Ayta Mag-antsi - 2006 Edition (NT)

<div class="version vid1282 iso6393sgb" data-vid="1282" data-iso6393="sgb">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s">Hi Jesus ay hiniraw h&#234;n manga-talino ya lalaki ya ubat ha marayo</div><div class="p"> 1Hi Jesus ay in-anak ha balayan Betlehem ha probinsyan Judea, h&#234;n hi Arin Herodes pon ya manungkulan la. H&#234;n habayto ay main nilumat&#234;ng ha balayan Jerusalem, ya manga-talino ya lalaki ya ubat ha marayo, ha dapit awahan allo. 2Nangotang hila no ay-iri h&#234;n in-anak ya ari lan Israelita. Haka la hinabi ya nah&#234;l&#234;k la h&#234;n inumawah ya b&#234;t&#234;w&#234;n ya palatandaan ya in-anak yay na, kabay simba&#234;n la ya dayi. 3H&#234;n nagilam ni Arin Herodes ya tungkol kanla, ay hadyay limo na, ta kayno halanghang&#234;n ya h&#234;n bayoy Ari. Haka malimo hilay kapareho nan taga-Jerusalem ha huluk ni Arin Herodes.</div><div class="p"> 4Kabay impa-tsipon ni Arin Herodes ya kaganawan m&#225;noron Kautuhan ni apo Moises, haka hilay ampamaala kanlan pari, ta kinotang na hila no ay-iri h&#234;n ianak ya Mesias, ya Cristo, ya impangakon M&#225;miligtas ya pinili ni Apo Namalyari h&#234;n mamaala. 5Wanla etaman kana, &#8220;Ha balayan Betlehem ha probinsyan Judea, ta &#234;m&#234;n ya di ya inhulat nan m&#225;mipamwang h&#234;n an-ipaihip kana ni Apo Namalyari, ya wana, 6&#8216;Hika balayan Betlehem, ay miha ka kanlan maalag&#225;y balayan ha luta ni Juda, gawan bah&#234;n kamo ay ianak ya mihay mamaala, haka hiyay manayhay kanlan Israelita ya pinili ko h&#234;n mag-in ma&#225;nak ko.&#8217;&#8221;#2:6 Mikas 5:2.</div><div class="p"> 7Bayo lihim nan impaba&#234;g ni Arin Herodes ya habaytoy manga-talino, haka namwangan na kanla no nakano lan nah&#234;l&#234;k h&#234;n immawah ya habaytoy b&#234;t&#234;w&#234;n. 8Bayo pinabita na hilay na ha Betlehem, ya wana, &#8220;Hali, mita kaw na, ta pakatapol&#234;n yoy habaytoy anak. No natapol yo yay na, ay mag-orong kaw di ta ipamwang yo kangko, ta &#234;m&#234;n ko ya simba&#234;n etaman.&#8221; 9H&#234;n nagilam lay habi ni Arin Herodes, ay nammita hilay nay manga-talino. Ha pammita la, ay nah&#234;l&#234;k lan oman ya habaytoy b&#234;t&#234;w&#234;n, haka habaytoy hinonol la angga ha tinungg&#234;n ya habayto, ha ugton dyanan ni Apo Jesus ha Betlehem. 10Ayn kapantag ya higla la h&#234;n tinungg&#234;n ya b&#234;t&#234;w&#234;n. 11Panhumw&#234;n la ha bali, ay nah&#234;l&#234;k lay anak ya atsi ha dani ni Maria ya indo na. Nandoko hila ha arapan na ha pamagsimba la kana. Niloat la ya pinamyanan lan idigalo la kana ya main ginto, haka makamal ya pabango ya amba&#234;g&#234;n lan libanon, haka main &#234;t mira ya in-ubuh lan indin kana.</div><div class="p"> 12Kaatag tanay dann ya dinanan lan manga-talino ha pamag-orong la, gawan impatayn&#234;p kanla ni Apo Namalyari, ya paan hilan mag-orong kan Arin Herodes.</div><div class="s">Intakah ni Jose ya mitaindo h&#234;n gintan ha bansan Egipto</div><div class="p"> 13H&#234;n nakabita hilay nay manga-talino, ay nanayn&#234;p hi Jose. Ha tayn&#234;p na, ay nagpahl&#234;k kana ya mihay anghel ni Apo Namalyari, ya wana, &#8220;Mimata ka, ta it&#225;kah mo hilay mitaindo, h&#234;n g&#234;tan ha bansan Egipto. Paan kaw mag-al&#237;h bayro, angga ha a ko habi&#234;n kamoyu, ta tapol&#234;n ni Arin Herodes ya habain ya anak, ta labay na yan pats&#234;n.&#8221; 14Kabay h&#234;n habayton yabi, nimata ya hi Jose ta intakah nay mitaindo h&#234;n gintan ha bansan Egipto. 15Bayro hila tana h&#234;n angga ha natsi hi Arin Herodes. Nalyari ya habayto ta &#234;m&#234;n matupad ya hinabi nan mihay m&#225;mipamwang ya impaihip kana ni Apo Namalyari, ya wana, &#8220;Bina&#234;g koy anak ko, ya umawah yay na ha bansan Egipto.&#8221;#2:15 Oseas 11:1.</div><div class="s">Impapatsi ni Arin Herodes hilay nanganaway anak ya lalaki ya angkalokopan h&#234;n balayan Betlehem</div><div class="p"> 16H&#234;n namwangan ni Arin Herodes ya niloko ya h&#234;n habaytoy manga-talino, ay nagtulaw ya. Kabay impapatsi na hilay anak ya lalaki, ya loway taon paaypa, ha balayan Betlehem haka ha mamalibot, gawan ha namwangan na kanlan manga-talino ya loway taon nanan immawah ya habaytoy b&#234;t&#234;w&#234;n.</div><div class="p"> 17Ha dinyag nay habayto, ay natupad ya hinabi ni Propeta Jeremias, ya mihay m&#225;mipamwang h&#234;n impaihip kana ni Apo Namalyari, ya wana, 18&#8220;Nagilam ha balayan Rama ya makhaw ya pamany&#234;ng&#234;n lan kaapo-apoan ni Raquel#2:18 Hi Raquel ay ahawa ni apo Israel ya ninuno lan pinatsi. In-alimbawa hi Raquel ha maindo ya kinamatsan anak. gawan ha impapatsi ya ma&#225;nak la. A hila tagan&#225;n naamungmung.&#8221;#2:18 Jeremias 31:15.</div><div class="s">Ya pag-orong lan Jose ha bansan Israel</div><div class="p"> 19H&#234;n natsi hi Arin Herodes, ay main mihay anghel ni Apo Namalyari ya nagpahl&#234;k kan Jose ha tayn&#234;p na ha bansan Egipto, ya wana, 20&#8220;Mimata ka, ta iuli mo hilay nay mitaindo, h&#234;n g&#234;tan ha bansan Israel, gawan natsi yay na, ya labay mamatsi kanan anak.&#8221; 21Kabay nimata hi Jose, haka na hilay na in-uli ya mitaindo ha bansan Israel.</div><div class="p"> 22Noa, h&#234;n Namwangan ni Jose ya hi Arquelao ya anak ni Arin Herodes, ay ampamaala ha probinsyan Judea h&#234;n kahagili h&#234;n tatang na, ay nalimwan hi Jose h&#234;n mag-orong bayro. H&#234;n nakatayn&#234;p yay na &#234;t, ya kaillag hila kano, ay nagpakha hila tana ha probinsyan Galilea. 23Bayro hila tanan nanug&#234;l ha balayan Nazaret ha probinsyan Galilea, ta &#234;m&#234;n matupad ya hinabi lan m&#225;mipamwang h&#234;n an-ipaihip kanla ni Apo Namalyari, ya wanla, &#8220;Ba&#234;g&#234;n yan Nazareno.&#8221;</div>
 </div>
 </div>
</div>

Hi Jesus ay in-anak ha balayan Betlehem ha probinsyan Judea, hên hi Arin Herodes pon ya manungkulan la. Hên habayto ay main nilumatêng ha balayan Jerusalem, ya manga-talino ya lalaki ya ubat ha marayo, ha dapit awahan allo. Nangotang hila no ay-iri hên in-anak ya ari lan Israelita. Haka la hinabi ya nahêlêk la hên inumawah ya bêtêwên ya palatandaan ya in-anak yay na, kabay simbaên la ya dayi. Hên nagilam ni Arin Herodes ya tungkol kanla, ay hadyay limo na, ta kayno halanghangên ya hên bayoy Ari. Haka malimo hilay kapareho nan taga-Jerusalem ha huluk ni Arin Herodes.
Kabay impa-tsipon ni Arin Herodes ya kaganawan mánoron Kautuhan ni apo Moises, haka hilay ampamaala kanlan pari, ta kinotang na hila no ay-iri hên ianak ya Mesias, ya Cristo, ya impangakon Mámiligtas ya pinili ni Apo Namalyari hên mamaala. Wanla etaman kana, “Ha balayan Betlehem ha probinsyan Judea, ta êmên ya di ya inhulat nan mámipamwang hên an-ipaihip kana ni Apo Namalyari, ya wana, ‘Hika balayan Betlehem, ay miha ka kanlan maalagáy balayan ha luta ni Juda, gawan bahên kamo ay ianak ya mihay mamaala, haka hiyay manayhay kanlan Israelita ya pinili ko hên mag-in maának ko.’”
Bayo lihim nan impabaêg ni Arin Herodes ya habaytoy manga-talino, haka namwangan na kanla no nakano lan nahêlêk hên immawah ya habaytoy bêtêwên. Bayo pinabita na hilay na ha Betlehem, ya wana, “Hali, mita kaw na, ta pakatapolên yoy habaytoy anak. No natapol yo yay na, ay mag-orong kaw di ta ipamwang yo kangko, ta êmên ko ya simbaên etaman.” Hên nagilam lay habi ni Arin Herodes, ay nammita hilay nay manga-talino. Ha pammita la, ay nahêlêk lan oman ya habaytoy bêtêwên, haka habaytoy hinonol la angga ha tinunggên ya habayto, ha ugton dyanan ni Apo Jesus ha Betlehem. Ayn kapantag ya higla la hên tinunggên ya bêtêwên. Panhumwên la ha bali, ay nahêlêk lay anak ya atsi ha dani ni Maria ya indo na. Nandoko hila ha arapan na ha pamagsimba la kana. Niloat la ya pinamyanan lan idigalo la kana ya main ginto, haka makamal ya pabango ya ambaêgên lan libanon, haka main êt mira ya in-ubuh lan indin kana.
Kaatag tanay dann ya dinanan lan manga-talino ha pamag-orong la, gawan impataynêp kanla ni Apo Namalyari, ya paan hilan mag-orong kan Arin Herodes.

Hên nakabita hilay nay manga-talino, ay nanaynêp hi Jose. Ha taynêp na, ay nagpahlêk kana ya mihay anghel ni Apo Namalyari, ya wana, “Mimata ka, ta itákah mo hilay mitaindo, hên gêtan ha bansan Egipto. Paan kaw mag-alíh bayro, angga ha a ko habiên kamoyu, ta tapolên ni Arin Herodes ya habain ya anak, ta labay na yan patsên.” Kabay hên habayton yabi, nimata ya hi Jose ta intakah nay mitaindo hên gintan ha bansan Egipto. Bayro hila tana hên angga ha natsi hi Arin Herodes. Nalyari ya habayto ta êmên matupad ya hinabi nan mihay mámipamwang ya impaihip kana ni Apo Namalyari, ya wana, “Binaêg koy anak ko, ya umawah yay na ha bansan Egipto.”

Hên namwangan ni Arin Herodes ya niloko ya hên habaytoy manga-talino, ay nagtulaw ya. Kabay impapatsi na hilay anak ya lalaki, ya loway taon paaypa, ha balayan Betlehem haka ha mamalibot, gawan ha namwangan na kanlan manga-talino ya loway taon nanan immawah ya habaytoy bêtêwên.
Ha dinyag nay habayto, ay natupad ya hinabi ni Propeta Jeremias, ya mihay mámipamwang hên impaihip kana ni Apo Namalyari, ya wana, “Nagilam ha balayan Rama ya makhaw ya pamanyêngên lan kaapo-apoan ni Raquel gawan ha impapatsi ya maának la. A hila taganán naamungmung.”

Hên natsi hi Arin Herodes, ay main mihay anghel ni Apo Namalyari ya nagpahlêk kan Jose ha taynêp na ha bansan Egipto, ya wana, “Mimata ka, ta iuli mo hilay nay mitaindo, hên gêtan ha bansan Israel, gawan natsi yay na, ya labay mamatsi kanan anak.” Kabay nimata hi Jose, haka na hilay na in-uli ya mitaindo ha bansan Israel.
Noa, hên Namwangan ni Jose ya hi Arquelao ya anak ni Arin Herodes, ay ampamaala ha probinsyan Judea hên kahagili hên tatang na, ay nalimwan hi Jose hên mag-orong bayro. Hên nakataynêp yay na êt, ya kaillag hila kano, ay nagpakha hila tana ha probinsyan Galilea. Bayro hila tanan nanugêl ha balayan Nazaret ha probinsyan Galilea, ta êmên matupad ya hinabi lan mámipamwang hên an-ipaihip kanla ni Apo Namalyari, ya wanla, “Baêgên yan Nazareno.”

Ouça Mateo 2