<div class="version vid1285 iso6393sag" data-vid="1285" data-iso6393="sag">
   <div class="book bkMAL">
      <div class="chapter chINTRO1" data-usfm="MAL.INTRO1">
         <div class="imt"><span class="content">Kete t&#235;n&#235; na nd&#246; ti Mbeti ti Malashii</span></div><div class="ip"><span class="content">Malashii atene peko ti yanga ti Nzapa na ngoi so azo ti Nzapa alondo na Babilone si ala kiri na J&#233;rusalem awe. Azo ama t&#235;n&#235; so Agg&#233;e na Zakarii afa si ala kiri aleke kota da ti Nzapa. Na ngoi ni so, Esdras na N&#233;h&#233;mie ade ti kiri na J&#233;rusalem pepe. A leke kota da ti Nzapa awe, me azo ni ayeke voro Nzapa na legeni pepe. Na ngoi ti mungo sandaga, ala yeke mu nyama so ala nzi nzingo, anyama so mbage ti tere ti ala abuba wala anyama so ayeke na kobela. Awayango-sandaga afa lege nzoni pepe na azo ti Nzapa, ala sara si azo ti Nzapa agirisa taa lege. Akoli ayeke kangbi na awali ti ala si ala yeke mu awali ti kodro wande ti ga awali ti ala. Malashii amu wango na azo ti zia ngbene lege ti sarango ye ti ala, ti kiri na ya ti </span><span class="w"><span class="content">*</span></span><span class="content">mbuki ti ala na Nzapa nga ti mu na Nzapa ye so ayeke ti lo. Fade </span><span class="w"><span class="content">*</span></span><span class="content">KOTA GBIA ayeke tokua zo ti kua ti lo (nda ti iri ti Malashii atene, &#8220;zo ti tokua ti mbi&#8221;) ti f&#226; ngbanga na li ti azo nga ti sara si azo aga </span><span class="w"><span class="content">*</span></span><span class="content">nzoni. KOTA GBIA atene:</span></div><div class="ib"></div><div class="ipq"><span class="content">&#8220;T&#235;n&#235; so KOTA GBIA so ayeke na nd&#246; ti dunia kue atene laa: &#8216;Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa t&#235;n&#235; ti mbuki ti mbi na ala.&#8217; &#8221;</span></div><div class="ipr"><span class="content">(3.1)</span></div><div class="iot"><span class="content">Akota ye so ayeke na ya ti mbeti so:</span></div><div class="io1"><span class="content">- Azo ti Nzapa ahon yongoro na lo 1.1&#8211;2.16</span></div><div class="io1"><span class="content">- Fade Nzapa ayeke f&#226; ngbanga na li ti azo ti lo; lo yeke sara tufa nga na nd&#246; ti ala 2.17&#8211;4.6</span></div>
      </div>
   </div>
</div>

Kete tënë na ndö ti Mbeti ti Malashii
Malashii atene peko ti yanga ti Nzapa na ngoi so azo ti Nzapa alondo na Babilone si ala kiri na Jérusalem awe. Azo ama tënë so Aggée na Zakarii afa si ala kiri aleke kota da ti Nzapa. Na ngoi ni so, Esdras na Néhémie ade ti kiri na Jérusalem pepe. A leke kota da ti Nzapa awe, me azo ni ayeke voro Nzapa na legeni pepe. Na ngoi ti mungo sandaga, ala yeke mu nyama so ala nzi nzingo, anyama so mbage ti tere ti ala abuba wala anyama so ayeke na kobela. Awayango-sandaga afa lege nzoni pepe na azo ti Nzapa, ala sara si azo ti Nzapa agirisa taa lege. Akoli ayeke kangbi na awali ti ala si ala yeke mu awali ti kodro wande ti ga awali ti ala. Malashii amu wango na azo ti zia ngbene lege ti sarango ye ti ala, ti kiri na ya ti *mbuki ti ala na Nzapa nga ti mu na Nzapa ye so ayeke ti lo. Fade *KOTA GBIA ayeke tokua zo ti kua ti lo (nda ti iri ti Malashii atene, “zo ti tokua ti mbi”) ti fâ ngbanga na li ti azo nga ti sara si azo aga *nzoni. KOTA GBIA atene:

“Tënë so KOTA GBIA so ayeke na ndö ti dunia kue atene laa: ‘Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti mbuki ti mbi na ala.’ ”
(3.1)
Akota ye so ayeke na ya ti mbeti so:
- Azo ti Nzapa ahon yongoro na lo 1.1–2.16
- Fade Nzapa ayeke fâ ngbanga na li ti azo ti lo; lo yeke sara tufa nga na ndö ti ala 2.17–4.6

Ouça Malashii Kete tënë na ndö ti Mbeti ti Malashii