NAANAA 4

Kainu kũ Habilao

1Adamu a nanɔ Awau dɔ̃̀ nɔgbɛ̃ ũ, akũ à nɔ̀ɔ sì à Kainu ì. Akũ à pì: Ma gɔ̃gbɛ̃ ì kũ Dikiri gbãnao. 2Akũ à a dakũna Habila ì dɔ. Habila kɛ̀ sãdãri ũ, Kainu sɔ̃ à kɛ̀ búbari ũ. 3Zĩkea Kainu sù kũ a burapɔnɔo gba ũ Dikirinɛ. 4Habila sɔ̃ à sù kũ a sãnɛ káaku mɛ̀kpanaao. Habila yã kà Dikirigu, akũ à a gba sì. 5Kainu sɔ̃ a yã dí kɛ Dikirinɛro, akũ adi a gba síro. Akũ Kainu pɔ fɛ̃̀ manamana a ãnn sìsi. 6Akũ Dikiri pì Kainunɛ: Bɔ́yãi n pɔ fɛ̃̀ɛ? À kɛ̀ dera n ãnn yàkaa? 7Tó n yã mana kɛ̀, mani n síroo? Tó ńdi yã mana kɛ sɔ̃ro, durunna natɛnnɛ n kpɛ́lɛlɛa. N ni tɛni a dɛ, séde ǹ zĩ̀ blea.

8Akũ Kainu pì a dakũna Habilanɛ: Ò gɛ́ sɛ̃̀n. Kũ ò kà gwe, akũ à fùtɛ a dakũnai à a dɛ̀. 9Dikiri Kainu là à pì: Mán n dakũna Habila kunn? À wèa à pì: Má dɔ̃ro. Ma dakũna dãkpãriin ma ũ yá? 10Akũ Dikiri pì: Bɔ́n n kɛ̀ɛ? N dakũna aru tɛn lɛ́ zumai zaa zĩtɛ gũn mà zɛ kãao. 11Tera sà ĩnigɔ̃ láari pɔ́ ũmɛ, ĩnigɔ̃ zã̀ kũ zĩtɛ kũ à n dakũna aru mì n ɔĩo. 12Tó n bú bà, zĩtɛ ni kararo. Ĩnigɔ̃ sɔ̃sɔ̃ gu kũ guo ǹgɔ̃ likara andunia gũn. 13Akũ Kainu pì Dikirinɛ: Wari bire gbãna demala, mani fɔ̃ro. 14Ntɛn pɛ́ma zĩtɛ la gbãramɛ sà. Mani kɛ̃kɔ̃a kũnwo sà. Manigɔ̃ sɔ̃sɔ̃ gu kũ guo màgɔ̃ likara andunia gũn, gbɛ̃ kũ à kpàkũn kũmao ni ma dɛ. 15Akũ Dikiri pìnɛ: Lɛnlo! Tó gbɛ̃ n dɛ, oni mɔra káa gɛ̃̀n supplamɛ. Akũ Dikiri wãnzãn ke kɛ̃̀ Kainua, de gbɛ̃ kũ à kpàkũn kãao sún a dɛro yãi. 16Akũ Kainu dà zɛ́n à kɛ̃̀ Dikiria. À gɛ̀ɛ à vùtɛ Nɔdu bùsun Ɛdɛni ifãboki kpa.

17Kainu wùtɛ kũ a nanɔo, akũ à nɔ̀ɔ sì à Ɛnɔku ì. A gbɛra Kainu wɛ̃tɛ kàtɛ, akũ à a nɛ́ pì tɔ́ kpà wɛ̃tɛ pìinɛ. 18Ɛnɔku Irada ì, Irada Mɛuyaɛli ì, Mɛuyaɛli Mɛtusaɛli ì, Mɛtusaɛli Lamɛki ì. 19Lamɛki nɔ sɛ̀ mɛ̀n pla, a do tɔ́n Ada, a do Zila. 20Ada Yabala ì. Àkũmɛ pɔ́dãri kũ òdigɔ̃ kú bizakuta gũnnɔ dizi káaku ũ. 21A dakũna tɔ́n Yubala. Àkũmɛ mɔrɔlɛrinɔ kũ úrapɛrinɔ dizi káaku ũ. 22Zila sɔ̃, akũ mɛ́ à Tubala Kainu ì. Siaamɛ a ũ. Àdi pɔ pínki pi kũ mɔ̀sio kũ mɔ̀gotɛ̃o. A dãre tɔ́n Naama. 23Akũ Lamɛki pì a nɔnɔnɛ:

Ada kũ Zilao, à ma yã ma,

ma nɔnɔ, à sã kpá ma yãi.

Gbɛ̃ke ma kĩnna, akũ ma a dɛ̀,

kɛfɛnna pì ma lɛmɛ, akũ ma a wɛ̃̀ndii bò.

24Tó oni Kainu fĩna bonɛ gɛ̃̀n suppla,

makũ Lamɛki ma pɔ́ sɔ̃,

gɛ̃̀n baaakɔ̃ akuri awɛɛsupplamɛ.

25Adamu wùtɛ kũ a nanɔo dɔ, akũ à nɛ́gɔ̃gbɛ̃ ì. À tɔ́ kpànɛ Sɛti à pì, Luda a gba nɛ́ pãnde Habila kũ Kainu a dɛ̀ gɛ̃nɛ ũmɛ. 26Sɛti sɔ̃ à nɛ́gɔ̃gbɛ̃ ì, akũ à tɔ́ kpànɛ Ɛnɔsu. Zaa zĩ birean ò nà Dikiri sísinaaa.

Atualmente selecionado:

NAANAA 4: BB2005

Destaque

Partilhar

Copiar

Quer salvar os seus destaques em todos os seus dispositivos? Faça o seu registo ou inicie sessão

Aprenda Mais Sobre Bisã Bible 2005

NAANAA 4

Versículos bíblicos populares de
NAANAA 4

Bíblia:

Busa

Versão: Bisã Bible 2005 - BB2005

NAANAA 4

NAANAA 4

Versículos bíblicos populares de NAANAA 4

Bíblia:

Busa

Versão: Bisã Bible 2005 - BB2005

NAANAA 4

Versículos bíblicos populares de
NAANAA 4