Firim fafu fal Aláemit

<div class="version vid1300 iso6393bqj" data-vid="1300" data-iso6393="bqj">
 <div class="book bkLUK">
 <div class="chapter ch13" data-usfm="LUK.13">
 <div class="label">13</div><div class="s">Eb&#225;hen bakaner, let mo, enemo</div><div class="p"> 1No, baje guce gakelo gugiten Y&#233;su mala bugan guce bugaa G&#225;lile bugo &#11363;ilat amuge, iki f&#237;simil f&#250;gu&#241;or ni faa sihaj sasu so guomen me n&#8217;&#233;simen bi n&#8217;Al&#225;emit. 2Y&#233;su naagil : &#171; J&#237;inene b&#250;oh min bugan bugaubugu gumugi me, d&#243;emme utilil ufafa&#331; g&#225;jalo waa bugaa G&#225;lile &#7549;e ? 3Niegul let mo. Ban buru &#7549;o&#7549;, &#237;ni me mati j&#237;bahen bakanerul, &#7549;an ji&#265;et &#7549;e ti bugo. 4Juluj may bugan bugagu gaamme gaat ni g&#250;faji ga&#265;et me baubu Siloam no etah yay &#233;hullo me min epulujil. J&#237;inene b&#250;oh bugo gufa&#331;e ekan maarat bugan bugagu &#7549;e ga&#265;in d&#243; me Y&#233;rusalem ? 5Niegul let mo. &#209;er &#237;ni me mati j&#237;bahen bakanerul, e&#265;et ju&#241;um buru &#7549;e ti bugo. &#187;</div><div class="p"> 6&#11363;&#250;rto, Y&#233;su na&#331;ar b&#250;nogor baube min ataril naagil : &#171; Baje ace &#225;ine aroge ni gafalol b&#237;fig. No nake r&#243; me bi etuj g&#250;fig, atogut r&#243; waf. 7&#209;er naah arokaol : &#8220;S&#237;mit s&#237;faji use n&#237;h&#8217;&#237;joul bi etuj g&#250;fig, mat&#8217;ibaj. Ubet bo ! Jambi biilo to me bamoto&#331; !&#8221; 8Bare aroka ahu naagol : &#8220;Afanom, uboket uhat bo to &#233;mit yauye, min &#237;jus fuho&#331;ol bo ibosen, mbiban n&#237;yu to bukugay. 9&#209;ace toon &#7549;an bubuh miti&#241; ; let mo, nubo&#241; gubet bo.&#8221; &#187;</div><div class="s">Y&#233;su o n&#8217;esen anaare gahoy funah faa f&#237;iyay</div><div class="p"> 10Funah fice faa f&#237;iyay Es&#250;if yay, Y&#233;su n&#225;ni n&#8217;gavare ni ya&#331; yaa galaw ece. 11Ni baj r&#243; anaare ace &#225;somute : s&#237;mit gaat ni s&#237;faji, eseytane yay yaamme ni o netujol, m&#225;t&#8217;&#225;ju &#225;allo. 12No Y&#233;su ajugol me, navogulol naagol : &#171; Aare ahu, nu&#7549;age ni g&#225;somuli. &#187; 13Nateb gu&#241;enol aremben ni o, to baenah n&#225;allo, aban nanamo esalen Al&#225;emit. 14Bare afan ya&#331; yay yaa galaw ni mujogol min Y&#233;su asen mee an gahoy funah fafu faa f&#237;iyay. Naah &#233;suh yay : &#171; Nubajale gunah futoh ni fanur gal ekan urokolal ; mbi nihi j&#250;joul gunah gaugu bi eyab gahoy, bare let funah fafu faa f&#237;iyay ! &#187; 15Ataw n&#225;balol aah : &#171; Buru jilet bugan bugaa maagen ! Funah faa f&#237;iyay, &#225;noan ni buru nah&#8217;ajajal &#233;beol ter asumol ake garemen, leti mo ? 16&#209;er aare ahume aamme gabulaken Aburaham, o Seytane ahoh me s&#237;mit gaat ni s&#237;faji, &#225;ariut ajali, hani funah faa f&#237;iyay ? &#187; 17B&#225;baler Y&#233;su m&#8217;busuen ulatorol &#7549;e ; bare &#233;suh yay &#7549;e ni s&#250;mil mala maaro mamu mo nakane me.</div><div class="s">Un&#243;gor waw waa jukol buyaba ni bubun buka&#265; babu</div><div class="r">(M&#225;cie 13.31-33 ; Maruk 4.30-32)</div><div class="p"> 18Y&#233;su naah : &#171; J&#225;vi Al&#225;emit wa junogore &#7549;ia&#331; ? Ni wa n&#237;jue iligor jo ? 19Yoo, j&#237;nini ti jukol buyaba jo an aroge n&#8217;gafalol min jiilul iki jikan buyaba, min upu waw nuh&#8217;ulef r&#243; n&#8217;uan bo. &#187;</div><div class="p"> 20Natajen aah : &#171; Ni wa mul n&#237;jue iligor J&#225;vi Al&#225;emit ? 21J&#237;nini ti l&#233;vir yo anaare ati&#265;e &#225;gu&#241;or ni ukib &#250;faji wal e&#7549;or ek&#8217;eilo &#7549;ooyo. &#187;</div><div class="s">G&#225;nonum gagu gagog me</div><div class="r">(M&#225;cie 7.13-14, 21-23)</div><div class="p"> 22No Y&#233;su aamme n&#8217;ejow yay mbaa Y&#233;rusalem, n&#225;h&#8217;&#225;gat &#233;suh bi n&#8217;&#233;suh navare n&#237;moro. 23Ni baj ace arorenol : &#171; Afanom, bugan guman barebare gujae &#7549;ia&#331; eyab ga&#7549;ah ? &#187; Y&#233;su naagil : 24&#171; Jiaken mbi junogen ni g&#225;nonum gagu gagog me ; &#237;nje ilobul yo, bugan gamme&#331;e &#7549;an gulih enogen to, ban mati g&#250;ju. 25No ala ya&#331; yay ajae me eilo min affa&#331; ganegen gagu buru baro&#331;er bo t&#237;ya&#331;, &#7549;an nihi jiteh go bo n&#8217;juoh : &#8220;Afan&#243;li, uboket &#250;peguloli !&#8221; Ban a&#265;ila &#7549;an aagulul : &#8220;Buru, iffasut bay j&#250;&#7549;ullo.&#8221; 26&#209;er buru bi eogol : &#8220;Wolal hum uti&#241;oral me, nuremoral, ban nuvaree n&#8217;ulago waw wal &#233;sugoli.&#8221; 27&#11363;an abba&#241; aagulul : &#8220;Iffasut bay j&#250;&#7549;ullo. Buru ukana-maarat we, jifaren m&#8217;baaba !&#8221; 28To &#241;er jijae me uko&#331; n&#8217;jujoh &#233;miremma, no jijae me ejuh Aburaham, Isak, Sakob ni ubo&#241;er waw &#7549;e d&#243; ni J&#225;vi Al&#225;emit, mbiban n&#8217;guba&#331;ul t&#237;ya&#331;. 29Bugan &#7549;an g&#250;&#7549;urul n&#8217;ulam waw &#7549;e waa mof &#237;kiil guti&#241; gaggan gagu d&#243; ni J&#225;vi Al&#225;emit. 30&#209;er guce gaamme jama &#250;sola, &#7549;an g&#250;ni &#250;tiar, bugagu gaamme maer &#250;tiar, &#7549;an g&#250;ni &#250;sola. &#187;</div><div class="s">Y&#233;su o n&#8217;uko&#331; mala Y&#233;rusalem</div><div class="r">(M&#225;cie 23.37-39)</div><div class="p"> 31&#11363;&#250;rto, E&#7549;&#225;risie guman n&#8217;g&#250;joul iki gutoh to Y&#233;su n&#8217;guogol : &#171; U&#7549;&#250;r d&#225;re, ujow mbaa bice, mata Herod nama&#331;e bi jamugi ! &#187; 32Y&#233;su naagil : &#171; Jujow iki juoh gasubut gagu Herod : &#8220;Inj&#233; umu n&#8217;&#233;&#7549;uren siseytane, esen g&#225;somut me gahoy jama ni gajem ; ban funah f&#250;fatten, fi&#265;ila nijae me &#233;riren burokom.&#8221; 33Bare jama, gajem bi ni funah f&#250;fatten n&#237;arie ifa bulagoom ik&#8217;i&#265;ih, mata j&#225;horut min abo&#241;er anemeni tice t&#250;buli Y&#233;rusalem. &#187;</div><div class="p"> 34&#171; Y&#233;rusalem, Y&#233;rusalem, aw amuge me ubo&#241;er waw, aw o nuh&#8217;uteh me sival bugan bugagu bugo Al&#225;emit &#225;bo&#241;eul me bi n&#8217;aw, iki gu&#265;et : &#241;ono butumbu nilige eomen bugani gulofom ti ehulol neh&#8217;eguben me bapu yo n&#8217;ubes yo ! Bare buru j&#250;musut jima&#331;. 35Juluj, bi&#265;in baube bolul Al&#225;emit &#7549;an ajunden bo. Ban &#237;nje ilobul yo, mati jibba&#241; jujugom bi no jijae me eoh : &#8220;Al&#225;emit &#225;sonien an ahu &#225;jaeul me ni gajow gola#13.35 Juluj Uf&#243;&#241; 118.26 !&#8221; &#187;</div>
 </div>
 </div>
</div>

No, baje guce gakelo gugiten Yésu mala bugan guce bugaa Gálile bugo Ᵽilat amuge, iki físimil fúguñor ni faa sihaj sasu so guomen me n’ésimen bi n’Aláemit. Yésu naagil : « Jíinene búoh min bugan bugaubugu gumugi me, dóemme utilil ufafaŋ gájalo waa bugaa Gálile ᵽe ? Niegul let mo. Ban buru ᵽoᵽ, íni me mati jíbahen bakanerul, ᵽan jiĉet ᵽe ti bugo. Juluj may bugan bugagu gaamme gaat ni gúfaji gaĉet me baubu Siloam no etah yay éhullo me min epulujil. Jíinene búoh bugo gufaŋe ekan maarat bugan bugagu ᵽe gaĉin dó me Yérusalem ? Niegul let mo. Ñer íni me mati jíbahen bakanerul, eĉet juñum buru ᵽe ti bugo. »
Ᵽúrto, Yésu naŋar búnogor baube min ataril naagil : « Baje ace áine aroge ni gafalol bífig. No nake ró me bi etuj gúfig, atogut ró waf. Ñer naah arokaol : “Símit sífaji use níh’íjoul bi etuj gúfig, mat’ibaj. Ubet bo ! Jambi biilo to me bamotoŋ !” Bare aroka ahu naagol : “Afanom, uboket uhat bo to émit yauye, min íjus fuhoŋol bo ibosen, mbiban níyu to bukugay. Ñace toon ᵽan bubuh mitiñ ; let mo, nuboñ gubet bo.” »

Funah fice faa fíiyay Esúif yay, Yésu náni n’gavare ni yaŋ yaa galaw ece. Ni baj ró anaare ace ásomute : símit gaat ni sífaji, eseytane yay yaamme ni o netujol, mát’áju áallo. No Yésu ajugol me, navogulol naagol : « Aare ahu, nuᵽage ni gásomuli. » Nateb guñenol aremben ni o, to baenah náallo, aban nanamo esalen Aláemit. Bare afan yaŋ yay yaa galaw ni mujogol min Yésu asen mee an gahoy funah fafu faa fíiyay. Naah ésuh yay : « Nubajale gunah futoh ni fanur gal ekan urokolal ; mbi nihi jújoul gunah gaugu bi eyab gahoy, bare let funah fafu faa fíiyay ! » Ataw nábalol aah : « Buru jilet bugan bugaa maagen ! Funah faa fíiyay, ánoan ni buru nah’ajajal ébeol ter asumol ake garemen, leti mo ? Ñer aare ahume aamme gabulaken Aburaham, o Seytane ahoh me símit gaat ni sífaji, áariut ajali, hani funah faa fíiyay ? » Bábaler Yésu m’busuen ulatorol ᵽe ; bare ésuh yay ᵽe ni súmil mala maaro mamu mo nakane me.


Yésu naah : « Jávi Aláemit wa junogore ᵽiaŋ ? Ni wa níjue iligor jo ? Yoo, jínini ti jukol buyaba jo an aroge n’gafalol min jiilul iki jikan buyaba, min upu waw nuh’ulef ró n’uan bo. »
Natajen aah : « Ni wa mul níjue iligor Jávi Aláemit ? Jínini ti lévir yo anaare atiĉe águñor ni ukib úfaji wal eᵽor ek’eilo ᵽooyo. »


No Yésu aamme n’ejow yay mbaa Yérusalem, náh’ágat ésuh bi n’ésuh navare nímoro. Ni baj ace arorenol : « Afanom, bugan guman barebare gujae ᵽiaŋ eyab gaᵽah ? » Yésu naagil : « Jiaken mbi junogen ni gánonum gagu gagog me ; ínje ilobul yo, bugan gammeŋe ᵽan gulih enogen to, ban mati gúju. No ala yaŋ yay ajae me eilo min affaŋ ganegen gagu buru baroŋer bo tíyaŋ, ᵽan nihi jiteh go bo n’juoh : “Afanóli, uboket úpeguloli !” Ban aĉila ᵽan aagulul : “Buru, iffasut bay júᵽullo.” Ñer buru bi eogol : “Wolal hum utiñoral me, nuremoral, ban nuvaree n’ulago waw wal ésugoli.” Ᵽan abbañ aagulul : “Iffasut bay júᵽullo. Buru ukana-maarat we, jifaren m’baaba !” To ñer jijae me ukoŋ n’jujoh émiremma, no jijae me ejuh Aburaham, Isak, Sakob ni uboñer waw ᵽe dó ni Jávi Aláemit, mbiban n’gubaŋul tíyaŋ. Bugan ᵽan gúᵽurul n’ulam waw ᵽe waa mof íkiil gutiñ gaggan gagu dó ni Jávi Aláemit. Ñer guce gaamme jama úsola, ᵽan gúni útiar, bugagu gaamme maer útiar, ᵽan gúni úsola. »


Ᵽúrto, Eᵽárisie guman n’gújoul iki gutoh to Yésu n’guogol : « Uᵽúr dáre, ujow mbaa bice, mata Herod namaŋe bi jamugi ! » Yésu naagil : « Jujow iki juoh gasubut gagu Herod : “Injé umu n’éᵽuren siseytane, esen gásomut me gahoy jama ni gajem ; ban funah fúfatten, fiĉila nijae me ériren burokom.” Bare jama, gajem bi ni funah fúfatten níarie ifa bulagoom ik’iĉih, mata jáhorut min aboñer anemeni tice túbuli Yérusalem. »
« Yérusalem, Yérusalem, aw amuge me uboñer waw, aw o nuh’uteh me sival bugan bugagu bugo Aláemit áboñeul me bi n’aw, iki guĉet : ñono butumbu nilige eomen bugani gulofom ti ehulol neh’eguben me bapu yo n’ubes yo ! Bare buru júmusut jimaŋ. Juluj, biĉin baube bolul Aláemit ᵽan ajunden bo. Ban ínje ilobul yo, mati jibbañ jujugom bi no jijae me eoh : “Aláemit ásonien an ahu ájaeul me ni gajow gola !” »

Ouça Lík 13