Johan Biehmaasa
Biehmaasa
Thuophaabie Johan hingta Zingsuv ca chuozaa ta a awpa Khazing Bie, “cawsaa ta a vya li te kiema'a lie khy a sapa,” a ta. Hingpa caa-uv ta a ripa haahingta, Thuophaabie Johan hingta, Zingsuv ca biekuo ciepa Khuotuv, Khazing Saacapaa a cuopa kha cawsaa ta ama zang khuna riypa hne ama ama zangna thueta hringna ama hmung khuna riypata capepa ta a cuo.
Biehmaasa lie Zingsuv ca chuozaa ta a hringpa Khazing Bie tana a cuo tapata a paluosa khu taata Thuophaa Bie a hmietaa luo ta Zingsuv ca biekuo ciepa Khuotuv, Khazing Saacapaa tana a cuo tapa kha kharuehaa hmang a phangphang a tuepa khata a paluosa tapata a cape. Cakhutaa kharuehaa hmang a tuepa ca a bieripa hne a pacuvna ta a ri khingpa kha a pasie sa. Cakhutaa cawsaa chekha ta Zingsuv bie kha zang yite ama a ziytuv ta amaa vya lina kaw hne chekha ta ama kha a du yite ama zang khing lina kaw kha a cape. Chue 13 taata 17 te hing ama patuv zuo ta Zingsuv hne ziytuv tie amaa viesaana kaw, vieluo cunglie thiena a angna riypa kawlieta a tingpaciena hne thaazuo pina bie a ripa kaw khata a cuo. A chuona luota ca Zingsuv ama patuvna kaw, a bie ama ripana kaw, a thiyna hne a thupakhaana kaw, hne a ziytuv tie'a lie a luona kaw zaw kha a cape.
Chue 8 tluo 1-11 chunglie nungvaathingsuena a tue nakawta ama patuv nung kaw hing bareket chunglie chipa ta a cuo, tahematapakieca kuv ta capepa caa-uv chekha chunglie ca aw vyi, cuorasala chekha chunglie ca a aw ra thluo.
Johan ta a ri khingcepa ca Khrih thueta hmungpa chuozaa hringna kaw, Zingsuv ca luopuv hne biehmisipa hne hringna tana a cuo tapata a cuhluopa tie ta ama hmungpa, a ta taata a pathutlipa hringna kaw kha a cuo. Thuophaabie Johan a calya vienapa ca ningting ta ma hmungpa hne maa tawpa hmang ta a cuopa tiy, viechuo, khena, tuvkhietuv hne tuv, mingsuv riy hne a thyi tapa zaw kha thlaapa luo biehmisipa paluosana ta a hmuopa hingta a cuo.
Abietluopuv
Biehmaasa 1:1-18
Tiynawtuv Johan hne Zingsuv ziytuv taapa tie 1:19-51
Cawsaazaapuv'a lie Zingsuv rehriena 2:1—12:50
Jerusalem hne a cahriycake lie a hnangcaw ta a rehriena 13:1—19:42
Abyipa a thupakhaana hne aa luona 20:1-31
A chuona hne Galilee lie aa luona 21:1-25
Atualmente selecionado:
Johan Biehmaasa: LNT1
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
New Testament in Chin Lautu © Bible Society of Myanmar, 2015.