Anjam - 2014 Edition (NT) Non-Drama

Anjam - 2014 Edition (NT) Drama

<div class="version vid1743 iso6393boj" data-vid="1743" data-iso6393="boj">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s1">Yesus a Sakius aqa talq gilej</div><div class="p"> 1-3Onaqa Yesus a aisiqa Jeriko qureq di brantosiq qure ambleq na walweleqnaqa tamo bei aqa &#241;am Sakius a Yesus tamo kiyero degosiq unqajqa dauryej. Sakius a takis o qaji tamo na&#331;go gate. A &#241;oro koba ti soqnej. A tamo truquyala deqa a Yesus dauryosiq unqajqa yonaq ugeiyej. Di kiyaqa? Tamo gargekoba na&#331;gi na sawa getenteb deqa. 4Deqa Sakius a urur ti aisiq tamo u&#331;gasari kalil na&#331;gi bu&#331;njrsiqa namoosiq gam qalaq di &#331;am bei oqsiq &#331;am atej. &#330;am atsiqa are qalej, &#8220;Yesus a gam endena bamqa e geregere unqai.&#8221; 5Onaqa Yesus a gam dena walwelosi aisiq &#331;am utruq di tigelosiq tarosiq Sakius unsiqa minjej, &#8220;O Sakius, ni mandamq aiyoqujat. Bini e ino talq di sqai.&#8221; 6Degsi minjnaqa a qusiqa mandamq aiyoqujatosiqa tula&#331; areboleboleiyonaqa Yesus osiqa ombla na aqa talq gileb. 7Gileqnabqa tamo u&#331;gasari kalil na&#331;gi di unsib &#331;iri&#331;osib mareb, &#8220;Ni&#331;gi uniy. Yesus a une tamo aqa talq gileqnu.&#8221; 8Onaqa talq di Sakius a tigelosiqa Yesus minjej, &#8220;O Tamo Koba, ni que. E ijo i&#331;gi i&#331;gi kalil ambleq na potosiy tamo i&#331;gi i&#331;gi saiqoji na&#331;gi jeisi enjrqai. E nami tamo bei gisa&#331;yosim silali dala qujai yaiyem kiyo? Degamqa e kamba silali dala qolqe olo yqai.&#8221; 9Onaqa Yesus a Sakius aqa anjam di qusiqa tamo u&#331;gasari na&#331;gi minjrej, &#8220;Bini Sakius a dego Abraham aqa a&#331;gro ti&#331;ti&#331;qo. Deqa Qotei na a ti tamo kalil aqa talq endi unub qaji na&#331;gi ti ele&#331;qo. 10E segi Tamo A&#331;gro. E na tamo u&#331;gasari padalo gamq di unub qaji na&#331;gi &#331;amoqnsim ele&#331;eqnum. E deqa mandamq aiyem.&#8221;</div><div class="s1">Silali taqatqajqa yawo anjam</div><div class="p"> 11Onaqa tamo u&#331;gasari na&#331;gi Yesus aqa anjam di qusib are qaleb, &#8220;Bini kiyo Qotei a gago Mandor Koba sosim iga taqatgwajqa bati brantqas?&#8221; 12Na&#331;gi degsib are qaleb. Di kiyaqa? Yesus a Jerusalem jojomyej deqa. Onaqa Yesus a yawo anjam bei endegsi minjrej, &#8220;Tamo kobaquja bei a sawa isaq gilej. Tamo di a are qalej, &#8216;E sawa deq gilitqa sawa deqaji na&#331;gi na e mandor atqab. Yibqa e olo puluosiy bosiy ijo segi qure qujai na&#331;go mandor sosiy na&#331;gi taqatnjrqai.&#8217; A degsi are qalsiqa sawa isaq gilej. 13A gilqa osiqa aqa ka&#331;gal tamo 10 na&#331;gi metnjrnaqa aqa areq bonabqa na&#331;gi segi segi 20 kina enjrsiqa minjrej, &#8216;Silali endena wauosib silali aqa oto dego oiy. Bunuqna e olo bosiy unqai.&#8217;</div><div class="p"> 14&#8220;Tamo kobaquja a degsi minjrsiqa sawa isaq gilsiq di sonaqa aqa qure qujai na&#331;gi a qa tula&#331; ugeosib are qaleb, &#8216;A gago mandor sqasai.&#8217; Degsib are qalsibqa tamo qudei na&#331;gi qari&#331;njrnab sawa deq gilsib sawa deqaji na&#331;gi minjreb, &#8216;Tamo di a gago mandor ataib. A na iga taqatgwajqa iga uratonum.&#8217; 15Ariya sawa deqaji na&#331;gi na tamo di mandor ateb. Onaqa bunuqna a olo puluosiq aqa segi qureq aisiqa ka&#331;gal tamo na&#331;gi wau qa silali enjrej qaji na&#331;gi metnjrej. Metnjrnaqa na&#331;gi aqa areq bonabqa a na minjrej, &#8216;E nami silali e&#331;gem qaji dena ni&#331;gi wauoqneb olo silali di osorbiy.&#8217;</div><div class="p"> 16&#8220;Onaqa ka&#331;gal tamo deqaji bei a bosiqa minjej, &#8216;O Tamo Koba, ino 20 kina ebem qaji dena e waueqnamqa olo 200 kina brantej agiende.&#8217; 17Onaqa aqa tamo koba a na minjej, &#8216;Ni ka&#331;gal tamo bolequja. Ni wau ki&#241;ala geregere taqatonum deqa e qure kokba 10 ino ba&#331;q di uratitqa ni na taqatnjroqnqam.&#8217;</div><div class="p"> 18&#8220;Onaqa ka&#331;gal tamo bei a bosiqa aqa tamo koba minjej, &#8216;O Tamo Koba, ino 20 kina ebem qaji dena e waueqnamqa olo 100 kina brantej agiende.&#8217; 19Onaqa aqa tamo koba a na minjej, &#8216;E qure kokba 5 ino ba&#331;q di uratitqa ni na taqatnjroqnqam.&#8217;</div><div class="p"> 20&#8220;Onaqa ka&#331;gal tamo bei a bosiqa aqa tamo koba minjej, &#8216;O Tamo Koba, ni unime. Ino 20 kina ebem qaji agi olo osibetmonum. E gara &#241;e&#331;gi na dalaosim atnam soqnej. 21E kumbra degyem. Di kiyaqa? E ni qa ulaem deqa. E qalieem, ni tamo &#331;iri&#331; ani. Tamo qudei na&#331;gi waueqnab silali branteqnaqa ni segi na eqnum. Tamo qudei na&#331;gi i&#331;gi yageqnab melieqnaqa ni segi na otorosim uyeqnum.&#8217;</div><div class="p"> 22&#8220;Onaqa tamo koba dena kamba endegsi minjej, &#8216;Ni ka&#331;gal tamo uge. Ino segi anjam dena e ino une ubtosiy ni pegimqai. Ni nami qalieem, e tamo &#331;iri&#331; ani. Tamo qudei na&#331;gi waueqnab silali branteqnaqa e segi na eqnum. Tamo qudei na&#331;gi i&#331;gi yageqnab melieqnaqa e segi na otorosim uyeqnum. Ni nami e qa degsim qalieem. 23Deqa ni kiyaqa ijo silali di osi gilsim silali talq di atosai? Ni di atem qamu e bosimqa silali talq dena ijo silali aqa oto kobaqo qamu turtosim onum qamu.&#8217; 24Degsi minjsiqa tamo qudei aqa areq di tigelesoqneb qaji na&#331;gi minjrej, &#8216;Ni&#331;gi aqa 20 kina di yaiyosibqa ka&#331;gal tamo nami wauosiqa 200 kina ej qaji di olo yiy.&#8217; 25Onaqa na&#331;gi na minjeb, &#8216;O Tamo Koba, a 200 kina ejunu. Deqa ni kiyaqa 20 kina olo yqa maronum?&#8217;</div><div class="p"> 26&#8220;Onaqa tamo koba a na minjrej, &#8216;E ni&#331;gi mer&#331;gwai. Tamo a wau geregere taqatoqnqas di Qotei na olo wau koba yimqa a na taqatoqnqas. Ariya tamo a wau geregere taqatqasai di wau ki&#241;ala a na taqatejunu qaji di a olo bunu taqatqasai. Qotei na a kobotimqa a la&#331;a sqas.&#8217; 27Osiqa minjrej, &#8216;Tamo na&#331;gi e qa jeu ateb qaji na&#331;gi di joqsib boiy. Na&#331;gi e qa mareb, &#8220;Tamo di a gago mandor ataib.&#8221; Deqa tamo na&#331;gi di joqsib bosib ijo ulatamuq endi na&#331;gi &#241;umib more&#331;qab.&#8217;&#8221;</div><div class="p"> 28Yesus a yawo anjam degsi marsiqa a Jerusalem aiqajqa gam dauryosiq aiyoqnej.</div><div class="s1">Mandor Koba Yesus a Jerusalem aiyej</div><div class="p"> 29-30Yesus a aisiqa Betfage qure ti Betani qure ti Oliv mana utruq di jojomyosiqa aqa a&#331;gro aiyel qari&#331;njrsiqa minjrej, &#8220;Ni&#331;gi aisib qure bei jojom di unu di brantosib donki bei tontonub unu di unqab. Donki di bunuj tamo bei nami aqa quraq di awoosaioqnej qaji. Ni&#331;gi donki di unsibqa sil palontosib titosib osib boiy. 31Ni&#331;gi sil palontoqnibqa tamo bei na nenem&#331;gwas kiyo, &#8216;Ni&#331;gi kiyaqa donki aqa sil palonteqnub?&#8217; Degsi nenem&#331;gimqa ni&#331;gi na minjiy, &#8216;Tamo Koba a wau ti. Deqa a donki qa mergwo.&#8217;&#8221;</div><div class="p"> 32Yesus a na&#331;gi aiyel degsi minjrsiq qari&#331;njrnaqa aisib anjam Yesus na minjrej qaji di dauryosib donki di uneb. 33Unsib sil palonteqnabqa donki aqa abu na&#331;gi na na&#331;gi aiyel nenemnjreb, &#8220;Ni&#331;gi kiyaqa donki aqa sil palonteqnub?&#8221; 34Degsi nenemnjrnabqa na&#331;gi aiyel na kamba minjreb, &#8220;Tamo Koba a wau ti. Deqa a donki qa mergwo.&#8221;</div><div class="p"> 35Degsi minjrnab odnjrnab na&#331;gi aiyel donki di osib Yesus aqa areq osi gileb. Osi gilsib na&#331;go segi gara jugo piqtosib donki aqa quraq di tusib Yesus soqtosib donki aqa quraq di awoteb. 36Yesus a donki aqa quraq di awoonaqa donki a walwelosi aiyeqnaqa tamo u&#331;gasari na&#331;gi na&#331;go gara jugo piqtele&#331;osib gamq di tuele&#331;oqneb. 37Onaqa Yesus a Oliv mana utru jojomyeqnaqa aqa a&#331;gro gargekoba na&#331;gi tula&#331; areboleboleinjreqnaqa lele&#331;oqneb. Yesus a nami ma&#331;wa gargekoba yeqnaqa na&#331;gi unoqneb deqa na&#331;gi Qotei aqa &#241;am soqtoqnsib endegsib maroqneb, 38&#8220;Ni Tamo Koba aqa &#241;am na bonum deqa a ni tula&#331; geregereimeqnu. Ni gago Mandor Koba. Iga Qotei Goge Koba aqa &#241;am tula&#331; soqtoqnqom! La&#331; qureq di lawo kumbra gaigai sqas.&#8221;</div><div class="p"> 39Onaqa tamo u&#331;gasari na&#331;go ambleq dena Farisi qudei na&#331;gi tigelosib Yesus minjeb, &#8220;O Qalie Tamo, ni ino a&#331;gro na&#331;go medabu getentetnjrime.&#8221; 40Onaqa Yesus na minjrej, &#8220;Ijo a&#331;gro na&#331;go medabu getentqab di meni&#331; na&#331;gi tamo bulyosib tula&#331; murqumyoqnsib Qotei aqa &#241;am soqtoqnqab.&#8221;</div><div class="s1">Yesus a Jerusalem na&#331;gi qa akamej</div><div class="p"> 41Osiqa Yesus a Jerusalem jojomyosiq unsiqa akamej. 42Akamosiq marej, &#8220;O Jerusalem tamo u&#331;gasari, bini bati endeqa ni&#331;gi Qotei aqa kumbra qalieeb qamu ni&#331;gi geregere lawo na unub qamu. Ariya kumbra di ni&#331;gi qa uliejunu deqa ni&#331;gi qalieqa keresai. 43-44Deqa ni&#331;gi quiy. Bati bei brantimqa tamo qudei na bosib ni&#331;gi jeut&#331;gosib nu&#331;go qure koba endi agutibqa ni&#331;gi jaraiqa keresaii&#331;gwas. Amqa na&#331;gi na ni&#331;gi qoto it&#331;gosib tula&#331; ugeugei&#331;gosib nu&#331;go qure koba endi ni&#241;aqyekritqab. Osib qure aqa meni&#331; kalil paraparainjrsib breinjribqa meni&#331; bei meni&#331; bei aqa quraq di sqasai. Meni&#331; kalil segisegiqab. Jeu tamo na&#331;gi bosib ni&#331;gi deg&#331;gwab. Di kiyaqa? Qotei na ni&#331;gi aqaryai&#331;gwajqa bati brantqo di ni&#331;gi poi&#331;gosai deqa.&#8221;</div><div class="s1">Tamo u&#331;gasari na&#331;gi atra tal miligiq di i&#331;gi i&#331;gi qari&#331;yoqneb</div><div class="p"> 45Osiqa Yesus a atra tal koba miligiq gilsiqa &#331;am atej di tamo u&#331;gasari gargekoba na&#331;gi i&#331;gi i&#331;gi qari&#331;yoqnsibqa dena silali eqnab unjrsiqa na&#331;gi winjrnaq jaraiyeb. 46Na&#331;gi jaraiyeqnabqa Yesus na minjrej, &#8220;Qotei aqa anjam bei nami endegsib ne&#331;gre&#331;yeb unu, &#8216;Ijo tal endi pailyqajqa tal.&#8217; Qotei aqa anjam degsi unu. Ariya ni&#331;gi na olo tal endi ugetonubqa a baji&#331; tamo na&#331;go tal bulqo.&#8221;</div><div class="p"> 47Yesus a bati gaigai atra tal miligiq giloqnsiq dia tamo u&#331;gasari na&#331;gi Qotei aqa anjam palontosiq minjroqnej. Bati deqa atra tamo kokba ti dal anjam qalie tamo na&#331;gi ti Juda gate na&#331;gi ti Yesus qalib moiqajqa gam &#331;amoqneb. 48Ariya tamo u&#331;gasari kalil na&#331;gi Yesus aqa anjam quqwajqa tula&#331; arearetnjroqnej. Deqa Juda gate na&#331;gi Yesus qalib moiqajqa gam &#331;amonab ugeinjrej.</div>
 </div>
 </div>
</div>

Onaqa Yesus a aisiqa Jeriko qureq di brantosiq qure ambleq na walweleqnaqa tamo bei aqa ñam Sakius a Yesus tamo kiyero degosiq unqajqa dauryej. Sakius a takis o qaji tamo naŋgo gate. A ñoro koba ti soqnej. A tamo truquyala deqa a Yesus dauryosiq unqajqa yonaq ugeiyej. Di kiyaqa? Tamo gargekoba naŋgi na sawa getenteb deqa. Deqa Sakius a urur ti aisiq tamo uŋgasari kalil naŋgi buŋnjrsiqa namoosiq gam qalaq di ŋam bei oqsiq ŋam atej. Ŋam atsiqa are qalej, “Yesus a gam endena bamqa e geregere unqai.” Onaqa Yesus a gam dena walwelosi aisiq ŋam utruq di tigelosiq tarosiq Sakius unsiqa minjej, “O Sakius, ni mandamq aiyoqujat. Bini e ino talq di sqai.” Degsi minjnaqa a qusiqa mandamq aiyoqujatosiqa tulaŋ areboleboleiyonaqa Yesus osiqa ombla na aqa talq gileb. Gileqnabqa tamo uŋgasari kalil naŋgi di unsib ŋiriŋosib mareb, “Niŋgi uniy. Yesus a une tamo aqa talq gileqnu.” Onaqa talq di Sakius a tigelosiqa Yesus minjej, “O Tamo Koba, ni que. E ijo iŋgi iŋgi kalil ambleq na potosiy tamo iŋgi iŋgi saiqoji naŋgi jeisi enjrqai. E nami tamo bei gisaŋyosim silali dala qujai yaiyem kiyo? Degamqa e kamba silali dala qolqe olo yqai.” Onaqa Yesus a Sakius aqa anjam di qusiqa tamo uŋgasari naŋgi minjrej, “Bini Sakius a dego Abraham aqa aŋgro tiŋtiŋqo. Deqa Qotei na a ti tamo kalil aqa talq endi unub qaji naŋgi ti eleŋqo. E segi Tamo Aŋgro. E na tamo uŋgasari padalo gamq di unub qaji naŋgi ŋamoqnsim eleŋeqnum. E deqa mandamq aiyem.”

Onaqa tamo uŋgasari naŋgi Yesus aqa anjam di qusib are qaleb, “Bini kiyo Qotei a gago Mandor Koba sosim iga taqatgwajqa bati brantqas?” Naŋgi degsib are qaleb. Di kiyaqa? Yesus a Jerusalem jojomyej deqa. Onaqa Yesus a yawo anjam bei endegsi minjrej, “Tamo kobaquja bei a sawa isaq gilej. Tamo di a are qalej, ‘E sawa deq gilitqa sawa deqaji naŋgi na e mandor atqab. Yibqa e olo puluosiy bosiy ijo segi qure qujai naŋgo mandor sosiy naŋgi taqatnjrqai.’ A degsi are qalsiqa sawa isaq gilej. A gilqa osiqa aqa kaŋgal tamo 10 naŋgi metnjrnaqa aqa areq bonabqa naŋgi segi segi 20 kina enjrsiqa minjrej, ‘Silali endena wauosib silali aqa oto dego oiy. Bunuqna e olo bosiy unqai.’
“Tamo kobaquja a degsi minjrsiqa sawa isaq gilsiq di sonaqa aqa qure qujai naŋgi a qa tulaŋ ugeosib are qaleb, ‘A gago mandor sqasai.’ Degsib are qalsibqa tamo qudei naŋgi qariŋnjrnab sawa deq gilsib sawa deqaji naŋgi minjreb, ‘Tamo di a gago mandor ataib. A na iga taqatgwajqa iga uratonum.’ Ariya sawa deqaji naŋgi na tamo di mandor ateb. Onaqa bunuqna a olo puluosiq aqa segi qureq aisiqa kaŋgal tamo naŋgi wau qa silali enjrej qaji naŋgi metnjrej. Metnjrnaqa naŋgi aqa areq bonabqa a na minjrej, ‘E nami silali eŋgem qaji dena niŋgi wauoqneb olo silali di osorbiy.’
“Onaqa kaŋgal tamo deqaji bei a bosiqa minjej, ‘O Tamo Koba, ino 20 kina ebem qaji dena e waueqnamqa olo 200 kina brantej agiende.’ Onaqa aqa tamo koba a na minjej, ‘Ni kaŋgal tamo bolequja. Ni wau kiñala geregere taqatonum deqa e qure kokba 10 ino baŋq di uratitqa ni na taqatnjroqnqam.’
“Onaqa kaŋgal tamo bei a bosiqa aqa tamo koba minjej, ‘O Tamo Koba, ino 20 kina ebem qaji dena e waueqnamqa olo 100 kina brantej agiende.’ Onaqa aqa tamo koba a na minjej, ‘E qure kokba 5 ino baŋq di uratitqa ni na taqatnjroqnqam.’
“Onaqa kaŋgal tamo bei a bosiqa aqa tamo koba minjej, ‘O Tamo Koba, ni unime. Ino 20 kina ebem qaji agi olo osibetmonum. E gara ñeŋgi na dalaosim atnam soqnej. E kumbra degyem. Di kiyaqa? E ni qa ulaem deqa. E qalieem, ni tamo ŋiriŋ ani. Tamo qudei naŋgi waueqnab silali branteqnaqa ni segi na eqnum. Tamo qudei naŋgi iŋgi yageqnab melieqnaqa ni segi na otorosim uyeqnum.’
“Onaqa tamo koba dena kamba endegsi minjej, ‘Ni kaŋgal tamo uge. Ino segi anjam dena e ino une ubtosiy ni pegimqai. Ni nami qalieem, e tamo ŋiriŋ ani. Tamo qudei naŋgi waueqnab silali branteqnaqa e segi na eqnum. Tamo qudei naŋgi iŋgi yageqnab melieqnaqa e segi na otorosim uyeqnum. Ni nami e qa degsim qalieem. Deqa ni kiyaqa ijo silali di osi gilsim silali talq di atosai? Ni di atem qamu e bosimqa silali talq dena ijo silali aqa oto kobaqo qamu turtosim onum qamu.’ Degsi minjsiqa tamo qudei aqa areq di tigelesoqneb qaji naŋgi minjrej, ‘Niŋgi aqa 20 kina di yaiyosibqa kaŋgal tamo nami wauosiqa 200 kina ej qaji di olo yiy.’ Onaqa naŋgi na minjeb, ‘O Tamo Koba, a 200 kina ejunu. Deqa ni kiyaqa 20 kina olo yqa maronum?’
“Onaqa tamo koba a na minjrej, ‘E niŋgi merŋgwai. Tamo a wau geregere taqatoqnqas di Qotei na olo wau koba yimqa a na taqatoqnqas. Ariya tamo a wau geregere taqatqasai di wau kiñala a na taqatejunu qaji di a olo bunu taqatqasai. Qotei na a kobotimqa a laŋa sqas.’ Osiqa minjrej, ‘Tamo naŋgi e qa jeu ateb qaji naŋgi di joqsib boiy. Naŋgi e qa mareb, “Tamo di a gago mandor ataib.” Deqa tamo naŋgi di joqsib bosib ijo ulatamuq endi naŋgi ñumib moreŋqab.’”
Yesus a yawo anjam degsi marsiqa a Jerusalem aiqajqa gam dauryosiq aiyoqnej.

Yesus a aisiqa Betfage qure ti Betani qure ti Oliv mana utruq di jojomyosiqa aqa aŋgro aiyel qariŋnjrsiqa minjrej, “Niŋgi aisib qure bei jojom di unu di brantosib donki bei tontonub unu di unqab. Donki di bunuj tamo bei nami aqa quraq di awoosaioqnej qaji. Niŋgi donki di unsibqa sil palontosib titosib osib boiy. Niŋgi sil palontoqnibqa tamo bei na nenemŋgwas kiyo, ‘Niŋgi kiyaqa donki aqa sil palonteqnub?’ Degsi nenemŋgimqa niŋgi na minjiy, ‘Tamo Koba a wau ti. Deqa a donki qa mergwo.’”
Yesus a naŋgi aiyel degsi minjrsiq qariŋnjrnaqa aisib anjam Yesus na minjrej qaji di dauryosib donki di uneb. Unsib sil palonteqnabqa donki aqa abu naŋgi na naŋgi aiyel nenemnjreb, “Niŋgi kiyaqa donki aqa sil palonteqnub?” Degsi nenemnjrnabqa naŋgi aiyel na kamba minjreb, “Tamo Koba a wau ti. Deqa a donki qa mergwo.”
Degsi minjrnab odnjrnab naŋgi aiyel donki di osib Yesus aqa areq osi gileb. Osi gilsib naŋgo segi gara jugo piqtosib donki aqa quraq di tusib Yesus soqtosib donki aqa quraq di awoteb. Yesus a donki aqa quraq di awoonaqa donki a walwelosi aiyeqnaqa tamo uŋgasari naŋgi naŋgo gara jugo piqteleŋosib gamq di tueleŋoqneb. Onaqa Yesus a Oliv mana utru jojomyeqnaqa aqa aŋgro gargekoba naŋgi tulaŋ areboleboleinjreqnaqa leleŋoqneb. Yesus a nami maŋwa gargekoba yeqnaqa naŋgi unoqneb deqa naŋgi Qotei aqa ñam soqtoqnsib endegsib maroqneb, “Ni Tamo Koba aqa ñam na bonum deqa a ni tulaŋ geregereimeqnu. Ni gago Mandor Koba. Iga Qotei Goge Koba aqa ñam tulaŋ soqtoqnqom! Laŋ qureq di lawo kumbra gaigai sqas.”
Onaqa tamo uŋgasari naŋgo ambleq dena Farisi qudei naŋgi tigelosib Yesus minjeb, “O Qalie Tamo, ni ino aŋgro naŋgo medabu getentetnjrime.” Onaqa Yesus na minjrej, “Ijo aŋgro naŋgo medabu getentqab di meniŋ naŋgi tamo bulyosib tulaŋ murqumyoqnsib Qotei aqa ñam soqtoqnqab.”

Osiqa Yesus a Jerusalem jojomyosiq unsiqa akamej. Akamosiq marej, “O Jerusalem tamo uŋgasari, bini bati endeqa niŋgi Qotei aqa kumbra qalieeb qamu niŋgi geregere lawo na unub qamu. Ariya kumbra di niŋgi qa uliejunu deqa niŋgi qalieqa keresai. Deqa niŋgi quiy. Bati bei brantimqa tamo qudei na bosib niŋgi jeutŋgosib nuŋgo qure koba endi agutibqa niŋgi jaraiqa keresaiiŋgwas. Amqa naŋgi na niŋgi qoto itŋgosib tulaŋ ugeugeiŋgosib nuŋgo qure koba endi niñaqyekritqab. Osib qure aqa meniŋ kalil paraparainjrsib breinjribqa meniŋ bei meniŋ bei aqa quraq di sqasai. Meniŋ kalil segisegiqab. Jeu tamo naŋgi bosib niŋgi degŋgwab. Di kiyaqa? Qotei na niŋgi aqaryaiŋgwajqa bati brantqo di niŋgi poiŋgosai deqa.”

Osiqa Yesus a atra tal koba miligiq gilsiqa ŋam atej di tamo uŋgasari gargekoba naŋgi iŋgi iŋgi qariŋyoqnsibqa dena silali eqnab unjrsiqa naŋgi winjrnaq jaraiyeb. Naŋgi jaraiyeqnabqa Yesus na minjrej, “Qotei aqa anjam bei nami endegsib neŋgreŋyeb unu, ‘Ijo tal endi pailyqajqa tal.’ Qotei aqa anjam degsi unu. Ariya niŋgi na olo tal endi ugetonubqa a bajiŋ tamo naŋgo tal bulqo.”
Yesus a bati gaigai atra tal miligiq giloqnsiq dia tamo uŋgasari naŋgi Qotei aqa anjam palontosiq minjroqnej. Bati deqa atra tamo kokba ti dal anjam qalie tamo naŋgi ti Juda gate naŋgi ti Yesus qalib moiqajqa gam ŋamoqneb. Ariya tamo uŋgasari kalil naŋgi Yesus aqa anjam quqwajqa tulaŋ arearetnjroqnej. Deqa Juda gate naŋgi Yesus qalib moiqajqa gam ŋamonab ugeinjrej.

Ouça Luk 19