Kîam 10
10
Njiarwa cia anake a Nuhu
(1Maû 1.5-23)
1Ino nîcio njiarwa cia anake a Nuhu: Shemu, Hamu na Jafethi. Maagîre na anake ao vuva wa manjî gwîcûra nthî.
2Ariû a Jafethi maarî: Gomeri, Magogu, Madai, Javani, Tubali, Mîsheki na Tirasi. 3Nao anake a Gomeri maarî: Ashikenazi, Rifathu, na Togarima. 4Nao anake a Javani maarî: Elisha, Sipania, Kuporo, na Rodo. 5Anake acio a Javani nîo methe ma andû arîa maatûûraga ndeererî cia îria na icîgîrîrarî. Icio nîcio njiarwa cia Jafethi irîa itûûraga wa andû vûrûrirî wao kûringana na mûvîrîga wao wana mwarîrie wao.
6Anake a Hamu maarî: Kushi, Misiri, Lîbia na Kanaani. 7Anake a Kushi maarî: Seba Havila, Sabuta, Raama na Sabuteka. Njiarwa cia Raama marî andû a Sheba na Dedani. 8Kushi nîwagîre na kaana getagwa Nimurodi. Nimurodi nîke warî mûndû wa mbere kwîthîrwa arî njamba gûkû nthî. 9Nimurodi nîwatethirue nî Ngai-Mûnene kwîthîrwa arî mûguîmi mûnene gûkû nthî. Kwoguo nîkwîragwa atîrî, “Ngai-Mûnene arogûtua mûguîmi mûnene ta Nimurodi!” 10Ûthamaki wake wambîrîrîtie Babuloni, Ereki, Akadi. Matûûra mau monthe maarî vûrûrirî wa Babuloni. 11Kuuma kûu Nimurodi nîwathiîre vûrûrirî wa Asîria agîtuma matûûra ma Nineve, Rehobothi, Iri na Kala. 12Nîwacokire agîtuma îtûûra rîa Reseni, rîrîa rîrî gatagatî ka Nineve na îtûûra înene rîa Kala.
13Misiri nîke watuîkire îthe wa andû a Ludi, Anamimu na Lehabi, Nafutuhi, 14Pathirusi, Kasuluhi, na Kirete. Afilisiti nî njiarwa cia andû a Kirete. 15Ariû a Kanaani maarî Sidoni, ûrîa warî mûkûrû, Hethi, 16Jebusi, Aamori Agirigashi, 17Ahivi, Arakiti na Asinita. 18Arivadi, Azemari, na Ahamathi. Mîvîrîga mîthemba na mîthemba ya Akanaani nîyatambire îgîkinya kûndû kwîngî. 19Wana nginya mîvaka yao nîyakinyire Sidoni, mwena wa îveti wa Gerari, nginya îgîkinya Gaza, na mwena wa îrathîro ûthiîte Sodomu, Gomora, Adima na Zeboimu vakuvî na Lasha. 20Ino nîcio njiarwa cia Hamu, na meekaraga wa mûndû vûrûrirî wao, kûringana na mûvîrîga wao na mwarîrie wao.
21Shemu, aarî mûrwang'ina ûrîa mûkûrû wa Jafethi. Shemu nîke îthe wa njiarwa cionthe cia Eberi. 22Ariû a Shemu maarî; Elamu, Ashuri, Aripakishadi, Ludi na Aramu. 23Ariû a Aramu maarî; Uzi, Huli, Getheri na Mesheki. 24Nake Aripakishadi aarî îthe wa Shela nake Shela aarî îthe wa Eberi. 25Eberi nîwagîre na anake aîrî nao maarî: Pelegi, nîûndû aatûûraga vîndî îrîa andû a nthî maarî agaûkanu. Ûcio wîngî eetagwa Jokitani. 26Jokitani aarî îthe wa: Alimodadi na Shelevu na Hazarimavethi Jera, 27Hadoramu, Uzali, na Dikila. 28Obali Abimaeli na Sheba, 29Ofiri, Havila na Jobabu. Acio onthe maarî njiarwa cia Jokitani. 30Vûrûri ûrîa maatûûraga waumîte Mesha nginya Sefara mwena wa îrathîro ûrîa ûrî irîma. 31Acio nîo maarî anake a Shemu kûringana na mîvîrîga yao, nthiomi ciao na mavûrûri mao.
32Andû acio onthe nî njiarwa cia Nuhu, wa rûrîrî kûringana na njiarwa ciaruo. Vuva wa manjî meengî marîa meecûrîte nthî, ndûrîrî cionthe cia nthî ciaumire kûrî Ariû a Nuhu.
Atualmente selecionado:
Kîam 10: KKB
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
©Bible Society of Kenya, 2019