YOHANA 1
1
Likhuwa yekhola omundu
1Mukhuchaaka, Likhuwa yalinjiho, ne Likhuwa oyo yali halala nende Nyasaye, ne Likhuwa oyo yali Nyasaye. 2Okhurula mukhuchaaka Likhuwa oyo yalinjiho halala nende Nyasaye. 3Okhubirira muye, Nyasaye yalonga ebindu biosi, ne shibulaho eshindu kata shilala eshilaalongwa okhubirira muye tawe. 4Likhuwa oyo niye owali eshinoko shiobulamu, mana obulamu obwo nibureelera abandu obulafu. 5Obulafu obwo bwakhanga mushiilima, ne eshiilima shishinyala okhubwikalila okhwakha tawe.
6 #
Mat. 3:1; Mrk. 1:4; Luka 3:1,2 Nyasaye yaruma omundu owalangwa mbu, Yohana, 7owetsa okhuboolela abandu akobulafu obwo kho mbu, abandu boosi bahulile oburume obwo mana basuubile. 8Yohana oyo shiyali niye obulafu obwo ta, nebutswa yetsa mbu, aboole khukobulafu obwo. 9Obwo nibwo obwali obulafu obwatoto, obwetsa mushialo nibwashila abandu boosi.
10Likhuwa oyo yalinji mushialo, ne eshialo shialongwa okhubirira muye, nebutswa abeshialo shibamumanya tawe. 11Yetsa mushialoshie shiene, nebutswa abali abebe beene shibamwinjisia tawe. 12Ne boosi abamwinjisia, nibamusuubilila, yabahelesia obunyali bwokhuba abaana ba Nyasaye. 13Abenabo shibayekhola okhuba abaana ba Nyasaye mumelo ndala yabandu bekholelangamwo okhuba abaana babandu tawe. Nyasaye mwene niye sabwe.
14Likhuwa oyo yekhola omundu ne namenya mwifwe, khwalola oluyalilwe, niyetsulemwo obukoosia nende obwatoto. Oluyali olwo nilwo olwa yanyoola shinga omwana omutelwa wa Samwana, ouli Nyasaye.
15Yohana yarumbula khuye naboola ari, “Uno niye owandaboolakhwo mbu, ‘Yetsanga inyuma wanje, nebutswa nomukhongo okhuushila isie, shichila yaranjilila okhubaho isie neshili okhwibulwa.’ ”
16Okhurula mumwitsulu mwobukoosiabwe yakhulaamila tsikhabi, ifwe fwesi nikhunyoola ikhabi okhumeeta khuyindi. 17Nyasaye yahaana amalako okhubirira mu Musa, nabwo obukoosia nende obwatoto nabihaana okhubirira mu Yesu Kristo. 18Abulakhwoho owalolakhwo Nyasaye ta, habula Omwanawe omutelwa, ouli shinga Nyasaye tsana, ne ali khulubafu lwa Samwana, niye owamufwimbuule namanyikha khwifwe.
Obuyaali bwa Yohana Omubatiisi
(Mat. 3:1-12; Mrk. 1:1-8; Luka 3:1-18)
19Abemilisi ba Abayahudi mu Yerusalemu baruma balala khubesaaliisi nende Abalawi khu Yohana okhumureeba bari, “Niwe wina?”
20Naye Yohana shiyaloba okhukalusia ta, yeyama habulafu naboola ari, “Isie shindi nisie Kristo tawe.”
21 #
Mal. 4:5;
Okhuk. 18:15,18; Sira 48:10,11 Kho nibamureeba bari, “Kho niwe wina? Niwe Eliya noho?” Naye Yohana nakalusia naboola ari, “Tawe. Shiendi nisie Eliya ta.” Nibamureeba khandi bari, “Oli omulakusi noho?” Naye nabakaania ari, “Tawe!”
22Nibamureeba bari, “Kho khuboolelekhwo mbu, niwe wina? Khukhoyile okhukalusilia abakhurumile likalusio. Omwene oboola mbu, niwe wina?”
23 #
Isa. 40:3
Kho Yohana nabakalusia, khulwa okhubaboolela akomulakusi Isaya yali niyaboola, ari,
“Isie nisie, ‘Omwoyo okwa oyo,
oulanjilisinjia mushitsiimi mbu,
Mukololosie injila eya Omwami
abirilakhwo!’ ”
24Abarume aba Abafarisayo abo bali nibarumilwe 25okhureeba Yohana bari, “Noba nolali Kristo watsana ta, noho Eliya ta, noho kata omulakusi oyo ta, kho obatisiinjia abandu mbushiina?”
26Naye Yohana nabakalusia naboola ari, “Isie embatiisinjia abandu namaatsi, ne aliho ousinjiile hakari mwinywe owamulamanyile tawe. 27Naye niye ouletsa inyuma wanje, ne isie shingwanile kata okhuboholola tsikhoba tsiebilaarobie tawe.”
28Amakhuwa ako koosi kekholeshela Betsania, ebukwe womwalo kwa Yorodani, ewa Yohana yali nabatiisinjia abandu.
Eshimeeme shielikondi shia Nyasaye
29Inyanga yalondakhwo, Yohana yalola Yesu niyetsanga wa yali, ne naboola ari, “Lole! Ouli shinga eshimeeme shielikondi shia Nyasaye, ourusiaho obwonooni bweshialo ngwoyo! 30Omwenoyo niye owandaboolakhwo olwa ndaboola endi, ‘Aliho owitsanga munyuma wanje, ne nomukhongo muno okhuushila isie, shichila yalinjiho isie nishili okhwibulwa.’ 31Nasi shindali nindamumanya mbu niwina ta, nebutswa ndetsa nimbatiisia namaatsi mbu, amanyishile abandu ba Isiraeli.”
32Mana Yohana narumbula akobuloli naboola ari, “Ndalutsi Roho okhurula mwikulu niyekhanga shinga lihusi namuyeelakhwo. 33Nasi nindalamanya mbu niye tawe. Nebutswa Nyasaye, owaruma okhubatiisia namaatsi, yali niyamboolela ari, ‘Olwa wakhalole Roho niyekhanga hasi nayeela khuye, omwenoyo niye oubatiisia nende Roho Omutakatifu!’ 34Isie emalile okhumulola, ne emuboolela mbu, niye Omwana wa Nyasaye.”
Abeechi ba Yesu abambeli
35Inyanga yalondakhwo, Yohana yali nasinjiile halala nende babili bokhubeechibe. 36Olwa yalola Yesu nabirangaho, yaboola ari, “Lole! Ouli shinga eshimeeme shielikondi shia Nyasaye, ngwoyo.”
37Abeechi babili abo bamuhulila naboola ario, ne nibaloonda khu Yesu. 38Yesu nashiukhana nalola nibamulondangakhwo, ne nabareeba ari, “Mukhaabanga shiina?” Nabo nibamukalusia bari, “Rabi#1:38 Rabi: Eshisina mbu, Omwechesia., omenyile hena?”
39Nababoolela ari, “Yitse mulole”. Kho nibatsia ninaye ne nibalola aha yali namenyile, nibahoonga ninaye inyanga eyo yosi, (tsiali ahambi tsisa ekhumi tsieshiteere).
40Mulala khu abahulila aka Yohana yaboola ne nalonda khu Yesu yali Andereya, owali omusiani wabwe Simoni Petero. 41Yatsia bwangu nanyoola omusiani wabwe oulangwa mbu Simoni, ne namuboolela ari, “Khunyoolile Masihi#1:41 Masihi: Mulugiriki nilio Kristo..” 42Mana nareera Simoni khu Yesu.
Yesu namuhenga ne naboola ari, “Niwe Simoni omwana wa Yohana. Nebutswa bulano olalangwa mbu, Kefa.” (Nilio Petero mulugiriki, eshisina mbu, “olwanda.”)
Yesu alanga Filipo nende Natsanieli
43Inyanga yalondakhwo, Yesu yalola mbu, nobulayi atsie Galilaya. Kho namunyoola Filipo ne namuboolela ari, “Nondakhwo” 44Filipo oyo yarulanga mwitookho lia Betsisaida, ewa Andereya nende Simoni bali nibamenya. 45Filipo naye natsia nanyoola Natsanieli namuboolela ari, “Khwamunyoolile omwene oyo owa Musa yahandikakhwo mushitabu shiamalako, khandi owabalakusi bahandikakhwo amakhuwake. Niye Yesu omwana wa Yosefu okhurula Nazareti.”
46Naye Natsanieli namureeba ari, “Shilikhwoho eshindu shiosi shiosi eshilayi eshiakharula Nazareti?” Naye Filipo namukalusia naboola ari, “Yitsa olole.”
47Ne olwa Yesu yalola Natsanieli niyetsanga, yaboola khuye ari, “Lole, Omuisiraeli watoto ngwoyo. Shialikhwomwo obubatsa bwosi bwosi tawe!”
48Natsanieli namureeba ari, “Waamanya isie orie?”
Naye Yesu namukalusia naboola ari, “Ekhuluutsi niwikhaale hasi womukhuyu, Filipo nashili okhukhulanga.”
49Mana Natsanieli namukalusia naboola ari, “Omwechesia, toto oli Omwana wa Nyasaye! Niwe Omuruchi wa Isiraeli.”
50Yesu naboola ari, “Osuubila shichila mbu, ekhubooleele mbu ekhuluutsi noli hasi womukhuyu? Witsa okhulola amakhongo kashilakhwo ako!” 51#Obucha. 28:12Mana nababoolela ari, “Emuboolela toto mbu, namulole likulu niliikushe ne abamalaika ba Nyasaye nibatikulukha nende okhwishila khu Omwana womundu.”
Atualmente selecionado:
YOHANA 1: OLUDC
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão