METHU 1
1
Jisu Kristo ka Aba-apa atañ
(Lk 3.23-38)
1 #
Lk 3.23-38. Jisu Kristo ka aba-apa piigo ka kheta, David ka oho, Abraham ka oho.
2Abraham Isak ka abatii, ho Isak Jakob ka aba, ho Jakob Juda la mohka anuabañ atañka aba, 3ho Juda Perej la Jera nyika aba Tamar ka buniiñ, ho Perej Hejron ka aba, ho Hejron Ram ka aba, 4ho Ram Aminadab ka aba, ho Aminadab Nason ka aba, ho Nason Salmon ka aba, 5ho Salmon Boaj ka aba Rahab ka buniiñ, ho Boaj Obed ka aba Ruth ka buniiñ, ho obed Jesse ka aba, 6ho Jesse David radde ka aba.
Ho David Solomon ka aba, mohka mihie Uria ka buniiñ, 7ho Solomon rehoboam ka aba, ho Rehoboam Abija ka aba, ho Abija Asa ka aba, 8ho Asa Jehosapat ka aba, ho Jehosapat Joram ka aba, ho Joram Ujjia ka aba, 9ho Ujjia Jotam ka aba, ho Jotam Ahaj ka aba, ho Ahaj Hejekia ka aba, 10ho Hejekia Manase ka aba, ho Manase Amos ka aba, ho Amos Josia ka aba, 11ho Josia Jekoria la mohka anuabañ atañka aba, Babilon hoka dorlyi myodu ho.
12Ho Babilon ho dorku lala: Jekoria Salatiel ka aba tii, ho Salatiel Zerubabel ka aba, 13ho Zerubabel Abiud ka aba, ho Abiud Eliakim ka aba, ho Eliakim Ajor ka aba, 14ho Ajor Jadok ka aba, ho Jadok Achim ka aba, ho Achim Eliud ka aba, 15ho Eliud Eleajar ka aba, ho Eleajar Matan ka aba, ho Matan Jakob ka aba, 16ho Jakob Josep ka aba Mary ka millo, hulona Jisu bukotiinii, humina Kristo hiila lutii nii.
17Hopa hikha aba-apa khiila Abraham kokiila David lohepa alyañhela piilye; ho David kokii la Babilon hoka dorlyi lohe pa alyañhela piilye aba-apa dutii; ho Babilon hoka dorlyi hokii la Kristo lohepa alyañhela piilye aba-apa dutii.
Jisu Kristo Mika Buniiñ
(Lk 2.1-7)
18 #
Lk 1.26-38. Ho Jisu Kristo mika wiinga buniiñ sichuli pa butii. Mohka annii Mary mi Josep mabo inchi tola dotii, mo anye ka mihie millo busu marañpa mo Darii Yajiyallo kokii wiinga giidopa chimpa tii; 19ho mohka millo Josep, lotii miyu lyinii ho mohmi hiinyañ mohi mupyu namapa, chomyopa byasu dupa miitii. 20Hojalopa mohka hiila hendalyi, kato, Attoh ka miidopopi mohka emmako ahtii, lubiidola, “Josep, David ka oho, no biisoyo Mary mi niika mihie paka biisa niimi, mohka wiinga giiniiñsi Darii Yajiyallo loke; 21#Lk 2.21; Jn 1.29; Miin 13.23. mo milobo oho kone bukiñ do, ho nunu mohka armyañ mi Jisu hiila gyokiñ do, niimpalukoda mo miyu atañmi mohluka ingyamiigya hokii lyangur kendo”. 22Hikha siika lyiniiñ si Attoh ka nyibuhenii atañ mika luna nala luniiñmi miipe kiine dupa lyitii:
23“Kato, dokasanka manii kone wiinga giikiñ do ho milobo oho bukiñdo,
ho mohka armyañ mi Emmanuel hiila gyokiñ do”
(siika luniiñsi, Pinii ngunu agiñho daboda). 24Josep eminii guri bukula, mo Attoh ka miidopopi ka mohmika luniiñ chulipa miitii; mo mohka mihie pa biitii, 25hojalopa mohka oho bumiñ rañhemi doba siila lyimatii; ho mo Jisu hiila mohmi armyañ tii.
Atualmente selecionado:
METHU 1: APATBSI
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.