RIPHUTNA 11
11
Babel In risâng.
1A tîrah khan chu rinênga mi murdi khah ṭong khatkah bang an mang a, kha ṭong khah munkan an imang a nit. 2Khosak tiang an rithon thiai lâiah khan Babilon rama phâizôl#11:2 ‘Somer phâi’ iti a nit, ‘Sinar phâi’ khom an ti ngai. Babilon ram sunga om a nit. an hong tlung a, amakhan om mun an khuar tâk a. 3An rêngkan “Tho rei, rolung siam ei ta, iṭha takkan lei hâlinkhir rei,” an riti risak a. Khanchu, lung rithûlin rolung an mang a, ipil rinât an inriman a. 4“Tho rei, khopui siam ei ta, in risâng tak a sîpin rivân isun rangin sin ei ta; khanchu, ei riming inthangin siam ei ta, rinêng chung murdiah rithek indarin om no min e,” an ti a.
5 Pumapa khah Manmasi naihei khopui siam neh an in risâng sin kha ien rangin a zuang ṭum a. 6Khanchu, ani khan, “Ringai ta u, mihei hih pumkah an nit a, an rêngkan ṭong khatkan an ṭong a; khasikin, hi thil hih isin an iphut a nit hih; sôt ino ten an inuam nuam an itho thei rang a nit hite! 7Tho zu fêng ei ta, ṭong an ririat risak thei nona rangin an ṭong la zûn danglam pêk chit rei,” a ti a. 8Khanungchu, Pumapa khan annihei khah khantaka rithoka khan rinêng chung murdiah â thek indar a; khanchu, an kho siam khom khah an bâng tâk a. 9Khasikin, kha khopui riming khah Babel#11:9 ‘Babilon’ iti khom a nit, amakha Hebrai ṭongin ‘inripol’ tina a nit. iti a nit tâk a; Pumapa khan kha munah khan rinênga mi murdi ṭong khah ân danglam chit tâk sikin Babel an iti a nit; khantaka rithoka khan Pumapa khan annihei chu rinêng chung murdiah khan â ṭhêi indar tâk a.
Sema richihei.
(1 Rich.1:24-27)
10Hihei hih Sema richihei chu an nit: Sema khah kum rizaka mi a nit a, tui lian nung kum inika tenah khan naipa Arpaksada a nei a; 11Arpaksada a nei nungah khan Sema khah kum rizarngakah a la dam a, nainu neh naipa danghei a la nei a.
12Arpaksada khan kum sômithumka ringakah a nitin naipa Sela a nei a; 13Sela a nei nungah khan Arpaksada khah kum rizalikah ithumkah a la dam a, nainu neh naipa danghei a la nei a.
14Sela khan kum sômithumkah a nitin naipa Ebera a nei a; 15Ebera a nei nungah khan Sela khah kum rizalikah ithumkah a la dam a, nainu neh naipa danghei a la nei a.
16Ebera khan kum sômithumka ilikah a nitin naipa Pelega a nei a; 17Pelega a nei nungah khan Ebera khah kum rizalikah sômithumkah a la dam a, nainu neh naipa danghei a la nei a.
18Pelega khan kum sômithumkah a nitin naipa Reua a nei a; 19Reua a nei nungah khan Pelega khah kum rizanikah ikuakkah a la dam a, nainu neh naipa danghei a la nei a.
20Reua khan kum sômithumkah inikah a nitin naipa Seruga a nei a; 21Seruga a nei nungah khan Reua khah kum rizanikah sarikah a la dam a, nainu neh naipa danghei a la nei a.
22Seruga khan kum sômithumkah a nitin naipa Nahora a nei a; 23Nahora a nei nungah khan Seruga khah kum rizanikah a la dam a, nainu neh naipa danghei a la nei a.
24Nahora khan kum sôminika ikuakkah a nitin naipa Tera a nei a; 25Tera a nei nungah khan Nahora khah kum rizalei sômleiikuakkah a la dam a, nainu neh naipa danghei a la nei a.
26Tera khan kum sômsarikah a nitin naipa Abrama, Nahora, Harana hei a nei a.
Tera richihei
27Hihei hih Tera richihei chu an nit: Tera khan naiipa Abrama, Nahora, Harana hei a nei a. Harana khan naipa Lota a nei a. 28Harana chu a suakna khua Babilon rama Ur khuaah khan a pa Tera la dam lâi ngêiah khan a thi tâk a. 29Abrama neh Nahora khan nupui an nei a; Abrama nupui chu Saraii a nit a; Nahora nupui chu Harana nainu Milkaii a nit a, Harana khan nai nupang dang Iskaii a nei sa a. 30Saraii khah â ching a nit a, nai nei mak a.
31Tera khan a naipa Abrama, a tupa Lota, Harana naipa neh â moinu, Abrama nupui Saraii hei khah a ṭhui a; Kanan rama fe rangin Babilon ram a Ur khua khah an mâk a. Haran khua an dênin chu amakhan om mun an khuar tâk a. 32Tera khah kum rizanikah ringakah a nit tenan chu Haran khuah khan a thi tâk a.
Atualmente selecionado:
RIPHUTNA 11: BIATBSI
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
The Bible Society of India
© 2014, Used by permission. All rights reserved. More