Jang 2
2
Gơnoar broă Yàng Jesu dê tòm Galile mơ Jude
(2:1 – 12:50)
Tòmbau tòm Kana
1Tòm ngai dơ̆ pe, gơs bơta tòmbau tòm Kana kơnhwàl Galile, mơ mè Yàng Jesu gơs tềng hơ̆. 2Yàng Jesu mơ ală cau bơtê Kơnràñ dê kung geh jà tus pơjum sa tòmbau sơl. 3Tòm tŭ jơh tơrnòm, mè Yàng Jesu đơs mơ Kơnràñ lah: “Cau ò gơs tơrnòm tai.” 4Yàng Jesu ho lah: “Ơ cau ùr, ñchi bơta gơkwă ai mơ Añ taih? Jơ Añ òhềt tus.” 5Mè Kơnràñ đơs mơ ală cau dong broă lah: “Broă lơi Kơnràñ sồr gen lơh jat tĕ.” 6Tềng hơ̆ gơs prau nơm yang lŭ dờng nàng ngui tòm bơta lơh sàng goh cau Juda dê, kòp nơm ơn pơgap dô rhiang lit dà. 7Yàng Jesu sồr bol khai lah: “Tuh tĕ bềng dà tòm ală yang do.” Bol khai tuh bềng tus di bơr. 8Kơnràñ đơs mơ bol khai lah: “Tŭ do bơ̆ tĕ, cèng cau sền nac in.” Bol khai bơ̆ cèng. 9Dơ̆ cau sền nac liap dà neh gơlik gơs tơrnòm rau, mơ khai ò git tơrnòm do tus bơh lơi, (ai ală cau dong broă neh bơ̆ dà gen git loh), gen khai hòi cau bơrtơu, 10mơ đơs lah: “Tơl nă cau òs yò tơrnòm bơkah lài, tŭ cau neh ñô oă rau, gen yò tơrnòm dimơ; ai mê, gen prap tơrnòm bơkah jơl tus di tŭ do.”
11Hơ̆ la tòm Kana kơnhwàl Galile, Yàng Jesu lơh tềl krơi dơ̆ sơnròp mơ yal tơlik bơta gơklŏ Kơnràñ dê; gen ală cau bơtê dòn Kơnràñ. 12#Mat 4:13.Tơnơ̆ mơ hơ̆, Kơnràñ bal mơ mè, oh mi mơ ală cau bơtê Kơnràñ dê mù hơ Kapenaum, ơm tềng hơ̆ dô êt ngai.
Yàng Jesu mut tòm hìu duh khoai
(Mathiơ 21:12,13; Mak 11:15-17; Luka 19:45,46)
13 #
Lik 12:1-27. Bơta pơjum sa Lòt gan làng bol Juda mòr di, Yàng Jesu guh hơ Jerusalem. 14Kơnràñ gŏ tòm hìu duh khoai, gơs cau tac kơnrồ, belàt, sềm ntòp, mơ cau gơl priă nggui di cơnòng. 15Kơnràñ wac dô nơm gai mơ che, bơtrơh tơlik jơh bơh di hìu duh khoai, belàt mơ kơnrồ sơl, sơmbrih jền cau gơl priă mơ tơlo cơnòng bol khai dê. 16Kơnràñ đơs mơ cau tac sềm ntòp lah: “Cèng tơlik tĕ ală phan do bơh tềng do, bañ lơh hìu Bèp Añ jê gơlik gơs hìu kă bro.” 17#Đơs Crih 69:9.Cau bơtê Kơnràñ dê kah wơl jơnau neh cih lah: “Bơta duh hul bơh hìu mê dê chu pơrguc Añ.”
18Behơ̆ ală cau Juda đơs mơ Kơnràñ lah: “Ồng lơh tềl krơi lơi nàng sơnio bol hi in, Ồng gơs gơnoar lơh broă hơ̆ taih?” 19#Mat 26:61; 27:40; Mak 14:58; 15:29.Yàng Jesu ho lah: “Sòr tĕ hìu duh khoai do, tòm pe ngai Añ rơp bơtào gơs wơl!” 20Cau Juda đơs tai lah: “Cau bơt hìu duh khoai do tòm poan jơt prau nam mơ ồng rơp bơtào gơs wơl tòm pe ngai ơ?” 21Mơya Kơnràñ đơs bơh hìu duh khoai să jan Kơnràñ dê. 22Behơ̆ tŭ Kơnràñ neh kis wơl bơh bơta chơt, ală cau bơtê kah wơl jơnau Kơnràñ neh đơs, gen dòn Sră Goh mơ jơnau Yàng Jesu neh đơs.
23Kơnràñ ơm tòm Jerusalem tòm tŭ pơjum sa Lòt Gan, gơs oă cau gŏ ală tềl krơi Kơnràñ neh lơh, gen dòn di sơnđan Kơnràñ. 24Mơya Yàng Jesu, să tòm Kơnràñ ò dòn kơnòm di bol khai in, bơh Kơnràñ git loh tơl nă cau, 25mơ ò càng cau lơh cơng bơh cau lơi, bơh să tòm Kơnràñ git loh jơh ală bơta tòm nùs cau.
Atualmente selecionado:
Jang 2: KPM2018
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2018 United Bible Societies. All rights reserved.