Kurug EBY'OKUSOBORRA
EBY'OKUSOBORRA
Okuruga, kitabu ky'ebyafaayo ebikuru muno eby'abaana ba Isirairi nibaruga omunsi Misiri ey'obwiru n'ebyabaire mu rugendo rwabo kuhika Kanaani.
Ekitabu kinu kirumu ebicweka ebikuru bbina: (1) Okulekerwa kw'Abahebburaayo kuruga mu bwiru; (2) Orugendo rwabo kuhika ha rusozi Sinai; (3) Ekiragaano kya Ruhanga n'abantu be ha rusozi Sinai eky'ebiragiro by'okulinda abantu eby'engeso ez'obuntu n'ezeediini; (4) Ekyombeko n'ebikwato eby'ekiikaro ky'okuramizaamu habwa Isirairi, hamu n'ebiragiro ebirukulema baanyakatagara n'okuramya. N'okukira muno, ekitabu kinu nikisoborra ebya Ruhanga yakozire omukucungura abantu be nabafora ihanga naabagarurra okunihira.
Musa nuwe muntu arukukirrayo kimu kugambwaho, ogu Ruhanga ou yakomere kwebembera abantu be kubaiha Misiri. Esuura ya 20.1-17 nikyo kicweka ekirukumanywa muno habw'ebiragiro ikumi.
Nkooku birukuhonderana
Abaisirairi nibalekerwa kuruga Misiri 1:1--15:21
a) Bairu omunsi Misiri 1:1-22
b) Okuzaarwa kwa Musa n'obwomezi bwe obw'okubanza 2:1--4:31
c) Musa na Arooni nibatangatangana omukama wa Misiri 5:1--11:10
d) Kuhingurwaho n'okuruga Misiri 12:1--15:21
Kuruga ha Nyanja Erukutukura kuhika ha Rusozi Sinai 15:22--18:27
Ebiragiro n'endagaano 19:1--24:18
Ekiikaro ekirukwera n'ebirukukwata ha kuramya 25:1--40:38
Atualmente selecionado:
Kurug EBY'OKUSOBORRA: BRR2008
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Bible in Runyoro/Rutooro Interconfessional Translation © Bible Society of Uganda, 2008.