Ekegusii - 1990 KENBS (NT) Drama

<div class="version vid2771 iso6393guz" data-vid="2771" data-iso6393="guz">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">Omonto ekeoru ase ritibo ria Betiseda</div><div class="p"> 1Nyuma ase aya ndiarenge Rituko Rinene ri&#8217;Abayahudi; Yeso agatiira kogenda Yerusalemu.</div><div class="p"> 2Naende aaria Yerusalemu ase Egeita gie Ching&#8217;ondi ndiarengeo ritibo rikorokwa ase Ekeibirania Betiseda, na rirorio ndiabwate ebisoero bitano. 3Ime ase ebio mbarenge abanto abange abarwaire baare korara, emeuko, ebirema, na amagata, [baganyete amache aturubanigwe. 4Naki ekero gete omomalaika ngoika arenge asoa ase ritibo riria, oturubania amache. Nabo ere oyorenge gosoa ritang&#8217;ani nyuma ase amache gaturubanigwe, nigo arenge kogwena oborwaire bonde bwonsi obwamonyorete.] 5Narenge aroro omonto gete oyorenge noborwaire bw&#8217;emiaka emerongo etato, na etano na etato. 6Yeso agachia komorora oraire, konya omanyire ng&#8217;a obeire engencho eye amatuko amange, akamoboria, &#8220;Norigetie koba omogima?&#8221; 7Omorwaire oria akamoiraneria, &#8220;Omonene, tindi nomonto okombeka ase ritibo, ekero amache agoturubanigwa; korende ekero ngochicha inche, omonto onde asoa ritang&#8217;ani asende.&#8221;</div><div class="p"> 8Yeso akamotebia, &#8220;Tenena, etweke egesero kiao, ogende.&#8221;</div><div class="p"> 9Erio kegima omonto oria akaba omogima, agetweka egesero kiaye, akagenda.</div><div class="p">Nabo yarenge Esabato rituko riria. 10Abayahudi bagatebia omonto oria ogwenetigwe, &#8220;Rero n&#8217;Esabato, tari boronge asore gwetweka egesero kiao.&#8221;</div><div class="p"> 11Akabairaneria, &#8220;Ere oyonkora koba omogima nere ontebia: Etweke egesero kiao, ogende.&#8221;</div><div class="p"> 12Bakamoboria, &#8220;Oria ogotebia: Etweke egesero kiao ogende, nere ng&#8217;o?&#8221;</div><div class="p"> 13Korende oria ogwenetigwe tamomanyete gose ning&#8217;o. Yeso nigo erusananetie, ekiagera abanto abange barenge aase aria. 14Nyuma ase aya Yeso akamonyora ore Hekalu ime, akamotebia. &#8220;Rora, kwabeire omogima; tokora ebibe naende, ring&#8217;ana rire riibe kobua tiricha gokonyora.&#8221;</div><div class="p"> 15Omonto oria akagenda, agatebia Abayahudi amang&#8217;ana, ng&#8217;a Yeso nere omokorete koba omogima. 16Ase ayio Abayahudi bagachaka gochanda Yeso, bakarigia komoita, ekiagera akora aya ase rituko ri&#8217;Esabato. 17Yeso akabairaneria, &#8220;Tata ngokora are emeremo nonya ngoika bono, na inche ngokora nde emeremo.&#8221;</div><div class="p"> 18Nabo ekiagera ase aya Abayahudi bakamenta korigia komoita, ekiagera tasaretie Esabato yoka, korende amo naya narogete Nyasae ng&#8217;a n&#8217;Ise, ogwekora koreng&#8217;ana buna Nyasae.</div><div class="s1">Buna Ise agokora na Omwana naboigo agokora</div><div class="p"> 19Yeso akabatebia, &#8220;Ekeene, ekeene, nabatebirie: Omwana takonyara gokora ring&#8217;ana ere bweka, otatiga riria aroche Ise agokora; naki onsi aya agokora ere, ayio naro n&#8217;Omwana agokora. 20Tata nigo amwanchete Omwana, na komworokia onsi ayagokora omonyene; na emeremo emenene kobua eye iga namworokie, erinde inwe monyare gokumia. 21Na buna Tata akobokia ebitondo obia obogima, naboigo n&#8217;Omwana akobaa obogima aba arigetie. 22Naki Tata tari kogambia monto onde bwensi, korende oeire Omwana obogambi bwonsi, 23erinde bonsi basike Omwana buna basigete Tata. Oyotasigeti Omwana tasigeti Tata oyo omotomete. 24Ekeene, ekeene, nabatebirie: Oyokoigwa ring&#8217;ana riane, na komwegena ere oyontomete nare nobogima bwa kare na kare, gose tagoika ase ekina, korende oetire korwa ase amakweri, oikire ase obogima.</div><div class="p"> 25&#8220;Ekeene, ekeene, nabatebirie: Ensa ngocha ere, na bono nereo, ebitondo biraigwe eriogi ri&#8217;Omwana o Nyasae, na baria barariigwe nababe moyo. 26Naki buna Tata are nobogima ime yaye omonyene; naboigo oeire na Omwana koba nobogima ime yaye omonyene. 27Omoeire okobua kw&#8217;ogokora ekina, ekiagera ere n&#8217;Omwana&#8208;o&#8208;mwanyabanto. 28Timokumia ase aya! Naki ensa ngocha ere, ekero abanto bonsi bare ase chimbeera ime baraigwe eriogi riaye, 29na barabwo nabasoke, baria abaare gokora amaya ase okobokigwa kw&#8217;obogima, na baria abaare gokora amabe ase okobokigwa gw&#8217;ekina.</div><div class="s1">Oborori igoro ya Yeso</div><div class="p"> 30&#8220;Inche omonyene tinkonyara gokora kende gionsi. Buna nkoigwa nabo nkogamba, na ekina kiane nigo kere boronge, ekiagera tindi korigia ogwancha kwane, korende nogwancha gwa Tata oyontomete. 31Inche kondeorokie omonyene, oborori bwane tibori obw&#8217;ekeene. 32Nare oyonde oyokombera kirori; na inche namanyire ng&#8217;a oborori bwaye agonteba nobw&#8217;ekeene. 33Inwe mwatomete abanto ase Yohana, na oborori bwaye nobw&#8217;ekeene. 34Korende inche tindi konyora oborori korwa ase abanto; korende nigo ngokwana aya, erinde inwe motooreke. 35Ere nigo arenge etaya egwoka na komoreka, na inwe mwanchire gosasokera omobaso oye ase ekero egeke. 36Korende oborori inde nabwo nobonene kobua boria bwa Yohana, naki emeremo eria naetwe na Tata inyekoore. Emeremo eyio ngokora, yambereire kirori, ng&#8217;a Tata nere ontomete. 37Nere Tata oyontomete obeire kirori asende. Eriogi riaye timwana koriigwa kero kende gionsi, gose ekieni kiaye timwana gokerora 38naende ring&#8217;ana riaye timori narirorio ime yaino, ekiagera timomwegeneti ere oyotomirwe nere. 39Igo mokorigarigia mono amariko, ekiagera mokagete ng&#8217;a nigo more nobogima bwa kare na kare ime y&#8217;aro; na ayio naro are kirori asende, 40ko mwangire gocha asende monyare koba nobogima. 41Tindi konyora obonene korwa ase abanto. 42Korende nabamanyire inwe ng&#8217;a timori nobwanchani bwa Nyasae ime yaino. 43Inche nachire ase erieta ria Tata one, na inwe timori konyancha; oyonde karache ase erieta riaye omonyene, oyio namomwanche. 44Naki moranyare kwegena, inwe abamokoenana obonene inwe ase inwe, na obonene boria bokorwa ase Nyasae ore bweka, timori koborigia? 45Timokaga ng&#8217;a inche nimbasoere ase Tata; nare oyo okobasoera, nere Musa, oyomosemeretie inwe. 46Naki onye mwamwegenete Musa anga mwanyegena nainche, ekiagera nere origete amang&#8217;ana igoro yane. 47Korende onye timwegeneti amariko aye, naki moregene amang&#8217;ana aane?&#8221;</div>
 </div>
 </div>
</div>

OLD EKEGUSII BIBLE PROTESTANT EDITION ©Bible Society of Kenya, 2020

Nyuma ase aya ndiarenge Rituko Rinene ri’Abayahudi; Yeso agatiira kogenda Yerusalemu.
Naende aaria Yerusalemu ase Egeita gie Ching’ondi ndiarengeo ritibo rikorokwa ase Ekeibirania Betiseda, na rirorio ndiabwate ebisoero bitano. Ime ase ebio mbarenge abanto abange abarwaire baare korara, emeuko, ebirema, na amagata, [baganyete amache aturubanigwe. Naki ekero gete omomalaika ngoika arenge asoa ase ritibo riria, oturubania amache. Nabo ere oyorenge gosoa ritang’ani nyuma ase amache gaturubanigwe, nigo arenge kogwena oborwaire bonde bwonsi obwamonyorete.] Narenge aroro omonto gete oyorenge noborwaire bw’emiaka emerongo etato, na etano na etato. Yeso agachia komorora oraire, konya omanyire ng’a obeire engencho eye amatuko amange, akamoboria, “Norigetie koba omogima?” Omorwaire oria akamoiraneria, “Omonene, tindi nomonto okombeka ase ritibo, ekero amache agoturubanigwa; korende ekero ngochicha inche, omonto onde asoa ritang’ani asende.”
Yeso akamotebia, “Tenena, etweke egesero kiao, ogende.”
Erio kegima omonto oria akaba omogima, agetweka egesero kiaye, akagenda.
Nabo yarenge Esabato rituko riria. Abayahudi bagatebia omonto oria ogwenetigwe, “Rero n’Esabato, tari boronge asore gwetweka egesero kiao.”
Akabairaneria, “Ere oyonkora koba omogima nere ontebia: Etweke egesero kiao, ogende.”
Bakamoboria, “Oria ogotebia: Etweke egesero kiao ogende, nere ng’o?”
Korende oria ogwenetigwe tamomanyete gose ning’o. Yeso nigo erusananetie, ekiagera abanto abange barenge aase aria. Nyuma ase aya Yeso akamonyora ore Hekalu ime, akamotebia. “Rora, kwabeire omogima; tokora ebibe naende, ring’ana rire riibe kobua tiricha gokonyora.”
Omonto oria akagenda, agatebia Abayahudi amang’ana, ng’a Yeso nere omokorete koba omogima. Ase ayio Abayahudi bagachaka gochanda Yeso, bakarigia komoita, ekiagera akora aya ase rituko ri’Esabato. Yeso akabairaneria, “Tata ngokora are emeremo nonya ngoika bono, na inche ngokora nde emeremo.”
Nabo ekiagera ase aya Abayahudi bakamenta korigia komoita, ekiagera tasaretie Esabato yoka, korende amo naya narogete Nyasae ng’a n’Ise, ogwekora koreng’ana buna Nyasae.

Yeso akabatebia, “Ekeene, ekeene, nabatebirie: Omwana takonyara gokora ring’ana ere bweka, otatiga riria aroche Ise agokora; naki onsi aya agokora ere, ayio naro n’Omwana agokora. Tata nigo amwanchete Omwana, na komworokia onsi ayagokora omonyene; na emeremo emenene kobua eye iga namworokie, erinde inwe monyare gokumia. Na buna Tata akobokia ebitondo obia obogima, naboigo n’Omwana akobaa obogima aba arigetie. Naki Tata tari kogambia monto onde bwensi, korende oeire Omwana obogambi bwonsi, erinde bonsi basike Omwana buna basigete Tata. Oyotasigeti Omwana tasigeti Tata oyo omotomete. Ekeene, ekeene, nabatebirie: Oyokoigwa ring’ana riane, na komwegena ere oyontomete nare nobogima bwa kare na kare, gose tagoika ase ekina, korende oetire korwa ase amakweri, oikire ase obogima.
“Ekeene, ekeene, nabatebirie: Ensa ngocha ere, na bono nereo, ebitondo biraigwe eriogi ri’Omwana o Nyasae, na baria barariigwe nababe moyo. Naki buna Tata are nobogima ime yaye omonyene; naboigo oeire na Omwana koba nobogima ime yaye omonyene. Omoeire okobua kw’ogokora ekina, ekiagera ere n’Omwana‐o‐mwanyabanto. Timokumia ase aya! Naki ensa ngocha ere, ekero abanto bonsi bare ase chimbeera ime baraigwe eriogi riaye, na barabwo nabasoke, baria abaare gokora amaya ase okobokigwa kw’obogima, na baria abaare gokora amabe ase okobokigwa gw’ekina.

“Inche omonyene tinkonyara gokora kende gionsi. Buna nkoigwa nabo nkogamba, na ekina kiane nigo kere boronge, ekiagera tindi korigia ogwancha kwane, korende nogwancha gwa Tata oyontomete. Inche kondeorokie omonyene, oborori bwane tibori obw’ekeene. Nare oyonde oyokombera kirori; na inche namanyire ng’a oborori bwaye agonteba nobw’ekeene. Inwe mwatomete abanto ase Yohana, na oborori bwaye nobw’ekeene. Korende inche tindi konyora oborori korwa ase abanto; korende nigo ngokwana aya, erinde inwe motooreke. Ere nigo arenge etaya egwoka na komoreka, na inwe mwanchire gosasokera omobaso oye ase ekero egeke. Korende oborori inde nabwo nobonene kobua boria bwa Yohana, naki emeremo eria naetwe na Tata inyekoore. Emeremo eyio ngokora, yambereire kirori, ng’a Tata nere ontomete. Nere Tata oyontomete obeire kirori asende. Eriogi riaye timwana koriigwa kero kende gionsi, gose ekieni kiaye timwana gokerora naende ring’ana riaye timori narirorio ime yaino, ekiagera timomwegeneti ere oyotomirwe nere. Igo mokorigarigia mono amariko, ekiagera mokagete ng’a nigo more nobogima bwa kare na kare ime y’aro; na ayio naro are kirori asende, ko mwangire gocha asende monyare koba nobogima. Tindi konyora obonene korwa ase abanto. Korende nabamanyire inwe ng’a timori nobwanchani bwa Nyasae ime yaino. Inche nachire ase erieta ria Tata one, na inwe timori konyancha; oyonde karache ase erieta riaye omonyene, oyio namomwanche. Naki moranyare kwegena, inwe abamokoenana obonene inwe ase inwe, na obonene boria bokorwa ase Nyasae ore bweka, timori koborigia? Timokaga ng’a inche nimbasoere ase Tata; nare oyo okobasoera, nere Musa, oyomosemeretie inwe. Naki onye mwamwegenete Musa anga mwanyegena nainche, ekiagera nere origete amang’ana igoro yane. Korende onye timwegeneti amariko aye, naki moregene amang’ana aane?”

Ouça YOHANA 5