Litanga 5
5
1Yiki ni kitabu kyevisukululwi vya Adamu. Mu lidiku lya Nyasaye ya lomba mundu, mu lifwanana lya Nyasaye ya mu lomba; 2musatsa nomukali ya va lomba, na a va gasidza, na a va gulika lieta lyavo Adamu, mu lidiku yilyo lya va lombwa. 3Na Adamu ya hindira mihiga mia na makumi gavaka, na yivula muana muyai mu lifwana lilye,, noku livamwoyo lilye; na a mu gulika lieta lilye, Sethu: 4na madiku ga Adamu inyima wokwivula Sethu ga li mihiga tsimia tsitano na tsivaka: na yivula avayai navakana. 5Na madiku gosi ga Adamu ya hindira ga li mihiga tsimia tsitano na tsine na mihiga makumi gavaka: na a kudza.
6Na Sethu ya hindira mihiga mia na gyitano, na yivula Enosh: 7na Sethu ya hindira inyima wokwivuls Enosh mihiga tsimia tsitano na tsivaka na gyitano na gyiviri, na yivula avayai na vakana: 8na madiku gosi ga Sethu ga li mihiga tsimia tsitano na tsine na likumi na gyiviri: na a kudza.
9Kandi Enosh ya hindira mihiga makumi gatano na gane, na yivula Kenan: 10na Enosh ya hindira inyima wokwivula Kenan mihiga tsimia tsitano na tsivaka na likumi na gyitano, na yivula avayai navakana: 11na madiku gosi ga Enosh ga li mihiga tsimia tsitano na tsine na gyitano: na a kudza.
12Kandi Kenan ya hindira mihiga makumi gatano na gaviri, na yivula Mahalaleli: 13na Kenan ya hindira inyima wokwivula Mahalaleli mihiga tsimia tsitano na tsivaka na makumi gane, na yivula avayai navakana: 14na madiku ga Kenan ga li tsimia tsitano na tsine na likumi: na a kudza.
15Kandi Mahalaleli ya hindira mihiga makumi gatano na lilala na gyitano, na yivula Jaredu: 16na Mahalaleli ya hindira inyima wokwivula Jaredu mihiga tsimia tsitano na tsivaka na makumi gavaka, na yivula avayai navakana: 17na madiku gosi ga Mahalaleli ga li tsimia tsitano na tsivaka na makumi gatano na gane na gyitano: na a kudza.
18Kandi Jaredu ya hindira mihiga nia na makumi gatano na lilala na gyiviri, na yivula Enoka: 19na Jaredu ya hindira inyima wokwivula Enoka mihiga tsimia tsitano na tsivaka, na yivula avayai navakana: 20na madiku gosi ga jaredu ga li tsimia tsitano na tsine na makumi gatano na lilala na gyiviri: na a kudza.
21Kandi Enoka ya hindira mihiga makumi gatano na lilala na gyitano, na yivula Methusela: 22na Enoka ya genda halala na Nyasaye inyima wokwivula Methusela mihiga tsimia tsivaka, na yivula avayai navakana: 23na madiku gosi ga Enoka ga li tsimia tsivaka na makumi gatano na lilala na gyitano: 24na Enoka ya genda halala na Nyasaye: na si ya loleka; kigira Nyasaye ya mu yugula.
25Kandi Methusela ya hindira mihiga mia na makumi gatano na gavaka na gyitano na gyiviri, na yivula Lameku: 26na Methusela ya hindira inyima wokwivula Lameku mihiga tsimia tsitano na tsiviri na makumi gatano na gavaka na gyiviri, na yivula avayai navakana: 27na madiku gosi ga Methusela ga li mihiga tsimia tsitano na tsine na makumi gatano na lilala na gyitano na gyine: na a kudza.
28Kandi Lameku ya hindira mihiga mia na makumi gatano aa gavaka na gyiviri, na yivula muyai: 29na a mu gulika lieta lilye Nuhu na a vola, Uyu a la leminya myoyo gyetu mu miyinzi gyetu nomu likola lya makono getu, kigira lirova lya Yahova ya laama. 30Na Lameku ya hindira inyima wokwivula Nubu mihiga tsimia tsitano na makumi gatano na gane na gyitano, na yivula avayai navakana: 31na madiku gosi ga Lameku ga li tsimia tsitano na tsiviri na makumi gatano na gaviri na gyitano na gyiviri: na a kudza.
32Na Nuhu ya li nemihiga tsimia tsitano: na Nuhu yivula Shem, na Ham, na Jaiethu.
Atualmente selecionado:
Litanga 5: MBE
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
©Bible Society of Kenya, 1967