©Wycliffe Bible Translators, Inc. and © The Nigeria Bible Translation Trust 2018 ℗ 2022 Hosanna

Nya Huba

<div class="version vid2723 iso6393hbb" data-vid="2723" data-iso6393="hbb">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="s">Mala nda Nja S&#601;ya t&#601; Vir M&#601;r Kasalikur</div><div class="p"> 1Ahir nga Yesu t&#601; t&#601;ra gyat&#601; D&#601;g&#601;l Zaitun. 2Ts&#601;&#599;ak&#601; mbudla, cha s&#601;ya ga gwa s&#601;k&#601;u ku Mbwa'al&#601; Hyel. Nji &#599;ang t&#601; ts&#601;mt&#601;dza, ng&#601; cha gh&#601;ya dl&#601;dl&#601;&#595;&#601; n&#601; nda. 3Ka mal&#601;m gadlagadla ana ka njir Farisi t&#601; shili na vanya malak&#601; nda s&#601;ya kwa m&#601;r kasalikur. Ng&#601; nda ta'ind&#601; nyi aman nda, 4ga nar nyi n&#601; Yesu, &#8220;Mal&#601;m, mala na, nja s&#601;ya nyi cho m&#601;r kasalikur takwa&#599;&#601;u. 5Aku gadlagadla k&#601;ea, Musa t&#601; na, &#8216;Tuku chul ng&#601; na mala nja v&#601;vak&#601;nda nyi na hangu cha tah,&#8217; mi ka na n&#601; ngha?&#8221; 6Nda p&#601; &#601;nga ga nda ng&#601;ya nyi l&#601;bam, aka ga nda uya nyi na bik&#601;u.</div><div class="p">K&#601;l ja, Yesu t&#601; uzhi cho ts&#601;fa na kwalyanghar cha cha a hu'i. 7Nda nda uft&#601;nyi na jawa, ng&#601; cha hya'at&#601; ga nar nda, &#8220;Nd&#601; nda z&#601;nd&#601; a bik&#601; da tsa cha wa, cha &#599;a ka tang&#601;rmar nd&#601; nda kwa gh&#601;ya vak&#601; nyi na hangu.&#8221; 8Ng&#601; cha uzhi s&#601;k&#601;u cho ts&#601;fa a hu'i.</div><div class="p"> 9Ma nda nda ngat&#601; &#601;nga, ng&#601; nda t&#601;ra, k&#601;r zhang k&#601;r zhang, gh&#601;ya t&#601; d&#601;gal k&#601;nda ga ngyar k&#601;l Yesu ana mala nda ta'iu. 10Ng&#601; Yesu t&#601; hya'at&#601; ga jau nyi, &#8220;Malaka, aman nda? A nd&#601; da t&#601; nau tlanda ngh&#601; n&#601;uma ma?&#8221;</div><div class="p"> 11Ng&#601; cha na, &#8220;Tlak&#601;u, a nd&#601; da wa.&#8221;</div><div class="p">Ng&#601; Yesu t&#601; nar nyi, &#8220;Naya ts&#601;'u a da ya tlanda ngh&#601; n&#601;uma wa, ma'i tangh&#601; ja, ngwa ka ts&#601;u tsak&#601;t&#601; m&#601;r s&#601;p&#601;la'a wa.&#8221;</div><div class="s">Yesu ng&#601; Vicham&#601;r Dun&#601;ya</div><div class="p"> 12Yesu t&#601; tsak&#601;t&#601; nd&#601;r n&#601; nda s&#601;k&#601;u, &#8220;Naya ng&#601; vicham&#601;r dun&#601;ya, ma nd&#601; nda t&#601; n&#601;u &#599;a, a da cho ma'i ku kutl&#601; wa, k&#601;l nda cho uya vicham nda kwa chabiyanyi lakur pi.&#8221;</div><div class="p"> 13Ng&#601; njir Farisi t&#601; nar nyi, &#8220;Sakan&#601; ja an&#601; ko p&#601; s&#601; t&#601;k&#601;ra k&#601;rngha, ya s&#601; n&#601; ko p&#601; na, jiri da kwa wa.&#8221;</div><div class="p"> 14Ng&#601; Yesu t&#601; wum ga nar nda, &#8220;Mada mafak&#601;r k&#601;r&#599;a n&#601; ya kwa d&#601;ka, jiri kwa, aka &#595;wanya &#599;a tsa'atsa'a tanyi, a z&#601;nd&#601;t&#601; ya mbwa nda ya hya'at&#601; ti, ana mbwa nda yo ya ti. K&#601;l ja, nahi a da hya z&#601;nd&#601; mbwa nda ya hya'at&#601; ti, ana mbwa nda yo ya t&#601; wa. 15Nahi, hya kwa m&#601;r n&#601;uma chul n&#601; nd&#601;kurnd&#601;u, k&#601;l nda naya a yo m&#601;r n&#601;uma n&#601; madawa wa. 16Mada yo m&#601;r n&#601;uma &#599;a, tsa'atsa'a yo m&#601;ra, aka a da ya zhang taa &#599;a wa, k&#601;l ja, tsa ea na Ada nda s&#601; &#599;a. 17Ts&#601;f&#601;ts&#601;f&#601; nyi cha ku gadlagadla k&#601;hi, &#601;nda ma &#595;wanya t&#601; biya ku nya nji m&#601;tl&#601;u, &#599;at&#601; jiri. 18Naya ng&#601; tang&#601;rmar nd&#601; nda &#595;wanya t&#601;k&#601;ra k&#601;r&#599;a, Ada nda s&#601; &#599;a ng&#601; m&#601;tl&#601;kunyi.&#8221;</div><div class="p"> 19Ng&#601; nda jau nyi, &#8220;Aman Ada ngha?&#8221; Ng&#601; Yesu t&#601; nar nda, &#8220;A hyo z&#601;nd&#601; &#599;a wa, ya a da hyo z&#601;nd&#601; Ada &#599;a wa, macha kwa z&#601;nd&#601; &#599;a hi, hyo kina z&#601;nd&#601; Ada &#599;a ts&#601;u.&#8221; 20Cha par nda &#595;wanya inga sakanda cha kwa dl&#601;dl&#601;&#595;&#601; l&#601;h&#601; dz&#601;r mbwar m&#601;&#599;&#601;wa Mbwa'al&#601; Hyel. Ya d&#601;h&#601; ka &#601;nga a nd&#601; da s&#601;ya nyi wa, aka b&#601;ji nyi da taa &#599;a gwadag&#601; wa.</div><div class="p"> 21Yesu t&#601; nar nda s&#601;k&#601;u, &#8220;Yo t&#601;ra, hyo gwa'a &#599;a. Hyo t&#601; ku s&#601;p&#601;la'a k&#601;hi. Vi nda yo ya ti, a da hyo nau yi nda wa.&#8221;</div><div class="p"> 22S&#601; ng&#601; cha na nga, t&#601; gwa'at&#601; njirawawa'ar Yahuda t&#601; na, &#8220;Man&#601; cho na, &#8216;Mbwa nda yo ya t&#601; a da hyo nau yi nda wa?&#8217; Aa cho ts&#601;ya k&#601;rnyi ya?&#8221; 23Ng&#601; Yesu t&#601; nar nda, &#8220;Kya hu'i hi, naya s&#601;ya ki ya. Na hi, n&#601; dun&#601;ya hi, k&#601;l ja, naya a da ya n&#601; dun&#601;ya wa. 24Nacha gwa'at&#601; ya nar hi, hya kwa ku&#599;&#601; ku s&#601;p&#601;la'a k&#601;hi, ma cha a hya na'a jiri &#601;nda naya ng&#601; nacha wa, hyo ku&#599;&#601; ku s&#601;p&#601;la'a k&#601;hi.&#8221;</div><div class="p"> 25Ng&#601; nda jau nyi, &#8220;Nak&#601; wa ka?&#8221;</div><div class="p">Ng&#601; Yesu t&#601; wum ga na, &#8220;Naya ng&#601; nacha nda ya d&#601;kar hi tang&#601;rma nda. 26S&#601; da &#599;ang yo nau d&#601;k&#601; t&#601;k&#601;ra hi, ya s&#601; &#599;ang yo nau tlanda hi n&#601;uma t&#601;k&#601;ri, k&#601;l ja, a da yo m&#601;r wa, aka nd&#601; nda t&#601; s&#601; &#599;a nd&#601;r jiri cha, k&#601;l s&#601;nda ngat&#601; ya tsa cha nacha yo d&#601;k&#601; n&#601; dun&#601;ya.&#8221;</div><div class="p"> 27D&#601;h&#601; ka &#601;nga a da nda ngabiya &#601;nda t&#601;k&#601;ra Ada ng&#601; Yesu kwa &#595;wanya n&#601; nda wa. 28Ng&#601; Yesu t&#601; nar nda, &#8220;Ma b&#601;ji nda hya da kukwanda Z&#601;r Nd&#601; t&#601; tam&#601;ng&#601;la, hyo z&#601;nd&#601; &#601;nda naya ng&#601; nacha, hyo z&#601;nd&#601; ts&#601;u &#601;nda a da yo m&#601;r madami t&#601;k&#601;r&#599;a wa, k&#601;l nda s&#601;nda Ada t&#601; dl&#601;dl&#601;&#595;&#601;t&#601; &#599;a nacha yo m&#601;ra. 29Nd&#601; nda t&#601; s&#601; &#599;a tsa'a cha naya, a da cha ngya &#599;a zhangta &#599;a wa, aka mada sakamani yo m&#601;r s&#601;nda cho i.&#8221; 30Ahir nda Yesu t&#601; d&#601;k&#601; &#595;wanya inga, nji &#599;ang t&#601; n&#601;nyi jiri.</div><div class="s">Jirikur kwa P&#601;liya Hi</div><div class="p"> 31Yesu t&#601; nar nyi n&#601; njir Yahuda inda t&#601; n&#601;nyi jiri nda, ma hya n&#601;nyi jiri n&#601; &#595;wanya &#599;a, v&#601;lv&#601;l shawa &#599;a hi. 32Hyo z&#601;nd&#601; jiri, jiri ts&#601;u kwa p&#601;liya hi. 33Ng&#601; nda wum n&#601; nyi, &#8220;Na ea nyand&#601;la Ibrahim ea, a da ea ta m&#601;rt&#601; nyi mavakur n&#601; madawa wa. Man&#601; ko na, njo da p&#601;l ea?&#8221;</div><div class="p"> 34Ng&#601; Yesu t&#601; wum n&#601; nda, &#8220;V&#601;lv&#601;l yo nar hi, madawa kwa m&#601;r s&#601;p&#601;la'a, mava s&#601;p&#601;la'a cha. 35Aka mava a da kwa nau &#599;aka tlak&#601; nyi wa, k&#601;l nda z&#601;r nd&#601; nda n&#601;nyi, z&#601;r ki nda cha wa'atanyi. 36Aka ma Z&#601;r t&#601; p&#601;liya hi, hyo ngya t&#601; but&#601;r k&#601;rn&#601;hi. 37A z&#601;nd&#601;t&#601; ya nahi nyand&#601;la Ibrahim hi, k&#601;l ja, jan hyo gwa'a &#599;a ka tsa, aka &#595;wanya &#599;a da gwa ku &#599;ufwa hi wa. 38Yo d&#601;kar hi s&#601;nda la'a ya tsa Ada &#599;a, na hi ts&#601;'u hyo m&#601;r s&#601;nda ngat&#601; hi tsa adan hi.&#8221;</div><div class="s">S&#601;rtak&#601; ng&#601; Adan Hi</div><div class="p"> 39Ng&#601; nda nar nyi, &#8220;A adan ea Ibrahim ma.&#8221;</div><div class="p">Ng&#601; Yesu t&#601; nar nda, &#8220;A'a, a hi nguli Ibrahim wa, macha nguli Ibrahim hi, hyo nda m&#601;r s&#601;'inda Ibrahim t&#601; m&#601;ra. 40K&#601;l ja, jan hyo gwa'a &#599;a ka tsa, aka yo d&#601;kar hi jiri nda ya ngat&#601; tsa Hyel, ya a Ibrahim da m&#601;r &#601;ng&#601; wa. 41An&#601; hyo m&#601;r tl&#601;r nda adan hi t&#601; m&#601;ra.&#8221; Ng&#601; nda nar nyi, &#8220;A da nguli mazagwa ea wa, adan ea zhang tanyi na cha ng&#601; Hyel.&#8221; 42Ng&#601; Yesu t&#601; nar nda, &#8220;Macha Hyel Adan hi, kwa nda hya nyida &#599;a, aka kyada Hyel s&#601;ya ya, a naya t&#601; s&#601; k&#601;r&#599;a wa, nacha t&#601; s&#601; &#599;a. 43Mi s&#601;nda gwa'at&#601; a da hya ngabiya &#595;wanya &#599;a wa? Aka a da hyo s&#601;s&#601;'uti s&#601;ndz&#601; himi da &#595;wanya &#599;a wa. 44Aka &#601;ng&#601; ja, s&#601;rtak&#601; ng&#601; adan hi, jigad&#601;ma k&#601;hi, k&#601;l nda ga hya nyabiya chul tl&#601;r adan hi. Aka &#599;&#601;&#599;&#601;m, nd&#601;r tsa nd&#601; cha, a da cho i n&#601;u jiri wa, aka a jiri da tsa cha wa. D&#601;h&#601; b&#601;ji nda cho tla g&#601;zhi nyi ti, aka k&#601;rnyi cho tla, aka na cha nd&#601;r g&#601;zhi cha. T&#601;l g&#601;zhi cha ts&#601;u. 45Yo d&#601;k&#601; jiri, k&#601;l ja, a da hya na'a jiri wa. 46Wa n&#601; ku pama hi ta s&#601;ya &#599;a na bik&#601;a? Macha jiri yo d&#601;k&#601; ya, mya gwa'at&#601; a hya na'a jiri wa? 47Nd&#601; nda n&#601; Hyel, cho s&#601;himi da &#595;wanya Hyel. S&#601;nda gwa'at&#601; a da hyo s&#601;himi da ya wa, aka a da hi n&#601; Hyel wa.&#8221;</div><div class="s">T&#601;vi Ibrahim a da Ya</div><div class="p"> 48Njir Yahuda inda nar nyi, &#8220;Tsa'atsa'a tanyi ng&#601; ea na, nd&#601;r Samariya ka, ya m&#601;ll&#601;m ku k&#601;ra ka.&#8221; 49Ng&#601; Yesu t&#601; nar nda, &#8220;A m&#601;ll&#601;m da ku k&#601;ra ya wa. S&#601;lir Ada &#599;a ng&#601; yo h&#601;a, ya jan&#601; hyo h&#601;yat&#601; ya. 50Ada naya ng&#601; kwa gwa'a s&#601;li n&#601; k&#601;r&#599;a wa, pam nd&#601; nda kwa gwa'a s&#601;li na'a, ya nacha ng&#601; nd&#601;r n&#601;uma. 51V&#601;lv&#601;l yo nar hi, madawa t&#601; &#595;&#601;lat&#601; &#595;wanya &#599;a, a tlak&#601; nyi da kwa &#595;&#601; na t&#601; pa'a wa.&#8221;</div><div class="p"> 52K&#601;l njir Yahuda inda t&#601; nar nyi, &#8220;Sakan ja n&#601;nyi t&#601;ea jiri m&#601;ll&#601;m ku k&#601;ra ka. Ibrahim t&#601;ti, ka Njir m&#601;tak&#601;r, ya jan&#601; ko na, madawa t&#601; &#595;&#601;lat&#601; &#595;wanya &#599;a, a da cho &#595;&#601; na t&#601; pa'a wa.&#8221; 53A ndiya t&#601; k&#601; adan ea Ibrahim nd&#601;r m&#601;tak&#601;r ya? A t&#601;t&#601; cha, mal&#601;m wawa'a ku&#599;&#601;t&#601; ts&#601;u. Aman ko la'a k&#601;rngha? 54Ng&#601; Yesu t&#601; nar nda, &#8220;Macha yo h&#601;s&#601;lir k&#601;r&#599;a, cho &#599;a ka s&#601; &#595;wa'atanyi. Ada &#599;a ng&#601; kwa na'a s&#601;li. Ya nacha ng&#601; Hyel k&#601;hi. 55A da hyo z&#601;nd&#601; nyi wa, naya na'a, a z&#601;nd&#601; nyi t&#601;ya. Ma ya na a da yo z&#601;nd&#601; nyi wa, a ndiya hi t&#601;ya tla g&#601;zhi. K&#601;l ja, a z&#601;nd&#601; nyi t&#601;ya, ga &#595;&#601;lat&#601; &#595;wanya nyi ts&#601;u. 56Adan hi Ibrahim, t&#601; m&#601;r hirgya&#599;i wi s&#601; wa, ga cha la'a shili &#599;a. A la'at&#601; cha ga m&#601;r hirgya&#599;i.&#8221; 57Njir Yahuda nar nyi, &#8220;Naka, a da ka taa fa tufkumnyi wa, aman k&#601; taa la'a Ibrahima?&#8221; 58K&#601;l Yesu t&#601; nar nda, &#8220;V&#601;lv&#601;l yo nar hi, t&#601;vi nja ya Ibrahim, a da ya.&#8221; 59Nda ngat&#601; nda &#601;nga, k&#601;l nda fa'a hangu ka ga nda vak&#601;nda nyi ni. Ng&#601; Yesu t&#601; gwatanyi ku m&#601;kutla, ga biya tanyi ku Mbwa'al&#601; Hyel nda.</div>
 </div>
 </div>
</div>

Ahir nga Yesu tə təra gyatə Dəgəl Zaitun. Tsəɗakə mbudla, cha səya ga gwa səkəu ku Mbwa'alə Hyel. Nji ɗang tə tsəmtədza, ngə cha ghəya dlədləɓə nə nda. Ka maləm gadlagadla ana ka njir Farisi tə shili na vanya malakə nda səya kwa mər kasalikur. Ngə nda ta'ində nyi aman nda, ga nar nyi nə Yesu, “Maləm, mala na, nja səya nyi cho mər kasalikur takwaɗəu. Aku gadlagadla kəea, Musa tə na, ‘Tuku chul ngə na mala nja vəvakənda nyi na hangu cha tah,’ mi ka na nə ngha?” Nda pə ənga ga nda ngəya nyi ləbam, aka ga nda uya nyi na bikəu.
Kəl ja, Yesu tə uzhi cho tsəfa na kwalyanghar cha cha a hu'i. Nda nda uftənyi na jawa, ngə cha hya'atə ga nar nda, “Ndə nda zəndə a bikə da tsa cha wa, cha ɗa ka tangərmar ndə nda kwa ghəya vakə nyi na hangu.” Ngə cha uzhi səkəu cho tsəfa a hu'i.
Ma nda nda ngatə ənga, ngə nda təra, kər zhang kər zhang, ghəya tə dəgal kənda ga ngyar kəl Yesu ana mala nda ta'iu. Ngə Yesu tə hya'atə ga jau nyi, “Malaka, aman nda? A ndə da tə nau tlanda nghə nəuma ma?”
Ngə cha na, “Tlakəu, a ndə da wa.”
Ngə Yesu tə nar nyi, “Naya tsə'u a da ya tlanda nghə nəuma wa, ma'i tanghə ja, ngwa ka tsəu tsakətə mər səpəla'a wa.”

Yesu tə tsakətə ndər nə nda səkəu, “Naya ngə vichamər dunəya, ma ndə nda tə nəu ɗa, a da cho ma'i ku kutlə wa, kəl nda cho uya vicham nda kwa chabiyanyi lakur pi.”
Ngə njir Farisi tə nar nyi, “Sakanə ja anə ko pə sə təkəra kərngha, ya sə nə ko pə na, jiri da kwa wa.”
Ngə Yesu tə wum ga nar nda, “Mada mafakər kərɗa nə ya kwa dəka, jiri kwa, aka ɓwanya ɗa tsa'atsa'a tanyi, a zəndətə ya mbwa nda ya hya'atə ti, ana mbwa nda yo ya ti. Kəl ja, nahi a da hya zəndə mbwa nda ya hya'atə ti, ana mbwa nda yo ya tə wa. Nahi, hya kwa mər nəuma chul nə ndəkurndəu, kəl nda naya a yo mər nəuma nə madawa wa. Mada yo mər nəuma ɗa, tsa'atsa'a yo məra, aka a da ya zhang taa ɗa wa, kəl ja, tsa ea na Ada nda sə ɗa. Tsəfətsəfə nyi cha ku gadlagadla kəhi, ənda ma ɓwanya tə biya ku nya nji mətləu, ɗatə jiri. Naya ngə tangərmar ndə nda ɓwanya təkəra kərɗa, Ada nda sə ɗa ngə mətləkunyi.”
Ngə nda jau nyi, “Aman Ada ngha?” Ngə Yesu tə nar nda, “A hyo zəndə ɗa wa, ya a da hyo zəndə Ada ɗa wa, macha kwa zəndə ɗa hi, hyo kina zəndə Ada ɗa tsəu.” Cha par nda ɓwanya inga sakanda cha kwa dlədləɓə ləhə dzər mbwar məɗəwa Mbwa'alə Hyel. Ya dəhə ka ənga a ndə da səya nyi wa, aka bəji nyi da taa ɗa gwadagə wa.
Yesu tə nar nda səkəu, “Yo təra, hyo gwa'a ɗa. Hyo tə ku səpəla'a kəhi. Vi nda yo ya ti, a da hyo nau yi nda wa.”
Sə ngə cha na nga, tə gwa'atə njirawawa'ar Yahuda tə na, “Manə cho na, ‘Mbwa nda yo ya tə a da hyo nau yi nda wa?’ Aa cho tsəya kərnyi ya?” Ngə Yesu tə nar nda, “Kya hu'i hi, naya səya ki ya. Na hi, nə dunəya hi, kəl ja, naya a da ya nə dunəya wa. Nacha gwa'atə ya nar hi, hya kwa kuɗə ku səpəla'a kəhi, ma cha a hya na'a jiri ənda naya ngə nacha wa, hyo kuɗə ku səpəla'a kəhi.”
Ngə nda jau nyi, “Nakə wa ka?”
Ngə Yesu tə wum ga na, “Naya ngə nacha nda ya dəkar hi tangərma nda. Sə da ɗang yo nau dəkə təkəra hi, ya sə ɗang yo nau tlanda hi nəuma təkəri, kəl ja, a da yo mər wa, aka ndə nda tə sə ɗa ndər jiri cha, kəl sənda ngatə ya tsa cha nacha yo dəkə nə dunəya.”
Dəhə ka ənga a da nda ngabiya ənda təkəra Ada ngə Yesu kwa ɓwanya nə nda wa. Ngə Yesu tə nar nda, “Ma bəji nda hya da kukwanda Zər Ndə tə taməngəla, hyo zəndə ənda naya ngə nacha, hyo zəndə tsəu ənda a da yo mər madami təkərɗa wa, kəl nda sənda Ada tə dlədləɓətə ɗa nacha yo məra. Ndə nda tə sə ɗa tsa'a cha naya, a da cha ngya ɗa zhangta ɗa wa, aka mada sakamani yo mər sənda cho i.” Ahir nda Yesu tə dəkə ɓwanya inga, nji ɗang tə nənyi jiri.

Yesu tə nar nyi nə njir Yahuda inda tə nənyi jiri nda, ma hya nənyi jiri nə ɓwanya ɗa, vəlvəl shawa ɗa hi. Hyo zəndə jiri, jiri tsəu kwa pəliya hi. Ngə nda wum nə nyi, “Na ea nyandəla Ibrahim ea, a da ea ta mərtə nyi mavakur nə madawa wa. Manə ko na, njo da pəl ea?”
Ngə Yesu tə wum nə nda, “Vəlvəl yo nar hi, madawa kwa mər səpəla'a, mava səpəla'a cha. Aka mava a da kwa nau ɗaka tlakə nyi wa, kəl nda zər ndə nda nənyi, zər ki nda cha wa'atanyi. Aka ma Zər tə pəliya hi, hyo ngya tə butər kərnəhi. A zəndətə ya nahi nyandəla Ibrahim hi, kəl ja, jan hyo gwa'a ɗa ka tsa, aka ɓwanya ɗa da gwa ku ɗufwa hi wa. Yo dəkar hi sənda la'a ya tsa Ada ɗa, na hi tsə'u hyo mər sənda ngatə hi tsa adan hi.”

Ngə nda nar nyi, “A adan ea Ibrahim ma.”
Ngə Yesu tə nar nda, “A'a, a hi nguli Ibrahim wa, macha nguli Ibrahim hi, hyo nda mər sə'inda Ibrahim tə məra. Kəl ja, jan hyo gwa'a ɗa ka tsa, aka yo dəkar hi jiri nda ya ngatə tsa Hyel, ya a Ibrahim da mər əngə wa. Anə hyo mər tlər nda adan hi tə məra.” Ngə nda nar nyi, “A da nguli mazagwa ea wa, adan ea zhang tanyi na cha ngə Hyel.” Ngə Yesu tə nar nda, “Macha Hyel Adan hi, kwa nda hya nyida ɗa, aka kyada Hyel səya ya, a naya tə sə kərɗa wa, nacha tə sə ɗa. Mi sənda gwa'atə a da hya ngabiya ɓwanya ɗa wa? Aka a da hyo səsə'uti səndzə himi da ɓwanya ɗa wa. Aka əngə ja, sərtakə ngə adan hi, jigadəma kəhi, kəl nda ga hya nyabiya chul tlər adan hi. Aka ɗəɗəm, ndər tsa ndə cha, a da cho i nəu jiri wa, aka a jiri da tsa cha wa. Dəhə bəji nda cho tla gəzhi nyi ti, aka kərnyi cho tla, aka na cha ndər gəzhi cha. Təl gəzhi cha tsəu. Yo dəkə jiri, kəl ja, a da hya na'a jiri wa. Wa nə ku pama hi ta səya ɗa na bikəa? Macha jiri yo dəkə ya, mya gwa'atə a hya na'a jiri wa? Ndə nda nə Hyel, cho səhimi da ɓwanya Hyel. Sənda gwa'atə a da hyo səhimi da ya wa, aka a da hi nə Hyel wa.”

Njir Yahuda inda nar nyi, “Tsa'atsa'a tanyi ngə ea na, ndər Samariya ka, ya məlləm ku kəra ka.” Ngə Yesu tə nar nda, “A məlləm da ku kəra ya wa. Səlir Ada ɗa ngə yo həa, ya janə hyo həyatə ya. Ada naya ngə kwa gwa'a səli nə kərɗa wa, pam ndə nda kwa gwa'a səli na'a, ya nacha ngə ndər nəuma. Vəlvəl yo nar hi, madawa tə ɓəlatə ɓwanya ɗa, a tlakə nyi da kwa ɓə na tə pa'a wa.”
Kəl njir Yahuda inda tə nar nyi, “Sakan ja nənyi təea jiri məlləm ku kəra ka. Ibrahim təti, ka Njir mətakər, ya janə ko na, madawa tə ɓəlatə ɓwanya ɗa, a da cho ɓə na tə pa'a wa.” A ndiya tə kə adan ea Ibrahim ndər mətakər ya? A tətə cha, maləm wawa'a kuɗətə tsəu. Aman ko la'a kərngha? Ngə Yesu tə nar nda, “Macha yo həsəlir kərɗa, cho ɗa ka sə ɓwa'atanyi. Ada ɗa ngə kwa na'a səli. Ya nacha ngə Hyel kəhi. A da hyo zəndə nyi wa, naya na'a, a zəndə nyi təya. Ma ya na a da yo zəndə nyi wa, a ndiya hi təya tla gəzhi. Kəl ja, a zəndə nyi təya, ga ɓəlatə ɓwanya nyi tsəu. Adan hi Ibrahim, tə mər hirgyaɗi wi sə wa, ga cha la'a shili ɗa. A la'atə cha ga mər hirgyaɗi.” Njir Yahuda nar nyi, “Naka, a da ka taa fa tufkumnyi wa, aman kə taa la'a Ibrahima?” Kəl Yesu tə nar nda, “Vəlvəl yo nar hi, təvi nja ya Ibrahim, a da ya.” Nda ngatə nda ənga, kəl nda fa'a hangu ka ga nda vakənda nyi ni. Ngə Yesu tə gwatanyi ku məkutla, ga biya tanyi ku Mbwa'alə Hyel nda.

Ouça Yohana 8