Génesis 13
13
Abram la yijq'uitay sba soc Lot
1Jich loc' tel ta Egipto te Abram, been bael c'alal ta sq'uinal Néguev soc yinam soc spisil bitic ay yu'un. Sjoinej bael te snichun Lot. 2Ay bayal sc'ulejal te Abram, ay bayal xchamsbalam, soc ay bayal oro soc plata yu'un. 3C'ax tel ta Néguev, c'unc'un c'ot ta Betel ta bay la stejc'an snailpac' ta neelal, olil be ay yu'un Betel soc yu'un Hai. 4Te banti la spasbey scajtijib ta chiq'uel smajt'an Dios ta neelal, tey la yalbey wocol a te Cajwaltique.
5Te Lot te sjoinej ta beel te Abrame, jich nix ay bayal xchij soc swacax soc ay bayal nailpaq'uetic yu'un. 6Te q'uinal te banti ayique, ma tic'uc ya x'ainic ta xchebalic a, melel bayal te xchamsbalamique, jich yu'un ma spas te jun nax ya x'ainic a te q'uinale. 7Te jcanan-chambalametic yu'un te Abram la yut sbaic soc te jcanan-chambalametic yu'un Lot. Tey nix nainemic a te cananeoetic soc te ferezeoetique. 8Te Abram jich la yalbey te Lote:
—Ma me jpas jbajtic ta contro, te melel quermano jbajtic. Ma me scontroin sbaic te jcanan-chambalametic cu'untique. 9¿Ma bal muc'uc te q'uinale? Bayuc ya xju' ya xbaat. Ya calbat wocol yacuc quijq'uitay jbajtic, teme stojol norte ya xbaat te ja'ate, stojol sur ya xboon te jo'one, teme stojol sur ya xbaat te ja'ate, stojol norte ya xboon te jo'one —xi'.
10Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile,#Gn 2.10. ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.) 11Jich yu'un te Lot ja' la smulan sq'uinalin spisil te spamlej yu'un Jordán. Been bael ta stojol sloq'uib c'aal te Lot, jich la yijq'uitay sbaic. 12Te Abram tey jil ta nainel ta sq'uinal Canaán stuquel. Yan te Lot tey c'o nainuc ta lumetic ayic ta spamlej, nopol ay ta lum Sodoma. 13Ja'uc me to, amen yat'elic te yajwal lum Sodoma, mero jmulawiletic ta stojol te Cajwaltique.
14Te c'alal q'uejel bajt'ix a te Lote, jich albot yu'un Cajwaltic te Abram:
—Toya asit, ilawil spisil te q'uinal ta sjoyobal ta bay teq'uelate, c'alal ta stojol norte, c'alal ta stojol sur, c'alal ta stojol sloq'uib c'aal, c'alal ta stojol smalib c'aal. 15Melel spisil te q'uinal te chican ta asit ya awile, ya me cac'bat aq'uinalin soc ats'umbal ta sbajt'el ora.#Hch 7.5; Gá 3.16. 16Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale. 17Jajch'an jiche, oclina te q'uinale, te bi yilel smuc'ul soc te bi yilel sjamalule, yu'un ya me cac'bat aq'uinalin —xi' sc'oplal.
18Jich te Abram la syantesbey yawil te scampamento, c'o ainuc ta jijte'eltic yu'un Mamre, te ay ta nopol lum Hebrón. Tey la spasbey scajtijib ta chiq'uel smajt'an Cajwaltic a te la yac'bey milbil smajt'an ta yalel wocol.
Atualmente selecionado:
Génesis 13: TZOXCH
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Biblia en Tzeltal de Oxchuc y Tenejapa © Sociedad Bíblica de México, A.C., 2001.