ಯೊಹಾನ ವಳಕ
ವಳಕ
ಯೊಹಾನ ಬರ್ದಲ ಸುವಾರ್ತೆ ನವಾ ವಡಂಬಡಿಕೆಮಾ ಚಾರಮಾ ಯಕ್ಕ ಥಯುಸ ವರಿ ಎ ಸುವಾರ್ತೆ ಯೆಸುನಿ ಜಿವನನಿ ಚರಿತ್ರೆನಾ ಹುತಿ ಕವಸ. ಎ ಕ್ಹಾರಾ ಬುಕ್ಕೊ ಸುವಾರ್ತೆ ಕೈನ ಕವೈಲಿದ್ಯಾಸ. ಸುವಾರ್ತೆ ಕದ್ಯಾಮ ಚೊ಼ಕಿ ವಾತೊ ಎ ಸುವಾರ್ತೆ ಬುಕ್ಕೊ ಯೆಸು ಮರಲ ಪರ ಮತ್ತಾಯ, ಮಾರ್ಕ, ಲುಕ, ಯೊಹಾನ ಇವ್ನಾಕ್ಹು ಬರ್ದಲ ವ್ಹೈ. ಯೊಹಾನ ಬರ್ದಲ ಸುವಾರ್ತೆ ಯೆಸು ಹುಟ್ಟಿನ 90 ವರಕ್ಹ ಥಯಲ ಪರ ಅಪೊಸ್ತಲ ಥಯಲ ಯೊಹಾನ ಬರ್ದಲ ವ್ಹೈ. ಎ ಬುಕ್ಕ ಯೊಹಾನ ಬರ್ದ್ಯೊಸ ಕವಾನು ನೈ ದೆಕಾಡಿನ ದೆತು. ತೆನೈಸೊ ಬರ್ದಲ ತರಿಕೊ 1 ಯೊಹಾನ 2 ಯೊಹಾನ 3 ಯೊಹಾನ ಪತ್ರಿಕೆಮಾ ಘನ್ನಿಯೊ ಕದಲ ಛೆ ಜು಼ನ್ನಾ ಬರ್ದಲವಾಲೊ ಎ ಟೈಮ್ಮಾ ಯೊಹಾನ ಎಫಿಷಿಮಾ ಎ ಸುವಾರ್ತೆ ಬರ್ದಲ ವರಿ ಜಿವ್ನಾ ಕರ್ತೊ ವಸೆ ಕೈನ ಕವಸ.
ಯೊಹಾನನಿ ಎ ಸುವಾರ್ತೆನೆ ಖಾಸ ಉದ್ದೆಶ ಸು ವ್ಹೈ ಕದ್ಯಾಮ ಮನಕ್ಹೊ ಯೆಸು ಕ್ರಿಸ್ತ ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರೊ ವ್ಹೈ ಕೈನ ಬರೊಕ್ಹೊ ಕರಾನೆ ಸಹಾಯ ಥಾವಾನಾ ಹುತಿ ಎ ಬರೊಕ್ಹೊ ಕರಾನಾ ಮುಕಾಂತರ ತಿನಾ ನಾಮಪರ ಅಪ್ನೊ ಜ಼ಲಮ ಛೆ. ದೆಕ ಎ ಸುವಾರ್ತೆ ಯಹುದ್ಯೊಪರ ವರಿ ಯೆಹುದಿ ನೈಸೊವಾಲಾವೊನಾ ಬರ್ದಲ ವ್ಹೈ. ಯೊಹಾನನಿ ಸುವಾರ್ತೆ ಬಿಜಿಯೊ ತನ್ನ ಸುವಾರ್ತೆ ತಿಬಿ ಫರಕ ಛೆ. ಕಾಕದ್ಯಾಮ ಯೊಹಾನ ಯೆಸು ಕರಲ ಅದ್ಭುತನಾ ಹುತಿ ಧ್ಯಾನ ದಿದ್ಯೊಸ ವರಿ ತಿನು ಸಾಮ್ಯನಾ ಹುತಿ ತೆಕ್ಲು ಬರ್ದ್ಯೊ ನತ್ತಿ. ವರಿ ಎ ಸುವಾರ್ತೆ ಖಾಸ ಸಂಗತಿಯೊ ಯೆಸುನಿ ಬಾಪ್ತಿಸ್ಮ ವರಿ ಯೆಸುನು ಉಸುಕನಿ ಜಿಮಿನಪರ ಥಯಲ ಪರಿಕ್ಷಾನಾ ಹುತಿ ಬರ್ದ್ಯೊ ನತ್ತಿ.
ಪಿಠಿಕೆ
1. ಯೊಹಾನೆ ಸುವಾರ್ತೆ ಮಾ ಶುರು ಕರ‍್ಯೊಸ 1:1-18
2. ತೆ ಥಯಲ್ಪರ ಯೆಸು ಕರಲ ಘನ್ನಾ ಅಧ್ಭುತನಾ ಹುತಿ ಬರ್ದಲ ಛೆ 1:19; 12:50
3. ತೆ ಥಯಲ್ಪರ ಯೆಸುನಾ ಜಿವನ್ನಾ ಹುತಿ ಥಯಲ ಘನ್ನಿಯೊ ಸಂಗತಿಯೊ ವರಿ ತಿನು ಮರಣನಾ ಹುತಿ ವರಿ ಪುನಾರುತ್ಥಾನಾ ಹುತಿ ತಿಳಸೈನ ದಿದ್ಯೊಸ 13:1—20:31
4. ಯೊಹಾನ 21 ಅದ್ಯಾಯಮಾ ಯೆಸು ಪುನರುತ್ಥಾನ ಥೈನ ಮನಕ್ಹೊನೆ ದಿಕ್ಹಲ ವರಿ ಎ ಪುಸ್ತಕನೊ ಉದ್ದೆಶ ಸು ವ್ಹೈ ಕೈನ ಎ ಸುವಾರ್ತೆ ಪುರಾ ಕರಸ 21:1-25
Atualmente selecionado:
ಯೊಹಾನ ವಳಕ: NTSrr23
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
The New Testament in Sikkiligar Language © The Word for the World International and Sikkiligar Bhasha Samiti, Madhya Pradesh, 2023