Laataanooji 1
1
Allah tagi kuuje e yimɓe
1Haa fuɗɗam Allah tagi asamanji e lesdi. 2Lesdi ɗonno cookri, walaano koo ɗume dow maari, nyiɓre suddino ilamji lugguɗi. Ruuhu Allah ɗonno yiilo dow ndiyamji.
3Nden Allah wi'i: “Annoora laato#2 Kor 4:6..” Ka laati. 4Allah yi'i ka wooɗi. Nden o senndi hakkunde annoora e nyiɓre. 5O inndi annoora nyalawma, nyiɓre boo o inndi ɗum jemma. Hiiri, weeti, ɗum nyalaade aranndeere.
6Allah wi'i: “Senndoode laato caka ndiyamji, ngam senndugo hakkunde maaji.” Non ɗum laatori. 7Allah waɗi senndoode maajum. O senndiri ndiyamji les bee ndiyamji dow. 8Allah inndi senndoode maajum asama. Hiiri, weeti, ɗum nyalaade ɗiɗawre#2 Pi 3:5..
9Allah wi'i: “Ndiyam les asama mooɓo nokkuure woore, haa joorɗum waŋga.” Non ɗum laatori. 10Allah inndi joorɗum lesdi, mooɓorde ndiyamji boo, o inndi ɗum mbeela. Allah laari ɗum wooɗi. 11Nden o wi'i: “Lesdi fuɗna fuɗŋgooji, waato huɗo marko aawdi e haakooji marɗi aawdi, leɗɗe dimooje ɓiɓɓe bee aawdi nder muuɗum'en dow lesdi, koo ɗume fuu fodde asli muuɗum.” Non ɗum laatori. 12Lesdi fuɗni huɗo marko aawdi e haakooji marɗi aawdi fodde asli muuɗum'en, non boo leɗɗe dimooje ɓiɓɓe bee aawdi nder muuɗum'en, koo ɗeye fuu fodde asli muuɗum'en. Allah laari ɗum wooɗi. 13Hiiri, weeti, ɗum nyalaade tataɓre.
14Allah wi'i: “Jayli laato haa asama ngam senndindirgo nyalawma bee jemma. Ɗi laato alaamaaji ngam anndugo wakkatiiji juulɗe, non boo nyalɗe e duuɓi. 15Jayli ɗi'i laato haa asama ngam yaynango lesdi.” Non ɗum laatori. 16Allah waɗi jayli mawɗi ɗiɗi: Jayŋgol ɓurŋgol mawnugo waato: Naaŋge, laami nyalawma, pamarol boo, waato: Lewru, laami jemma. O waɗi boo koode. 17O jo'ini ɗi haa asama ngam yaynango lesdi, 18ngam laamaago nyalawma e jemma boo ngam senndindirgo annoora bee nyiɓre. Allah laari ɗum wooɗi. 19Hiiri, weeti, ɗum nyalaade nayaɓre.
20Allah wi'i: “Ndiyam heewira kuuje marɗe yoŋki, colli boo piira haa asama, haa dow lesdi” Non ɗum laatori. 21Allah tagi kuuje mawɗe nder ndiyam e asli ko wuurata e ko waancata e ko dimmboto fuu nder ndiyam. Non boo colli marɗi bileeji – koo ɗume fuu fodde asli mum. Allah laari ɗum wooɗi. 22O barkiɗini ɗum, o wi'i: “Ndimndimne, ɗuuɗe, kebbine ndiyamji nder beeli, colli boo ɗuuɗa dow lesdi.” 23Hiiri, weeti, ɗum nyalaade jowaɓre.
24Allah wi'i: “Lesdi wurtina asli dabbaaji fuu: Ɗi saare, ladooji, dabbaaji ɗi ladde, koo ɗume fuu fodde asli muuɗum.” Non ɗum laatori. 25Allah waɗi dabbaaji ladde fodde asli maaji e dabbaaji saare fodde asli maaji e ladooji fodde asli maaji. O laari ɗum wooɗi.
26Allah wi'i: “En mbaɗa neɗɗo#1 Kor 11:7. dow jaati meeɗen, dow nanndal meeɗen. O laamano liɗɗi nder mbeela, colli e dabbaaji e kuuje ladde e ladooji dow lesdi fuu.” 27Allah tagi neɗɗo dow jaati muuɗum, o tagi mo dow nanndal maako, o tagi gorko e debbo#Mat 19:4; Mk 10:6; 1 Kor 11:7.. 28Allah barkiɗini ɓe, wi'i ɓe: “Ndanye, ɗuuɗe, kebbine lesdi, laamane ndi! Laamane liɗɗi nder mbeela e colli e dabbaaji ngaancotooɗi dow lesdi fuu#Laat 5:1-32.!” 29Allah wi'i: “Ndaa, mi hokki on fuɗŋgooji dimooji dow lesdi fuu, non boo leɗɗe marɗe ɓiɓɓe bee aawdi nder muuɗum'en, ɗum laatoto nyaamdu mooɗon. 30Dabbaaji lesdi e colli e ko waancata dow lesdi fuu, waato ko mari yoŋki fuu, mi hokki ɗum haako hecco ngam nyaamugo.” Non ɗum laatori. 31Allah yi'i ko o waɗi fuu, ɗum booɗɗum masin. Hiiri, weeti, ɗum nyalaade joweego'oore.
Atualmente selecionado:
Laataanooji 1: FBDC
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
DEFTERE ALLAH © Alliance Biblique du Cameroun, 1994.