ᒨᓯᓯ ᓯᕗᓪᓖᑦ 12
12
ᒎᑎᐅᑉ ᕾᖁᔨᓂᖓ ᐂᑉᕋᒻᒥᒃ
1 #
ᐋᐴᓯᑕᓖᑦ 7:2,3; ᐄᑉᕈᐃᓄᑦ 11:8. ᐊᑕᓂᖅ ᐂᑉᕋᒻᒧᑦ ᐅᖃᕐᐳᖅ, “ᓄᓇᖕᓂᑦ ᐊᐅᓪᓚᕆᑦ ᐃᓚᑎᓪᓗ ᐊᑖᑕᒃᑯᑎᓪᓗ ᕿᒻᒪᒡᓗᒋᑦ, ᑕᑯᑎᑦᓱᒫᕐᐸᒋᑦ ᓄᓇᒥᒃ ᐅᐸᖕᓂᐊᕐᑕᕐᓂᒃ. 2ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ. 3#ᒐᓔᑎ 3:8.ᓮᒻᒪᕐᑎᑦᓱᒫᕐᐸᒃᑲ ᐃᓕᖕᓂᒃ ᓮᒻᒪᕐᑎᑦᓯᔪᑦ; ᓇᕐᕈᓇᕐᑎᑦᓯᔪᑦ ᓇᕐᕈᓇᕐᓯᑎᑦᓱᒫᕐᐸᒃᑲ; ᐊᖅᑯᑎᒋᓗᑎᓪᓗ ᐃᓚᒌᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ.”
4ᐂᑉᕋᒻᓗ ᐊᐅᓪᓚᕐᐳᖅ, ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ; ᓘᑎᓗᑦᑕᐅᖅ ᐃᓚᐅᓪᓗᓂ ᑖᑦᓱᒧᖓ, ᐂᑉᕋᒻ 75ᓂᒃ ᐊᕐᕌᒍᖃᓚᐅᕐᐳᖅ ᕼᐊᕋᓐᒥᑦ ᐊᐅᓪᓚᕋᒥ. 5ᐂᑉᕋᒻ ᓄᓕᐊᓂ ᓴᕅ ᐃᓚᒋᕚ, ᓘᑎᓗ ᐊᖓᔪᐊᑕ ᐃᕐᓂᖓ; ᐱᖁᑎᑎᒡᓗᑦᑕᐅᖅ ᑕᒪᕐᒥᒃ ᐱᑖᕆᓯᒪᔭᑎᒃ, ᐃᓄᖁᑎᑖᕆᓯᒪᔭᑎᒡᓗ ᕼᐊᕋᓐᒥᑦ; ᑕᕝᕙ ᐊᐅᓪᓚᓯᓚᐅᕐᐳᑦ ᑬᓇᓂᒧᑦ.
ᓄᓇᒧᓪᓗ ᑬᓇᓂᒧᑦ ᑎᑭᒃᑲᓗᐊᕋᒥᒃ, 6ᐂᑉᕋᒻᑯᑦ ᖄᖏᓚᐅᕐᐳᑦ ᓄᓇᒧᑦ ᓯᑭᒻᒥᒃ ᐊᑎᓕᖕᒧᑦ, ᓇᐹᕐᑐᖅ ᐆᒃ ᒨᕆᒦᑦᑐᖅ ᑎᑭᓪᓗᒍ. ᑍᑦᓱᒪᓂ ᑬᓇᓂᒥᐅᑦ ᓱᓕ ᑕᒫᓂ ᓄᓇᖃᕐᑎᓪᓗᒋᑦ. 7#ᐋᐴᓯᑕᓖᑦ 7:5; ᒐᓔᑎ 3:16.ᐊᑕᓂᐅᓪᓗ ᐂᑉᕋᒻ ᓴᖅᑭᕝᕕᒋᒐᒥᐅᒃ ᐅᖃᐅᑎᕚ, “ᓄᓇ ᑕᒪᓐᓇ ᑭᖑᕚᒃᓴᕐᓄᑦ ᓄᓇᑖᖑᑎᑦᓱᒫᕐᑕᕋ.” ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᓴᖅᑭᕝᕕᐅᓚᐅᕐᓂᕐᒥᓄᑦ. 8ᑭᖑᕐᖓᒍᓪᓗ ᐊᐅᓪᓚᓚᐅᕆᕗᖅ ᖃᖅᑲᒧᑦ ᐱᑎᓕᐅᑉ ᖃᐅᓕᕐᕕᖓᑕ ᓇᓛᓄᑦ, ᑕᕝᕗᖓᓗ ᑕᖕᒫᕐᑎᕐᐳᖅ, ᓄᓇᐅᑉ ᐱᑎᓕᐅᑉ ᐂᓪᓗ ᐊᑯᓐᓂᖓᓃᑦᑐᒧᑦ, ᑕᕝᕙᓂᓗ ᑐᓂᕐᕈᓯᕐᕕᓕᐅᕆᓪᓗᓂ ᐊᑕᓂᕐᒧᑦ ᐊᑕᓂᐅᓪᓗ ᐊᑎᖓ ᑐᒃᓯᐊᕐᕕᒋᕚ. 9ᐂᑉᕋᒻᓗ ᑕᕝᕙᓐᖓᑦ ᐊᐅᓪᓚᕐᐳᖅ, ᓱᓕ ᓇᔪᕐᑕᖓᑕ ᓯᕿᓂᖓᑕ ᓇᓛᓄᑦ ᓂᒋᑉᒧᑦ.
ᐂᑉᕋᐅᑉ ᐄᑦᔨᑉᑎᒦᓐᓂᖓ
10ᑍᑦᓱᒪᓂᓕ ᓄᓇᒥ ᑳᖕᓇᕐᑐᕐᔪᐊᖃᓚᐅᕐᐳᖅ, ᑕᕝᕙ ᐂᑉᕋᒻ ᐊᐅᓪᓚᓚᐅᕐᐳᖅ ᐄᑦᔨᑉᑎᒧᑦ ᓄᓇᖃᑬᓐᓇᕆᐊᕐᑐᕐᓗᓂ, ᓄᓇᒥ ᑳᖕᓇᕐᑐᕐᔪᐊᖅ ᐱᕙᓪᓕᐊᑐᐃᓐᓇᕐᒪᑦ. 11ᐄᑦᔨᑉᑎᒧᓪᓕ ᐃᑎᕆᐊᕐᑐᕐᓂᐊᓕᕐᓗᓂ ᓄᓕᐊᓂ ᓴᕅ ᐅᖃᐅᑎᕚ, “ᖃᐅᔨᒪᒐᒪ ᐊᕐᓇᑦᓯᐊᕙᐅᓪᓗᑎᑦ ᐃᓂᖁᓇᕐᑐᐊᓘᒐᕕᑦ. 12ᐄᑦᔨᑉᑎᒥᐅᓂᑦ ᑕᑯᔭᐅᒍᕕᑦ, ᐅᖃᕐᑐᖃᕋᔭᕐᐳᖅ, ‘ᐅᓇ ᓄᓕᐊᖓ’; ᑕᕝᕙ ᑐᖁᑕᐅᒐᔭᕐᐳᖓ, ᑐᖁᑕᐅᓐᖏᑎᓪᓗᑎᑦ. 13#ᒨᓯᓯ ᓯᕗᓪᓖᑦ 20:2; 26:7.ᐅᖃᐅᑎᖃᑦᑕᕐᓂᐊᕐᐸᑎᑦ ᐅᕙᓐᓄᑦ ᓇᔭᒋᔭᐅᓂᕋᕐᓗᑎᑦ, ᖃᓄᐃᓕᔭᐅᖁᓇᖓ, ᐃᕝᕕᓪᓗ ᐱᑦᔪᑎᒋᓗᑎᑦ ᐃᓅᑎᑕᐅᖁᓪᓗᖓ.” 14ᐄᑦᔨᑉᑎᒧᓪᓕ ᑎᑭᓕᕋᒥᒃ, ᐄᑦᔨᑉᑎᒥᐅᓂᑦ ᑕᑯᔭᐅᕗᖅ ᓄᓕᐊᖓᑕ ᐃᓂᖁᓇᕐᑐᐊᓘᓂᖓ. 15ᐊᖓᔪᖅᑳᒃᑯᕕᖕᒥᐅᑍᓪᓗ ᑕᑯᒐᒥᑦᔪᒃ, ᐰᕉᒧᑦ ᐅᖃᐅᓯᕆᕚᑦ ᐊᕐᓇᑦᓯᐊᕙᐅᓂᕋᕐᓗᒍ; ᑍᒤᒻᒪᑦ ᑖᓐᓇ ᐰᕉᑉ ᐃᒡᓗᕐᔪᐊᖓᓄᐊᕈᑦᔭᐅᕗᖅ. 16ᑖᓐᓇᓕ ᐊᕐᓇᖅ ᐱᑦᔪᑎᒋᓪᓗᒍ ᐂᑉᕋᒻ ᐱᑦᓯᐊᕐᕕᒋᕚ; ᓰᐱᖁᑎᖃᓚᐅᕐᒪᑦ, ᐃᒻᒧᒃᓯᐅᒐᓂᒡᓗ, ᓯᐅᑎᖅᑯᕐᑐᔪᓂᒡᓗ ᐊᖑᓴᓪᓗᕐᓂᒃ, ᐱᔨᖃᕐᓗᓂᓗ ᐊᖑᑎᓂᒃ, ᐊᕐᓇᓂᒡᓗ, ᓯᐅᑎᖅᑯᕐᑐᔪᖁᑎᖃᕐᓗᓂᓗ ᐊᕐᓇᓪᓗᖕᓂᒃ, ᑳᒥᓕᖕᓂᒡᓗᑦᑕᐅᖅ.
17ᐊᑕᓂᐅᓪᓕ ᐰᕉ ᐃᒡᓗᒥᐅᖃᑎᖏᓪᓗ ᐋᓐᓂᐊᓇᕐᑐᓄᑦ ᑎᑭᕝᕕᐅᑎᑉᐰᑦ ᓴᕅ ᐱᑦᔪᑎᒋᓪᓗᒍ, ᐂᑉᕋᒻ ᓄᓕᐊᖓ. 18ᑕᕝᕙ ᐰᕉᑉ ᐂᑉᕋᒻ ᕾᖁᕚ, ᐊᐱᕆᓪᓗᒍᓗ, “ᐅᕙᓐᓄᑦ ᖃᓄᐃᓕᐅᕋᓱᒃᐲᑦ? ᓱᖕᒪᑦ ᐅᖃᐅᑎᓚᐅᓐᖏᓚᕐᒪ ᑖᓐᓇ ᓄᓕᐊᕆᓂᕋᕐᓗᒍ? 19ᓱᖕᒪᓪᓗ ᐅᖃᓚᐅᕐᐲᑦ, ‘ᐅᓇ ᓇᔭᒐ’ ᐅᕙᓐᓄᑦ ᓄᓕᐊᕐᑖᕆᖁᓪᓗᒎ? ᑕᕝᕙ ᓄᓕᐊᑦ; ᑕᓱᓕᕈᒃ ᑕᕝᕙᓐᖓᓪᓗ ᐊᓂᓕᕆᑦ!” 20ᐰᕉᓗ ᑎᓕᓯᕗᖅ ᐃᓄᖁᑎᒥᓂᒃ; ᑖᒃᑯᐊᓗ ᑕᕝᕙᓐᖓᑦ ᓄᓇᒥᑦ ᐊᐅᓪᓚᕐᑎᑉᐹᑦ, ᓄᓕᐊᖓᓗ ᐱᖁᑎᓕᒫᖏᓪᓗ ᑕᒪᕐᒥᒃ.
Atualmente selecionado:
ᒨᓯᓯ ᓯᕗᓪᓖᑦ 12: EAIB
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Eastern Arctic Inuktitut Bible © Canadian Bible Society, 2012, 2021-2023.