JENESIS Ka Jinglamphrang
Ka Jinglamphrang
Ka kyrteng Jenesis ka mut “ka jingsdang.” Ka Kitab Jenesis ka ïathuh shaphang ka jingpynlong ïa ka pyrthei, ka jingthaw ïa ki briew, ka jingsdang jong ka pop bad ka jingjynjar ha ka pyrthei, bad shaphang ka jingïadei U Blei bad ki briew. Lah ban phiah ïa kane ka kitab ha ki ar bynta: (1) Ka jingpynlong ïa ka pyrthei bad ka histori banyngkong jong ka longbriew manbriew. Hangne don ki jingïathuh shaphang u Adam bad ka Im, u Kain bad u Abel, u Noah bad ka jingshlei um, bad u Mot Babel (Lynnong 1-11). (2) Ka histori jong ki kpa tymmen kiba nyngkong jong ki Israel. Uba nyngkong u long u Abraham, uba la pawnam namar ka jingngeit jong u bad ka jingkohnguh jong u ïa U Blei. Nangta bud sa ki jingïathuhkhana shaphang u khun jong u, u Isaak, bad u ksiew jong u, u Jakob (ïa uba la khot ruh u Israel), bad shaphang ki khat-ar ngut ki khun shynrang u Jakob, kiba long ki nongseng ïa ki khat-ar jait Israel. La ïathuh kham kyrpang shaphang u Joseph, uwei na ki khun shynrang jong u Jakob, bad ïa ki jingjia kiba la wallam ïa u Jakob bad kiwei pat ki khun shynrang jong u lem bad ki longïing longsem jong ki ban wan shong wan sah ha Ijipt (Lynnong 12-50).
Katba kane ka kitab ka ïathuh ïa ki khana shaphang ki briew, ka dei ka jingïathuh kaba nyngkong bad kaba ha khmat eh shaphang kaei kaba U Blei u la leh. Ka sdang da ka jingpynskhem ba dei U Blei uba la pynlong ïa ka pyrthei, bad ka kut da ka jingkular ba U Blei un ïai pynpaw ka jingpyrkhat sngewlem ïa la ki briew. Ha baroh kawei ka kitab uba kham paw u dei U Blei, uba bishar bad pynshitom ïa kito kiba ryngkang hukum, uba ïalam bad ïarap ïa la ki briew, bad pynwandur ïa ka histori jong ki. Ïa kane ka kitab hyndai la thoh ban buh jingkynmaw ïa ka khana shaphang ka jingngeit jong ka jaitbynriew bad ban ïarap ban pynneh skhem ïa kata ka jingngeit.
Ki Jingkdew
Ka jingpynlong ïa ka pyrthei bad ïa ka longbriew manbriew (1:1—2:25)
Ka jingsdang jong ka pop bad ka jingjynjar (3:1-24)
Na u Adam haduh u Noah (4:1—5:32)
U Noah bad ka jingshlei um (6:1—10:32)
U Mot Babel (11:1-9)
Na u Shem haduh u Abram (11:10-32)
Ki kpa tymmen: u Abraham, u Isaak bad u Jakob (12:1—35:29)
Ki khun ki ksiew jong u Iso (36:1-43)
U Joseph bad la ki hynmen shynrang (37:1—45:28)
Ki Israel ha Ijipt (46:1—50:26)
Atualmente selecionado:
JENESIS Ka Jinglamphrang: KHACLBSI
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Khasi CL Bible
Copyright © Bible Society of India, 2016.
Used by permission. All rights reserved worldwide.