औरौ स्‍वर्गदूत कै आज्ञा कि हिसाब शै मरियम आरी बियाव कौरेयौ तियौं आपणै घोरे लाए। औरौ जांव तौड़ी तियैं बैटै खै जन्म ना दी तांव तौड़ी यूसुफ मरियम आरी ना सुती, औरौ तैणै तैसकौ नांव यीशु राखौ।

Ouça मत्ती 1