Genesis 15
15
1 Duw yn cysuro Abram. 2 Abram yn cwyno nad oedd ganddo etifedd. 4 Duw yn addo mab iddo, ac amlhau ei had ef. 6 Abram a gyfiawnheir trwy ffydd. 7 Addewid o wlad Canaan drachefn, a’i gadarnhau trwy arwydd, 12 a gweledigaeth.
1Wedi’r pethau hyn, y daeth gair yr Arglwydd at Abram mewn gweledigaeth, gan ddywedyd, Nac ofna, Abram; myfi ydyw dy #Salm 3:3; 5:12; 84:11; 91:4; 119:114darian, dy #Salm 16:5wobr mawr iawn. 2A dywedodd Abram, Arglwydd Dduw, beth a roddi di i mi? gan fy mod yn myned yn ddi‐blant, a goruchwyliwr fy nhŷ yw Eleasar yma o Damascus. 3Abram hefyd a ddywedodd, Wele, ni roddaist i mi had; ac wele, fy nghaethwas fydd fy etifedd. 4Ac wele air yr Arglwydd ato ef, gan ddywedyd, Nid hwn fydd dy etifedd, onid un a ddaw allan o’th ymysgaroedd di fydd dy etifedd. 5Ac efe a’i dug ef allan, ac a ddywedodd, Golyga yn awr y nefoedd, a rhif y sêr, #Jer 33:22o gelli eu cyfrif hwynt: dywedodd hefyd wrtho, #Exod 32:13; Deut 10:22; 1 Cron 27:23; Rhuf 4:18; Heb 11:12; Edrych Pen 13:16Felly y bydd dy had di. 6Yntau #Rhuf 4:3, 9, 22; Gal 3:6; Iago 2:23a gredodd yn yr Arglwydd, ac efe #Salm 106:31a’i cyfrifodd iddo yn gyfiawnder. 7Ac efe a ddywedodd wrtho, Myfi yw yr Arglwydd, yr hwn a’th ddygais di allan o #Pen 11:28Ur y Caldeaid, #Salm 105:42i roddi i ti y wlad hon i’w hetifeddu. 8Yntau a ddywedodd, Arglwydd Dduw, #Edrych Pen 24:13, 14; Barn 6:17, 37; 1 Sam 14:9, 10; 2 Bren 20:8trwy ba beth y caf wybod yr etifeddaf hi? 9Ac efe a ddywedodd wrtho, Cymer i mi anner dair blwydd, a gafr dair blwydd, a hwrdd tair blwydd, a thurtur, a chyw colomen. 10Ac #Jer 34:18efe a gymerth iddo y rhai hyn oll, ac a’u holltodd hwynt ar hyd eu canol, ac a roddodd bob rhan ar gyfer ei gilydd; ond #Lef 1:17ni holltodd efe yr adar. 11A phan ddisgynnai yr adar ar y celaneddau, yna Abram a’u #15:11 gyrrai ymaith.tarfai hwynt. 12A phan oedd yr haul ar fachludo, y syrthiodd trymgwsg ar Abram: ac wele ddychryn, a thywyllni mawr, yn syrthio arno ef. 13Ac efe a ddywedodd wrth Abram, Gan wybod gwybydd, #Exod 12:40; Act 7:6y bydd dy had di yn ddieithr mewn gwlad nid yw eiddynt, ac a’u gwasanaethant, a #Exod 1:11hwythau a’u cystuddiant bedwar can mlynedd. 14A’r genhedlaeth hefyd yr hon a wasanaethant, a farnaf fi: ac wedi hynny #Exod 12:36; Salm 105:37y deuant allan â chyfoeth mawr. 15A thi a ei at dy dadau mewn heddwch: #Pen 25:8ti a gleddir mewn henaint teg. 16Ac yn #Exod 12:40y bedwaredd oes y dychwelant yma; canys ni chyflawnwyd eto anwiredd yr Amoriaid. 17A bu, pan fachludodd yr haul, a hi yn dywyll, wele ffwrn yn mygu, a lamp danllyd yn tramwyo rhwng y darnau hynny. 18Yn y dydd hwnnw #Pen 24:7y gwnaeth yr Arglwydd gyfamod ag Abram, gan ddywedyd, #Pen 12:7; 13:15; 26:4; Exod 23:31; Num 34:3; Deut 1:7; 11:24; 34:4; Jos 1:4; 1 Bren 4:2; 2 Cron 9:26; Neh 9:8; Esa 27:12I’th had di y rhoddais y wlad hon, o afon yr Aifft hyd yr afon fawr, afon Ewffrates: 19Y Ceneaid, a’r Cenesiaid, a’r Cadmoniaid. 20Yr Hethiaid hefyd, a’r Pheresiaid, a’r Reffaimiaid, 21Yr Amoriaid hefyd, a’r Canaaneaid, a’r Girgasiaid, a’r Jebusiaid.
Atualmente selecionado:
Genesis 15: BWM1955C
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society