Tharu, Dangaura: Dangaura Tharu (New Testament)

Dangaura Tharu

येशू कह्‍टीगैल, “औरजहन दोष जिन लगाओ, त टुँहन फे दोष नैलगाजाई। काकरकि टुह्र जसहेँक औरजहन दोषी ठह्रैबो, ओसहेँक टुह्र फे दोषी ठह्राजैबो। जौन नापले औरजहन नप्‍बो, उह नाप टुँहन फे लागू हुई।
“आनक आँखिमक किर्किट देखुइया आपन आँखिमक ठेङ्‌ग्रा काजे नैदेख्‍टो? आपन आँखिमक ठेङ्‌ग्रा नैदेखुइया, आपन भैयह ‘खै-खै, मै टुँहार आँखिमक किर्किट झिँकदिउँ’ कैक कसिक कहसेक्‍ठो? टुह्र कपटी मनै, पैल्‍ह आपन आँखिमक ठेङ्‌ग्रा झिँको, तब आपन भैयक आँखिमक किर्किट झिँकबेर छर्लङ्‌ग देख्‍बो।
“पवित्र चिज कुक्‍कुरिन जिन देओ, यदि देबो कलसे उल्‍ट टुँहन खप्‍कहीँ, ओ हिरामोती सुरिन्‍हक आघ जिन फाँको, यदि फँक्‍बो कलसे ग्‍वारले डाब्‍क काच्‍याकुची पारदेहीँ।


“मङ्‍टीरहो त पैबो, खोज्‍टीरहो त भेटैबो, ढकढकैटीरहो त टुन्‍हक लाग ड्वार उभकजाई। काकरकि मङ्‌गुइयन पैठ, खोजुइयन भेटैठ, ओ ढकढकुइयन्‍हक लाग ड्‍वार उभकजैठा।
“टुह्रमध्येम कौन मनैया हुई, ज्याकर छावा रोटी मङ्‍लसे पत्‍थ्रा दे? या मच्‍छी मङ्‍लसे सँप्‍वा दे? टुह्र दुष्‍ट होक फे आपन छाई-छावन असल चिज देह जन्ठो कलसे, स्‍वर्गम रना टुन्‍हक बाबा झन् उहाँसे मङ्‌गुइयन कत्रा धेर असल चिज देह्‍हीँ। और मनै टुँहन जसिन व्‍यवहार करल चहठो, टुह्र फे औरजहन ओस्‍तहँ व्‍यवहार करो। व्‍यवस्‍था ओ अगमवक्तन्‍हक शिक्षा यिह जो हो।”


साँक्‍कीर ड्‍वारीओर्से भित्तर पैँठो, काकरकि विनाशम पुगैना ड्‍वार चाक्‍कीर ओ सजिलो रठा, ओ ओसिन ड्‍वारीओर्से पैँठुइयन धेर रठ। काकरकि जीवनम पुगैना ड्‍वार साँक्‍कीर रठा ओ डगर अप्‍ठ्‌यारो रठा, असिन डगर भेटुइयन डान्‍चे केल रठ।


झूटा अगमवक्तनसे होसियार रहो। हुँक्र भेँरीन्‍हक भेष लेक अइठ, तर भित्तरजुन डरलग्‍टिक ब्‍वाँसाअस रठ। टुह्र हुँकन्‍हक फराइल फारले हुँकन चिह्‍न्‍बो। का काँटक ब्‍वाँटिम अङ्‌गूर या सिउँह्रीक ब्‍वाँटिम अञ्‍जीर फर्ठा? असल रूख्‍वम असल फारा फर्ठा, खराब रूख्‍वम खराब फारा फर्ठा। असल रूख्‍वा खराब फारा फराइ नैस्‍याकट, ना त खराब रूख्‍वा असल फारा फराइसेक्‍ठा। असल फारा नैफरैना हरेक रूख्‍वा काट्‌क आगीम फाँक्‍जउइया बा। असिक टुह्र हुँकन्‍हक फराइल फारले झूटा अगमवक्तन चिह्‍न्‍बो।
“महीह ‘प्रभु, प्रभु’ कहुइया सबजन स्‍वर्गक राज्‍यम पैँठ नैपउइयाहुइट। स्‍वर्गम रना म्‍वार परमेश्‍वर बाबक इच्‍छा अनुसार काम करुइयन केल पैँठ पउइयाबाट। उ दिन धेर जन महीह कहहीँ, ‘प्रभु, प्रभु का हम्र अप्‍नक नाउँम अगमवाणी नैबोल्‍ली? का अप्‍नक नाउँ लेक भूतन नैनिकर्ली? का अप्‍नक नाउँम अचम्‍म-अचम्‍मक काम नैकर्ली?’ उ ब्‍याला मै हुँकन कहम, ‘ऐ दुष्‍ट काम करुइयन, मै टुँहन चिह्‍न्‍ल नैहुइटुँ। यिहाँसे जाओ!’”

“जे म्‍वार वचन सुन्‍क पालन कर्ठा, ऊ एकठो बुद्धिमान मनैयाअस हो। ऊ पत्‍थ्रक बल्‍गर जग डार्क घर बनाइल। तब हुरी चलल्, झरी करल, बाहार आइल ओ उ घरह धक्‍का लगाइल, तर पत्‍थ्रक बल्गर जग रलकओर्से उ घर नैढलल्। म्‍वार वचन सुन्‍क फे पालन नैकरुइया एकठो मूर्ख मनैयाअस हो। ऊ बालुरम घर बनाइल। तब हुरी चलल्, झरी करल, बाहार आइल ओ उ घरह धक्‍का लगाइल, तब उ घर ढल्‍क भट्‍याङभुटुङ होगैल्।”
येशू आपन चेलन असिक शिक्षा देहट्‍ सुन्‍क भीडक मनै छक्‍क पर्ल। काकरकि उहाँ शास्‍त्रीन्‍हकअस नाहीँ, तर पूरा अधिकारसे सिखाइट्‍।

Ouça मत्ती 7