Kîam GÎTAARÎRIA
GÎTAARÎRIA
Rîîtwa “Kîambîrîria” nî kuga “Kaumo”. Îvuku rîîrî rîtagwa Kîambîrîria nîûndû nîrîo rîvecanîte rûgano rwa kûmbwa kwa nthî na îgûrû, kaumo ka andû, kîambîrîria kîa mevia na mathîna ma ûtûûro wa nthî îno. Îvuku rîîrî nwa rîarîtie ûrîa Ngai aambîrîrie gwîkarania na andû. Îvuku rîîrî rîa Kîambîrîria nwa rîgaanue icunjî igîrî. 1. Gîcunjî kîa mbere (1—11). Gîcunjî gîkî nî kîvecanîte ûvoro wîgiî kûmbwa kwa nthî, na ûvoro wîgiî ûrîa andû maambîrîrie gûtûûra nthî îno. Gîcunjî gîkî nwakîo kîrî na ûvoro wa Adamu na Awa, Kaini na Abili, Nuhu na mwîcûro wa manjî, na nyomba ndaca ya Babuloni. 2. Gîcunjî gîa kaîrî (12—50) nî rûgano rwa methe ma tene ma Aisiraeli. Mûndû wa mbere wa methe mau ma tene nî Iburahimu, ûrîa wecîkene nîûndû wa wîtîkio wake na wathîki wake kûrî Ngai. Ûvoro wake ûcokete ûkarûmîrîrwa nî ûvoro wa mûvîcî Isaka na Jakovu (Isiraeli), mûvîcî wa Isaka na anake îkûmi na aîrî a Jakovu arîa maambîrîrie mîvîrîga îkûmi na îîrî ya Isiraeli. Ûvoro wa ûmwe wa anake acio na nîke Josefu, nîûvecanîtwe na njîra mwanya, wa vamwe na maûndû marîa maatûmire Jakovu na anake acio engî ake, wa vamwe na andû a mîciî yao mathiî magatûûre vûrûrirî wa Misiri.
Wana ethîrwa îvuku rîîrî nîrîvecanîte ûvoro wîgiî andû, ûndû wa mbere na wa vata ûrîa rîvecanîte nî ûrîa Ngai arîkîtie gwîka. Rîambîrîrîtie na gûkindîria atî Ngai nîke waûmbire nthî na îgûrû, na rîkarîkîrîria na ûrîa Ngai eranîrîte atî nîakûthiî na mbere kûmenyerera andû ake. Kuuma kîambîrîria kîa îvuku rîîrî, nginya mûthiia wa rîo, Ngai nîke warîrîrîtue mûno, nîûndû nîke ûtucanagîra na akaverithia arîa mavîtagia. Ngai nwake ûtongoragia, agatethia andû ake, na akavanga mûtûûrîre wao. Îvuku rîîrî nî rîkûrû mûno na rîandîkirwe nîguo rige rûgano rwa wîtîkio wa andû a Isiraeli rûrî rwandîke na rîrî rîa gûtûûria wîtîkio wao.
Ûvoro ûrîa ûrî îvukuurî rîîrî
Kûmbwa kwa îgûrû na nthî na kûmbwa kwa andû 1.1—2.25
Kîambîrîria kîa mevia na mathîna 3.1-23
Kuuma vîndî ya Adamu nginya vîndî ya Nuhu 4.1—5.32
Noa na mbura ya kîvovoto 6.1—10.32
Nyomba ndaca ya Babuloni 11.1-9
Kuuma Shemu nginya Aburamu 11.10-32
Methe ma tene: Iburahimu, Isaka, na Jakovu 12.11—35.39
Njiarwa cia Esaû 36.1-43
Josefu na aamûrwang'ina 37.1—45.28
Aisiraeli marî Misiri 46.1—50.26
Atualmente selecionado:
Kîam GÎTAARÎRIA: KKB
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
©Bible Society of Kenya, 2019