ሉቃሳ ምሽራቹዋ 24
24
የሱስ ሀይቁዋፐ ደንዴዳ
(ማቶሳ 28:1-10፤ ማር. 16:1-8፤ ዮሃ. 20:1-10)
1ሳምንታፐ ኮይሮ ጋላሳ፥ ማጫዋንቱ ጊግሴዳ ሽቱዋ ኦይቂደ ዳሪ ጉሪደ ዱፉዋኮ ቤድኖ። 2ሹቻይካ ዱፉዋ ዶናፐ ጎንዶረትና በኤድኖ። 3ኡንቱንቱ ዱፉዋ ጋርሳ ኦላ ገሎ ዎደ፥ ጎዳ የሱሳ አሃ ደምበይክኖ። 4ማጫዋንቱ ስደ ደእሽን፥ ዋጭዋጭያ ማዩዋ ማዬዳ ላኡ አሳቱ፥ ቆፐናን ኡንቱንቱ ምይያን ኤቄድኖ።
5ማጫዋንቱካ ያሻፐ ደንዶዋን ሳኣ ጼሊደ ደእሽን፥ ላኡ አሳቱ፥ “ደኡዋን ደእያዋ፥ አ አያዉ ሀይቆዋንቱ ግዶፐ ኮዪቴ? 6-7እ ደንዴዳ፤ ሀዋን ባዋ። ቃይካ ጋሊላን ደእያ ዎድያን፥ ‘አሳ ናአይ ናጋራንቻቱዋ ኩሽያን አ እመታናዋ፤ ማስቃልያ ቦላን ካቀታናዋ፥ ሄዘን ጋላስ ሀይቁዋፐ ደንዳናዋ’ ያገቶዋ ቆፕተ” ያጌድኖ።
8ማጫዋንቱካ ሄ ዎደ ቃላ አኬኬድኖ። 9ኡንቱንቱካ ዱፉዋፐ ስሚደ ሀ ኡባ የዉዋ ታማነ እት ኪተቶዋንቶነ ኡንቱንታ ካልያዋንቶ ኡባቶ ኦዴድኖ። 10ሀዋ የሱስ ኪቶዋንቶ ኦዴዳዋንቱ: ማግዳላፐ ዬዳ ማይራሞ፥ ዮሃኖ፥ ያቆባ ዳዮ ማይራሞነ ኡንቱንቱና እትፐ ደእያ ሀራ ማጫዋንታ። 11ኡንቱንቶ ማጫዋንቱ ኦድያ ቃላይ ቃጅያዋ ማላትና አማንበይክኖ።
12ሽን ሄ ዎደ ጰጽሮስ ደንዲደ ዱፉዋኮ ዎጼዳ። ያ ጋኪደ ሆክ ጼልያ ዎደ፥ ጋርሳን ሞጉዋ ማዮ ጻላላይ ደእያዋ በኤዳ። ሀኖ የዉዋንካ ማላለቲደ፥ ጎለ ስሜዳ።
ኤማሁሳ ኦግያን የሱስ ላኡ አሳቶ ቆንጬዳ
(ማር. 16:12፣ 13)
13ሄ ጋላስ የሱሳ ካልያዋንቱፐ ላኡ አሳቱ የሩሳላመፐ ላኡ ሳትያ ሃክያ ኤማሁሳ ጌተትያ ሄራ ቢደ፤ 14እቱ እቱዋና ሀኔዳ የዉዋ ኡባ ሃሳይ ደኢኖ። 15ኡንቱንቱ ሃሳዪድነ ዞረቲደ ደእሽን፥ የሱስ ባረ ሁጰዉ ዪደ ኡንቱንቱ ምይያ ሺቂደ ኡንቱንቱና ቢደ ደኤ። 16ሽን ኡንቱንቱ ባረ አይፍያን ጼሊደ አ ግድያዋ ሻክ ኤራናዉ ዳንዳይበይክኖ።
17የሱስ፥ “ህንተንቱ ኦግያ ቦላን እቱ እቱዋና ሃሳይያዌ አዬ?” ያግ ኦቼዳ። ኡንቱንቱካ ዳጋማን ለቹሚደ ኤቄድኖ። 18ኡንቱንቱፐ እቱ ቀልዮጳ ጌተትያዌ፥ “ሀ ግዱዋን የሩሳላመን ሀኖ የዉዋ ኤረናዌ ነ ጻላላይ ሀ ጋደዉ እማ?” ያግ ዛሬዳ።
19የሱስ፥ “እ አዬ?” ያግና፥ ኡንቱንቱካ፥ “ጾሳ ስንንነ አሳ ኡባ ስንን ቃላንነ ኪታን ምኖ ናብያ ግዴዳ ናዝሬትያ የሱሳባ ሃሳዬቶ። 20አካ ቄሳቱዋ ካፓቱነ ኑና ሞድያዋንቱ ሀይቁዋ ፕርዳዉ አ እሜድኖ፤ ማስቃልያ ቦላን ዎድኖ። 21ኑን ካሰና፥ ‘እስራኤልያ አሳ ዎዛናዋ’ ያግ ህዶቶዌ አ፤ ሽን ሀ የዉ ሀነቲደ አደፐ ሄዙ ቃማ ግዴዳ። 22ኑ ግዶፐ እት እት ማጫዋንቱ ኑና ማላልሴድኖ። ኡንቱንቱ ጉራን ህን ዱፉዋ ቤድኖ፥ 23ሽን የሱሳ አሃ ኡንቱንቱ ዮ ዎደ ሽረት ስሚደ፥ እ ደንዴዳ፤ ያግያዋ ኪታንቻቱ ኦድሽን በኤዶ ያግ ኦዴድኖ። 24ኑ ግዶፐካ እት እት አሳይ ዱፉዋ ቢደ ኡንቱንቱ ጎዋዳን ሀንና በኤድኖ፤ ሽን የሱሳ አሃ ደምበይክኖ” ያጌድኖ።
25የሱስ ኡንቱንቶ፥ “ህንተኖ፥ አኬከና አሳቶ፥ ህንተንቱ ዎዛናን ናባቱ ኦዶዋ ኡባ ኤለ አማነናዋንቶ፤ 26ክርስቶስ ሀ መቱዋ አካናዉነ ባረ ቦንቹዋኮ ገላናዉ በሰኔ?” ያጌዳ። 27ሄዋፐ ስሚደ የሱስ ሙሴ ማጻፋቱዋፐነ ናባቱ ጻፌዳ ማጻፋቱዋፐ ዶሚደ፥ ጾሳ ማጻፋቱዋ ኡባን ጻፈቴዳ ባረባ ኡንቱንቶ ብሊደ ኦዴዳ።
28ኡንቱንቱ ብደእያ ሄራ ማቴዳ ዎደ፥ የሱስ ሀራሳ ብያዋ ማላቴዳ። 29ሄ ዎደ ኡንቱንቱ አ፥ “ጋላሳይ ቃሚደ ደእያ ድራዉ፥ ኦማርሳይ ማቴዳ፤ ኑናና እትፐ አቃ!” ያግ ምንስ ዎሴድኖ። ሀዋ ድራዉ፥ እካ ኡንቱንቱና እትፐ አቃናዉ ገሌዳ። 30ኡንቱንቱ እትፐ ጋይታን ኡቴዳ ዎደ፥ ዳቡዋ ደንደ አንጄዳ፤ መንደ ኡንቱንቶ እሜዳ። 31ኡንቱንቱ አይፊካ አ አኬካና ማላ ዶየትና፥ የሱሳ ግድያዋ ኤሬድኖ። እካ ኡንቱንቱ ስንፐ ጌሜዳ። 32ኡንቱንቱካ እቱ እቱዋ፥ “ቃአን እትፐ ኑ ደእሽን፥ ኑና እ ሃሳይስያ ዎድያንነ ጾሳ ማጻፋቱዋካ ኑዉ ቆንጭሲደ እ ኦድያ ዎድያን፥ ኑ ዎዛና ግዶን ታማዳን ሴሌ ግደኔ?” ጌተቴድኖ።
33-34ሄ ዎድያንካ ደንዲደ የሩሳላመ ስሜድኖ። የሱስ ኪቶ ታማነ እታቶነ ኡንቱንቱና እትፐ ደእያዋንቶ፥ “ጎዳይ ቱሙዋካ ደንዴዳ፥ ስሞናዉካ ቤቴዳ” ያጊደ ሄዋን እትፐ ሺቅ ኡቴዳዋንታ ደሜድኖ።
35ሄ ላአቱ፥ ቃአን ሀኔዳዋነ የሱስ ዳቡዋ መንያ ዎደ ዎት አ ኤሬድኖንቶ ኡንቱንቶ ኦዴድኖ።
የሱስ ባረና ካልያዋንቶ ቤቴዳ
(ማቶሳ 28:16-20፤ ማር. 16:14-18፤ ዮሃ. 20:19-23፤ ኪታ 1:6-8)
36ሀዋ ኡንቱንቱ ሃሳይ ደእሽን፥ የሱስ ኡንቱንቱ ግዶን ኤቂደ፥ “ሳሮተይ ህንተዉ ግዶ” ያጌዳ። 37ኡንቱንቶ ሞይትልያ በኦዋ ማላትና ዳጋሚደ፥ ያሻን ኩሜድኖ። 38እካ ኡንቱንታ፥ “አያዉ ዳጋሚቴ? አያ ድራዉ ህንተንቱ ዎዛናይ ስ? 39ታን የሱሳ ግድያዋ ኤራናዉ፥ አነ ታ ኩሽያነ ታ ገድያ በእተ፤ ታናን ህንተንቱ በእያዋዳን፥ ሞይትለዉ አሹነ መቀይ ባዋ። አነ ታና ህንተንቱ ኩሽያን ኦይቂ በእተ” ያጌዳ።
40ሀዋ ያግ ስሚደ፥ ባረ ኩሽያነ ባረ ገድያ በሴዳ። 41ኡንቱንቱካ ናሸቻፐ ደንዶዋን፥ አማነናን ማላለት ደእሽን እ፥ “ሀዋን ሜተትያዌ ህንተንቶ ደኢ?” ያግ ኡንቱንታ ኦቼዳ። 42ኡንቱንቱካ፥ ጺጸቴዳ ሞልያፐ ላፋ ፑሩዋ አዉ እሜድኖ። 43እካ አኪደ ኡንቱንቱ ስንን ሜዳ።
44እካ፥ “ታን ህንተንቱና እትፐ ደኣደ፥ ‘ሙሴ ማጻፋን፥ ናባቱዋ ማጻፋንነ ቃላን ጻፈቶ ማዝሙረቱዋን ታ ድራዉ ጻፈቴዳ ኡባይ ፖለታናዉ በሴ’ ያጋደ ህንተንቶ ኦዴዳ የዉ ሀዋ” ያጌዳ።
45ሄ ዎድያንካ ጾሳ ማጻፋቱዋን ጌተቶዋ አኬካና ማላ፥ ኡንቱንቱ ዎዛና ዶዬዳ። 46ኡንቱንቶ፥ “ ‘ክርስቶሳ መቱ ጋካናዋ፤ ሄዘንያ ጋላስ ሀይቁዋፐ ደንዳናዋ። 47አ አ ሱንን ናጋራ ፓጸይነ ማሮታ ደሙሳይ የሩሳላመፐ ዶሚደ አሳዉ ኡባዉ ኦደታናዋ’ ያገቲደ ጻፈቴዳ።
48“ህንተንቱካ ሀዎ ማርካቱዋ። 49ታ ህንተንቶ፥ ታ አቡ ቃላ ገሌዳ ህዶታ የዳና፤ ሄዌ ጋካናዉነ ህንተንቶ ዎልቃይ ሳሉዋፐ እመታና ጋካናዉ፥ የሩሳላመ ካታማን ናግሽተ” ያጌዳ።
የሱስ ሳሉዋ ስሚደ ቤዳ
(ማር. 16:19፣ 20፤ ኪታ 1:9-11)
50ሀዋፐ ጉይያን፥ ቢታንያ ጌተትያ ካታማ ጋካናዉ፥ ኡንቱንታ አፌዳ፤ ባረ ኩሽያ ምጪደ ኡንቱንታ አንጄዳ። 51ኡንቱንቱፐ ሻከቲደ፥ ሳሉዋ ቤዳ። 52ኡንቱንቱ አዉ ጎይኒደ፥ ዳሮ ናሸቻን የሩሳላመ ስሜድኖ። 53ቃይ ፓጨናን ጾሳ ጋላቲደ፥ ጌሻ ጎልያን ደኤድኖ።
Atualmente selecionado:
ሉቃሳ ምሽራቹዋ 24: DFBE
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
The Word for the World Ethiopia