Toango 10
10
Bana baki bana bʼaende ba Noa
(1 Bes 1.5-23)
1Bine wae biotswelo bia bana ba Noa, Seme, Ama la Yefete; banʼane bʼaende baotswaki elʼiyo ndʼafeka ba mpela. 2Bana bʼaende ba Yefete baki: Ngomele, Mangonga, Madai, Yawana, Tubala, Meseke la Tilasa. 3Ko bana bʼaende ba Ngomele baki: Asekenaza, Lifata, la Tongaluma. 4Ko bana bʼaende ba Yawana baki: Elisa, Talusisa, Kitima, la Dodanima. 5Limʼele bane banto baofanzwa nda bikole, la nda bise bikiyo, wengiʼanto la lofoso lokiyo la tolongo tokiyo la beloi bekiyo.
6Bane bale bana bʼaende ba Ama; Kusa, Miselaima, Futa la Kanana. 7Bana bʼaende ba Kusa baki: Seba, Awila, Sabeta, Lama la Sabete ka. Ko bana bʼaende baki Lama baki; Seba la Dedana. 8Ko Kusa aotaki Nimeloda: ende aki bonto owa joso okakaki la mpamba ndʼokili. 9Ende aki boengi owa mpamba nda joso ja Yawe; la ncinʼeko banto batefela, Ngole Nimeloda, boengi owa mpamba nda joso ja Yawe. 10Iango ya likulaka likae iki Babela, Eleke, Akada la Kalene; bakʼauma ndʼokili wa Sinala. 11Aolola limʼokiliʼoko, ko aocwa nda Asulia, ko aotonga Ninewe la Lobotila la Kala, 12la Sesene ndatsa Ninewe la Kala (boko bole bonanga wʼonene mongo). 13Ko Miselaima aotaki Ludima, Anamima, Leabima, Nafatuima, 14Patelusa, Kasaluima (Ba-Pelesete baotswa limʼelʼiyo), la Ba-Kafatola.
15Kanana aotaki Sidona, nsomi ekae, ko la Ete, 16ko la Ba-Yebusa, Ba-Amola, Ba-Ngilingasa, 17Ba-Iwa, Ba-Aluka, Ba-Sina, 18Ba-Aluwada, Ba-Semala, la Ba-Amata. Ndʼafeka baoci ba Kanana baofalangana. 19Ko belelo bia Ba-Kanana beki lima Sidona la mboka ecwa Ngelala elaka nko Ngaza: la nda mboka ecwa Sodomo, Amola, Adema, Seboima elaka nko Lasa. 20Bane bale bana bʼaende baki Ama, elengʼeki baoci bakiyo la mposo ikiyo, bekili bekiyo ko la bise bikiyo.
21Ko bana baotswa ele Seme o ngoko, ko ende aki ise ea Ba-Ebele bauma, ko la botomolo owa Yefete. 22Bana bʼaende baki Seme baki: Elama, Asula, Alufakasada, Luda la Alama. 23Bana bʼaende baki Alama baki; Uza, Ula, Ngete le, la Masa. 24Ko Alufakasada aoota Sela, ko Sela aoota Ebele. 25Bana bʼaende bafe baootswa ele Ebele; lina jʼomo liki Pelenge, la ncina eki bokili okafwanaka ndʼembile bekande: ko lina jʼonkina liki Yoketana. 26Yoketana aoota Alemodada, Selefe, Asalamaweta la Yela, 27la Adolama, Uzala, Dikala, 28Obala, Abimaele, Seba, 29Ofili, Awila, la Yobaba; bane bauma baki bana bʼaende ba Yoketana. 30Bokili bokʼiyʼofetsaka boleka lima Mesa nda mboka ecwa Sefala ndʼokili wa ngongo wa est. 31Bako bale bana bʼaende ba Seme, elengʼele tolongo tokiyo, la mposo ikiyo, bekili bekiyo, ko la bise bikiyo. 32Bako wae tolongo ta bana bʼaende ba Noa, elengʼeki baoci bakiyo nda bise bikiyo. Limʼele bantʼane beloi biʼanto baofanzwa ndʼokili ndʼafeka ba mpela.
Atualmente selecionado:
Toango 10: LOL87
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
La Bible en Lomongo © Societe Biblique de la R.D. Congo 1987