MATHIU 3
3
Johon Baptis Chongri
(Mrk. 1:1-8; Luk. 3:1-18; Jhn. 1:19-28)
1Hava phat han Judia ramtong lian na Johon Baptis ning chong a hong semma a hong. 2“Nan lungthulru, ajarko, vanrengram ha a hong nai jui,” 3Johon ha alui ni, Pathian tashanthei Isaia in alui ri ha: “Ramtong lian na mi khat khek rasa, Puma lam ha sinru, a lon na rang lam man tunru.”
4Johon in saringsei mul puan a luisi, a kongvonrui savun alui ni, hale a chak a nek om khai le khoining alui chak. 5Hava phat han, Jerusalem, Judia ram sunga om rakip; hale Jordon sirpanga a om mirakip in Johon jiang an lui che. 6An siatna ha an ri la, Jordon tuidunga ama ning baptais a man tho.
7Pharisi le Sadusingain, ama jiang tuija baptais tho ranga an hong a mu han a hong ti, “Rul ang mi lungsaluingai, Pathian lung thak na a juang tung rang pha han, tu ning mo tanru tia ana manjet? 8Nanlungthul ha mu thei na rang a ra manneiru. 9An khat om, keini kan pa Abraham kan nei tia kan ngaidon maru, ajarko, Pathian in hiva lungai tenna an phut Abraham a naingai a man suak tor tihi ka na ripe ani. 10Thingkungngai ha a rajung tan na rang rei sin na a om, arasat nei lui thing kung rakip tanverra meisunga deng juan rang ani. 11Nanlungthul ha jet na rang kein tuija baptais ka na man tho tak-ha, kanuk a ahong pako a lian ranaknei ani, kein a kekok choi rang tenna rahui nei making. A ma ningko, nang ni ha Thavang Thiang le meija baptais namantho nati. 12A ma yangjap a kut a lek, a chang rasik na mun asat man thiang nati, han chang ha innte sunga thun nati, tak-ha ashi avai ha ko, athitibui mei khur sunga deng juan nati.”
Jisu Baptais tho na
(Mrk. 1:9-11; Luk. 3:21,22)
13Hava phat han Galili tenna Jisu ning Jordon tuidunga Johon ning baptais man tho na rang alui hong. 14Tak-ha Johon ning luijotmak hingahin alui ti, “Keilam hi nang in baptais na na man tho rang a suak, ija mo kei jiang lam na hong ani?”
15Tak-ha Jisun ama jiang a ti, “Atunko na jot pediro, hingahin dik na rakip kein in lungdo kan man tung rang a suak, han Johon ning a jot jui.”
16Jisu ning baptais alui tho jui, hale tuisung tenna a hong suak lai han enru, vanram a kan longa, Pathian Thavang Thiang in vatuk turun anga a hong chumma a chunga a chuang ha Johon in alui mu. 17han, jet lui thailuija vanram tianga rasha khat ning a hong ti; “A ma hi ka lungsiattak ka pasalnai ani, ama jiang ka lungdo a tung.”
Atualmente selecionado:
MATHIU 3: AIMOLBSI
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.