मत्ती 2
2
बुद्धिमान आदमी येशूसे भेँट करीं
1जब राजा हेरोद यहूदिया परदेशमे शासन करत रहए। तओ येशूको जनम बहे परदेशको बेथलेहेम सहरमे भओ, तओ अगारके बुद्धिमान आदमी जौन तारनके बारेमे अध्यान करीं बे यरूशलेम सहरमे आएपुगे#2:1 तओ अगारके बुद्धिमान आदमी जौन तारनके बारेमे अध्यान करीं बे यरूशलेम सहरमे आएपुगे गन्ती 24:17, और बे आदमीनसे पुँछीं, 2“बो बच्चा कहाँ हए, जौन यहूदी समुहनको राजा बननके जनमो हए? काहेकी हम बाके जनमके बारेमे बतान बारो तारा अगार घेन देखे हएं और बाके झुक्के आराधना करन आए हएं#2:2 काहेकी हम बाके जनमके बारेमे बतान बारो तारा अगार घेन देखे हएं और बाके झुक्के आराधना करन आए हएं बे दिनमे आदमी मानत रहएं, जब कोइ राजा और बिशेष आदमी जन्मत रहएं, तओ बादरमे एक तारा देखाइ देत रहए और बो तारा जनम्के बारेमे बतान बारो तारा काहत रहएं।।”
3यहूदीयन्को राजाको जनमके बारेमे सुनके राजा हेरोद चिन्तामे पणिगओ और उनके सँगमे यरूशलेम सहरके बहुत आदमी चिन्तामे पणे। 4तओ राजा हेरोद, सब मुखिया यहूदी पुजारी और जनताके मोशाको नियम कानुन सिखान बारेनके इकट्ठा करके पुँछी, “ख्रीष्टको जनमके बारेमे अगमबक्ता का कहातहएं, ख्रीष्ट कहाँ जन्मैगो?” 5बे राजा हेरोदसे कहीं, “ख्रीष्टको जनम यहूदिया परदेशके बेथलेहेम सहरमे हुइहए। काहेकी मिका अगमबक्ता लिखी रहए:
6‘ए! यहूदिया परदेशके बेथलेहेम सहरके आदमीयओ!
तुम यहूदा परदेशके सासकसे बहुत बणे हओ,
काहेकी तुमसे एक आदमी आबैगो जौन सासक बनैगो,
बा मिर प्रजा इस्राएल देशको एक बकरेहेराके जैसो रेखदेख करैगो।’”
7तओ राजा हेरोद बो जन्मो भओ बच्चा कि उमर जाननके ताहीं बे बुद्धिमान आदमीनके चुप्पएचुप बुलाएके तारा कौन समयमे दिखानो हए, सो बिनसे पता लगाइ। 8राजा हेरोद बुद्धिमान आदमीनके अइसे करके बेथलेहेम गाउँमे पठाइ, “जाओ, और ठिकसे बो बच्चाको खोजी करओ। बोके पाएके मिर ठिन आओ और तुम जो देखे हओ, बो मोके बतैयओ, और मए फिर बोके झुक्के आराधना करंगो।”
9-10और जहेमारे बे चलपडे और डगरमे बे बहे तारा देखीं जौन बे पुर्व दिशामे देखीं रहए। जब बे ताराके देखीं, तओ बे बहुत खुसी भए! बो तारा बिनके अग्गु-अग्गु गओ और बो बच्चा भओ घरमे पुगके बो तारा हुवँए रुकिगओ। 11और जब बे घर भितर घुसे तओ, बच्चाके और बाकी अइया मरियमके सँगमे देखीं, और झुक्के आराधना करीं। तओ अपन झोला खोलके बाके सोनो, मिठो बासना आन बारो धुप और मिठो बासना आन बारो मूर्र#2:11 मूर्र मूर्र एक बहुत महिंगो दबाइ हए। जा इस्राएल देशमे नाए मिलत रहए, जाके दुस्रो देशसे किनके लात रहएं, जहेमारे जा बहुत महिंगो रहएको तेलकी भेँटी चढाइं। 12और राजा हेरोद ठिन मत् जैयओ करके सपनामे चेतावनी पाएके, बे राजा हेरोदके खबर नाए दइके दुसरी डगर हुइके अपन देशमे घुमे।
मिश्रदेशमे गए
13जब बे गए, तओ स्वर्गदूत सपनामे योसेफ ठिन दिखानो और बोसे अइसे कही, “उठ, बच्चा और बाकी अइयाके सँग लैके मिश्रदेशमे भाज्जा, और तुमसे मए नाए कहानतक हुवँए बैठियओ। काहेकी, राजा हेरोद बच्चानके मारन ढुँणरहो हए।” 14योसेफ उठो और बच्चा और बाकी अइयाके सँगमे लैके मिश्रदेशमे रातए गइ भओ, 15बे, राजा हेरोदको मौत नाए होन तक मिश्रदेशमे बैठे। अगमबक्ता होशेसे बहुत पहिले परमेश्वर कही बचन अइसे पुरा भओ,
“मए अपन लौंणाके मिश्रदेशसे बुलाओ।”
हेरोदसे छोटे बच्चनके मरबानो
16राजा हेरोद दिक्कके मरे चूर हुइगओ जब बोके पता भओ कि बुद्धिमान आदमी बोके धोखा दइ हएं। तओ राजा हेरोद सौनिकनके बेथलेहेम सहर और बोके आसपासके सबए बच्चनके मारनके पठाइ, जौन दुई साला और बोसे कम उमेरके रहएं। जे सब आदमी, बेथलेहेम गाउँके और बोके आसपिसके गाउँके रहएं। 17जे सब बात जाकेमारे भओ ताकी धर्मशास्त्रमे अगमबक्ता यर्मियासे परमेश्वर जो कही रहए, बो बचन पुरा होबए,
18“रामा सहरमे#2:18 रामा सहरमे रामा एक अइसो ठाउँ रहए जहाँ राजा दाऊदके पिढीके आदमी राहत रहएं। आदमी एक बैयरके रोत सुनीं,
राहेल#2:18 राहेल राहेल याकुबकी बैयर रहए। जोड-जोडसे अपन बच्चाके ताहीं रोतएरही,
बोके पुटलाएसे फिर बो रोनके नाए छोडी,
काहेकी बक बच्चा मरिगए।”
मिश्रदेशसे घुमनो
19योसेफ, मरियम और बच्चा येशू; हबएतक मिश्रदेशमे रहएं। जब राजा हेरोद मरो तओ, स्वर्गदूत सपनामे योसेफ ठिन मिश्रदेशमे दिखानो, और अइसे कही, 20“उठ, बच्चा और बाकी अइयाके सँगमे लैके इस्राएल देशको भुमिमे जा, काहेकी राजा हेरोद और बिनके आदमी मरिगए हएं जौन बच्चाके मारन चाँहत रहएं।” 21योसेफ उठो, तओ बच्चा और बाकी अइयाके सँगमे लैके मिश्रदेश छोडके इस्राएल देशको भुमिमे गओ। 22तओ जब योसेफ जा सुनी यहूदिया परदेशमे अपन दौवा राजा हेरोदके ठाउँमे अर्खिलाउस राज्य करत हए, करके सुनके, योसेफ हुवाँ जानके डराइगओ, और परमेश्वरसे सपनामे चेतावनी पाएके, योसेफ गालीलके परदेशमे गओ। 23और हुवँए नासरत गाउँमे जाएके बैठे। अइसीयए, जौन अगमबक्ता द्वारा येशूके बारेमे बताओ गओ रहए, “बासे नासरत गाउँसे आन बारो कहामंगे,” बो बात पुरा भओ।
Atualmente selecionado:
मत्ती 2: THRNT
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.