VPOM 14
14
Abram Lot lyis Khyuot
1Hauh yoq lyis Shina hwankti Amraphel, Elasa hwankti Ariok, Elam hwankti Khedolaome, Goim hwankti Tidal moq gas, 2Sodom hwankti Bera, Gomora hwankti Birsha, Adma hwankti Shinab, Zeboim hwankti Shemeber, Zoar ge Bela dah hwankti moq jes tsain zan-goh. 3Haih hwankti oeng yuk moq gas, gvshih Coh Thomh ge Sidim langhkhau mha tsain thoenk nyeis. 4Nyamoq gas Khedolaome lyis dvci aiq zvn phuqsoe lha, dvci somh vzvn lyis gomloeus toq. 5Dvci nyei vzvn lyis Khedolaome gas nyah shot pheh dah hwankti jens yah dvgeh e lha Ashterot Kainaim mas Refaim dius lyis, Ham mha Zuzim dius lyis, Shawe Kiriathaim mas Emim dius lyis zan ung. 6Edom boms mas nyeis dah Hor dius jens lyis eq, mhanhdyvp nvm Ela Pharan jweh shoq khat tangh tyamp. 7Nyamoq hou mhayah doms los las Kadesh ge Enmishaphat mas jweh lyis Amalek mau gonh lyis eq, Hazazon Tama mas nyeis Amori dius lyis eq yoh tsain zan ung.
8Housoeh las Sodom Gomora, Atma, Zeboim, Zoar ge Bela hwankti jens gas thuq las Sidim langhkhau mha loh zan langh. 9Nyamoq gas Elam hwankti Khedolaome, Goim hwankti Tidal, Shina hwankti Amraphel, Elasa hwankti Ariok jens lyis tsain thoenk zan. Housoeh hwankti nyei yuk yah oeng yuk tsain zan-goh. 10Hau Sidim langhkhau mha tsoh nhih dwang tsain joq. Houmha Sodom yahge Gomora hwankti jens phang los las hauh dwang mas tsain gyoh tyamp. Luiq los bang gas boms pheh phang loh. 11Ung bang gas Sodom yahge Gomora wus mas dah zisyos dvnganh, zokho dvnganh yoeus las loh. 12Sodom mas nyeis, Abram dah vnoeuh lo Lot yahge nyah zisyos eq tsain yoeus loh.
13Hou mhayah phang luiq los soeu dvyuk gas, Hebre dius Abram lyis los taiq kyoh. Ashkol yahge Aner dah vmang, Amori dius Mamre ge soeu dah terebin zains nvm mas nyeis. Nyamoq gas Abram yah buisnoms kuot toh bang nghuot. 14Abram gas nyah vnoeuh lo nyhik loh cho xauhgyo lyis, nyah yhen mha mui toh dius somhxo dvci xet yuk shwih las Dan wus jweh shoq chank khat. 15Nyenh lyis, nyang yahge nyah jons jens vphung phung gvm zis yah zan las Damasku wus dah mautsung shot pheh Hoba wus jweh shoq chank khat. 16Housoeh nyamoq gas zan yoeus dah Lot eq, nyah zisyos eq, vmesbih jens eq, wugungs dius jens eq yoh doms tyungh shwih los.
Melkhizedek Shvmanh
17Abram gas Khedolaome yahge gohtoeu hwankti jens lyis ung khoq las tauh los uhlyis Sodom hwankti ka nyang lyis zes das ge, Hwankti langhkhau ge dah Shawe mas thuq e. 18Salem hwankti Melkhizedek eq ohlhyoq yahge zvbiq chi e; nyang gas nyhang thank Mangso dah phudyei soeu nghuot.#Heb 7.1-10 19Nyang Abram lyis shvmanh las taiq zis gas, Maukhung nyeisjvng Yhensain Nyhang Thank Mangso ka Abram lyis shvmanh dyei bas jungh: 20Nah jeswus jens lyis nah loq mas kyauh los dah Nyhang Thank Mangso eq ngelhoq bas jungh, ge. Abram eq nyang yoh los masyah ciboms dvboms nyang lyis dyei.
21Sodom hwankti ka Abram lyis, Ngos lyis hauh dius tsain dyei las nvng gas zisyos yoeus aq, ge.
22Abram Sodom hwankti lhyi taiq zis gas, Ngos Abram lyis dis nhang goeus oen nvng taiq chank ma bos bas jungh, 23khyingshoq dvdoeus eq, thyvkoq twih dvkhvt eq nvng yoh masyah ngos cha eq ma yoeus, oen maukhung nyeisjvng Yhensain Nyhang Thank Mangso xikkhonh mas ngos maukhi. 24Nghuot laus eq loyvm jens zo goeus zis yahge Aner, Eshko yahge Mamre pheh ngos yah dvgeh loh bang nyamoq yoh los dah zisyos gas nyamoq gvmboms yah dvyhangteh yoeus loh bas jungh, ge.
Atualmente selecionado:
VPOM 14: NCB
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Ngochang Common Language Bible © Bible Society of Myanmar, 2010.