YOHANA LITANGILIRA
LITANGILIRA
Ivangeri kuli Yohana yang'oda imanyaa Yeso kuli Likuva lia Nyasaye lie mihiga ni mihiga; liamanya niligwa mundu kandi namenya harara ni kunyi (1:14). Kuli Kitabu chene kevoolaa, Ivangeri yiyi yang'odwa nikivuni ndi avandu valikosoma, vaduuki kusuuvira ndi Yeso aveeye muhonyi walagwa alaza, Mwana wa Nyasaye, kandi yavo avalisuuvira muye valakave ni livamwoyo (20:31).
Vutangiliru yivu nivumalirikaa, uvumanyia Likuva lia Nyasaye lie mihiga ni mihiga harara na Yeso; Kedonye chu kutanga chi Vangeli kimanyia vilolekizu lugano na lugano ndi Yeso aveeye muhonyi walagwa, mwana wa Nyasaye. Yaga galondwa ni lilwaza livaala vikolwa vivulikilaa mu vilolekizu. Kedonye chi kitabu yiki kevoolaa kuli vandu valala vasuuvira mu Yeso kandi nivagwa valondi veve, na vandi nivamuhingila kandi nivasuula kumusuuvira. Miliango ja 13—17 jiveeye namakuva mu vutambi kigira lihambanaa lia Yeso harara na vigi veve, muvudiku vwi ligumirwa lilie, kandi makuva geege gu kuvetegekiziramu kandi kuvadinyiriza naveeye ahimbi kuvambwa. Miliango jukumaliriza jivoolaa kigira ligumirwa ni liyavirwa lia Yeso, livambwa kandi lisimuguka lilie, kandi lielolekiza lilie ku vigi veve ni yakamala kusimuguka.
Makuva gu mukali yanyoolwa mu voheyi (8:1-11) gaviikwa harara kigira mang'oda manyingi gukutanga ni ligirung'anyia liu kutanga lialekwa, navuzwa mang'oda gandi gagaviika mu zimbega zindi.
Yohana adinyirizaa kihanwa chi livamwoyo kitahela mu Yeso Kristo, kihanwa kitangaa lwene yilu kandi kiiza kuyavo vavugilira Yeso kuli inzira, agiligali kandi livamwoyo (14:6). Chokogenyia ku Yohana mukutumikiraa vifananyi via kazozo kutura mulimenya lia vuli lidiku kumanyia agiligali ga Roho, kuli mazi, mugadi vulavu, mwayi na magondi geege, kandi milimi ji kizabibu na mazabibu gene.
Agaveeye mu kitabu yiki
Litangilira 1:1-8
Yohana Mubatizi na vigi va Yeso vukutanga 1:19-51
Miyinzi ja Yeso 2:1—12:50
Amadiku gukumaliriza mu Jerusalemi kandi ahimbi Jerusalemi 13:1—19:42
Lisimuguka, kandi Liloleka liu Mwami 20:1-31
Liloleka lindi mu Galilaya 21:1-25
Atualmente selecionado:
YOHANA LITANGILIRA: LOGOOLI
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
©Bible Society of Kenya, 2019