Lukas 10
10
Sinuu' ni Yisus turu nopulu om duo mompomaid Niyo ri
1Nopupus iri, momilio yo si Yisus turu nopulu om duo koyuwan sondiang ko' iri opulu om duo pinongoorapan Niyo ri,#10:1: turu nopulu om duo; so tinu-tinu solinan, turu nopulu. om suuo yo Niyo soro duo-duo koyuwan mogulu so Iyo so bandar om kampung koinginan Niyo lumoga'. 2Mutongaro yo Iyo so nosiro nu, “Maayo po poroyon, nga owako momaroi. Owarong mindamo toko so songapan nu poroyon oono su' monuu' Iyo nu lobuw suang momaroi.#Mat 9:37-38 3Panou kou yo! Suu'on Ku kou soko uyog nu dumba mian so tontong nu lobuw oraai, iri soko ingongansad.#Mat 10:16 4Adang kou yo mongowit nu jumpit intawa ombubut poianan nu sodaka, intawa kasut. Om adang-o mokimutangar-tangar so lobuw osambat muyu so lolanon. 5Bang masuw kou so waloi nu lobuw, tongaro muyu po laid nu, ‘Muda-mudaan ong oborokatan-a nu Kinoringan lobuw so waloi iitu,’ koo yo muyu ya. 6Bang pologa'on kou ya, koogol-a borakat oono nai so nosiro. Nga bang dai kou pologa'on nosiro, dai borokatan nosiro nu Kinoringan. 7Siombo-ombo ya pologa'an so kou, mogol-o nai, om okano om inumo muyu yo onu yo po nipolak so kou no, so' otoop ong gojian lobuw mugogoma'on, om ono yo soko gaji muyu. Ikod kou yo pupinda-pinda dii-tuui nu woloyan.#1 Kur 9:14; 1 Tim 5:18 8Bang lumombus kou so bandar om pologa'on kou ya nai, okano muyu yo onu yo po nipolak so kou no, 9om polii muyu yo lobuw morosakit nai no, om tongaro muyu nosiro nu, ‘Dai yo olaid mogkuasa Kinoringan so kou,’ koo yo muyu ya. 10Nga bang mian kou so ido bandar om dai kou pologa'on nai, ian kou ya so ongo alun-alun om putangar kou nu, 11‘Insan koris so bandar muyu kokapit so akod mai tu, tontagon mai ya pongoondoman muyu nu oinsaadan kou nu Kinoringan. Orotio muyu yo nu, dai yo olaid mogkuasa Kinoringan so kou soko raja, nga dai kou ya poimaid!’ koo yo muyu ya.#Mat 10:7-14; Mrk 6:8-11; Luk 9:3-5 #P'rapan 13:51 12Obaran Ku kou nu, so Runat Pongukuman, ogaan po ukuman nu Kinoringan so bandar Sodom ko' ukuman so bandar oono,” koo si Yisus.#Pgn 19:24-28; Mat 10:15; 11:24
Tinu-tinu bandar d'ado lobuw poimaid
so si Yisus
(Mat 11:20-24)
13Mutongaro yo si Yisus nu, “Aagut kou yo su lobuw Kurajim! Aagut kou yo su lobuw Baitsaida! Bang dii so Tirus om Sidun su kinourugan nu koiran-iran nosiou muyu oono, tantu olaid-o nosiro rinumorogo momaal nu koraayan.#Yis 23:1-18; Ijik 26:1—28:26; Yl 3:4-8; Am 1:9-10; Ja 9:2-4 14Nga bang ologa' Runat Pongukuman, ogaan po ukuman so Tirus om Sidun ko' ukuman so kou. 15Om kou su lobuw Kapornaum, intaman muyu bo gaam ong popongkaton kou sampai so surga? Dai! Ala' nai' niada' kou so noraka!” koo si Yisus.#Yis 14:13-15
16Mutongaro po si Yisus so mompomaid Niyo ri nu, “Isai mongkinongou so kou, mongkinongou-a so Aku, om isai monulak so kou, monulak-a so Aku. Om isai monulak so Aku, monulak-a so Iyo, ono minonuu' so Aku no,” koo si Yisus.#Mat 10:40; Mrk 9:37; Luk 9:48; Yns 13:20
Kinouli'an nu turu nopulu om duo sinuu'
ni Yisus
17Nopupus iri, nokouli' yo turu nopulu om duo#10:17: turu nopulu om duo, so tinu-tinu solinan, turu nopulu. sinuu' ni Yisus, om sobana ko nosudu'an nosiro. Mongoobaro yo nosiro so Iyo nu, “Oo Tuhan, insan komoinatan-i musimaid susubon mai mongorait nu ngaran Mu no,” koo.
18Mutongaro yo si Yisus so nosiro nu, “Nokosiou Aku nu Wowaidon nu Moinat noratu kiat so surga olangkas soko kudilop. 19Indadi, rongowo muyu yo, tinaakan Ku yo kou nu kuasa mongingkag nu topirik om tompoluluu, om kuasa mongolawan nu alod-alod, sampai d'ado kopongoraai so kou.#Lgu 91:13 20Soko ono pona, ikod kou yo ponginsudu'an pudi musimaid komoinatan-o so kou, nga ponginsudu'an kou yo so' nokodaptar-o ngaran muyu no so surga,” koo.
Nosudu'an si Yisus
(Mat 11:25-27; 13:16-17)
21Iya iiri, sobana ko nosudu'an si Yisus so' kinuasa nu Atod nu Kinoringan, om mutongaro yo Iyo nu, “Oo Amo songapan nu tana' om langit tu, munsopot Aku so Ikau, so' kiawi' pontudukan nisusut Mu so lobuw kipongoorotian om kikoilaan, nga pinointolang Mu so lobuw d'ado oilo-ilaan soko lolaing, so' ono yo su koinsanang nu inawo Mu.
22Kiawi' nga nitaak Mu yo so Aku, om d'ado ido kotondu' so Aku, Anak Mu sondiang ko Ikau, om d'ado ido kotondu' so Ikau sondiang ko Aku, Anak Mu om lobuw koinginan Ku potondu' so Ikau-o,” koo si Yisus.#Yns 3:35; 10:15
23Nopupus iri, tumingkuango yo si Yisus so mompomaid Niyo ri om mutongaro yo so nosiro nu, “Sobana ko ountung kou so' nokosiou kou nu onu yo po pinuwaal Ku nu ono sono tu. 24Mongaabar Aku so kou nu, osuang poo'abar nu Kinoringan om raja nu gulu ri minokisisiou nu onu yo po nosiou muyu nu kosiono tu, nga dai nosiro nokosiou. Om minokirorongou-a nu onu yo po norongou muyu kosiono tu, nga dai ya nokorongou,” koo si Yisus.
Salig-salig suat nu lobuw Samaria
owarong inawo
25Ido runat, kininaman si Yisus nu moomontuduk nu Ukum nu, “Oo Guru, onu ka otoop waalon ku su' kikowiawan aku musingkolaid maid so Kinoringan?” koo.
26Sumombuto yo si Yisus nu, “Onu ka nokosurat so Buuk nu Kinoringan? Onu pongoorotian mu?” koo.
27Sumombuto yo moomontuduk iiri nu, “Somodi yo Kinoringan nu otoroido inawo, so ontob-ontob nu kudarat mu no, so ontob-ontob nu pogokalan mu, om somodi yo inong mu soko poonamod mu nu kondiri,” koo.#Ot 19:18; Pom 6:5
28Mutongaro yo si Yisus nu, “Bana ya tangar mu no. Waido yo ono su' kikowiawan ko musingkolaid,” koo.#Ot 18:5 #Mat 22:35-40; Mrk 12:28-34
29Nga minusinduat-duat po moomontuduk iiri nu, “Isai ka su inong ku lobuw?” koo.
30Sumombuto yo si Yisus nu, “Kuwai ido lobuw kiat so Yirusalim sundur so Yiriku. Laid niyo manou-panou, rinompukan sono iyo nu lobuw raai. Sinolod nosiro onu yo po inowit niyo ri om linubak, ogon-ogon matoi om linaiwan nai'. 31Iya iiri, tinumalib ido imam dii. Nosiou-a niyo lobuw nosaadan-i, nga sinumondipau-a so lalan-i om tinoliban-a. 32Ido po lobuw Yaudi, solusuk ni Liwi tinumalib dii. Rumonio yo iyo so lobuw nosaadan iiri monsiou, nga sumondipawo yo so lalan-i om lumombuso yo. 33Nga ido lobuw Samaria minompanou dii. Pogsiou niyo nu lobuw nosaadan iiri, noluluudan sono iyo. 34Rumonio yo iyo so lobuw iiri om ugasi yo niyo pilat-i nu sungoi nu anggur, om ubati yo. Noopod iri, ongkoso yo niyo pilat-i. Gondari yo niyo lobuw iiri so koladai niyo ri, om owito yo so waloi sisiwaan om inubatan nai' sobana.#2 Kot 28:15 35Susuab-i, taaki yo nu lobuw Samaria ri duo nokaping siin pirok iri songapan nu waloi siniwaan niyo ri, om tongaro yo nu, ‘Ubati yo lobuw iitu, om bang dai po kosukup siin iitu, borayan ku ya ikau ong kopululi' aku tuui,’ koo lobuw Samaria ri,” koo si Yisus.
36Duato yo sono Niyo moomontuduk iiri nu, “So ponokodan mu, kiat so tolu koyuwan iiri, isai yo ka su inong lobuw noluluudan nu nosaadan iiri?” koo.
37Sumombuto yo moomontuduk-i nu, “Iri minonabang so iyo,” koo.
Mutongaro yo si Yisus nu, “Panou-o, om pomaal-o nu soko iri!” koo.
Inondaa ni Yisus so si Marta om si Maria
38Ido runat minompanou si Yisus om mompomaid Niyo ri, nokologa' nosiro so ido kampung. So kampung iiri, kuwai ido woinoi ngaran niyo si Marta, nopaambai so si Yisus so waloi niyo ri. 39Si Marta kisulod nu woinoi, ngaran niyo si Maria. Mogomo yo sono si Maria so obi' ni Yisus mongkinongou nu pontudukan Niyo ri,#Yns 11:1 40nga si Marta oogutan, so' monginoogou iyo mugogoma'on. Tuminongo yo sono iyo dii si Yisus om mutongaro yo nu, “Oo Tuhan, posimaidan Mu ya ka sulod ku no dai tumabang so aku mugogoma'on? Potobango po iyo so aku!” koo.
41Sumombuto yo si Yisus nu, “Adii, ikau Marta! Osuang ong dikau tu kogogawan om koogutan. 42Bana yo, ido yo su oogot om pinili' yo ni Maria onu yo po owarong, nu dai osolod nu lobuw wokon,” koo si Yisus.
Atualmente selecionado:
Lukas 10: TomPWPgLgPn
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2023 (Active), Wycliffe Bible Translators, Inc. All rights reserved.